- 2017-01-12 00:22:39
- ព័ត៌មាន
កូនបង្កើតនិងកូនប្រសាអប្រិយ ធ្វើបាបម្ដាយចាស់បង្ខាំងក្នុងទ្រុងដូចជ្រូករាប់ឆ្នាំ
- 2017-01-12 00:22:39
- ចំនួនមតិ 0 | ចំនួនចែករំលែក 0
កូនបង្កើតនិងកូនប្រសាអប្រិយ ធ្វើបាបម្ដាយចាស់បង្ខាំងក្នុងទ្រុងដូចជ្រូករាប់ឆ្នាំ
ចន្លោះមិនឃើញ
លោកយាយអាយុ៩២ឆ្នាំ កំពុងធ្វើឲ្យមនុស្សជាច្រើនអាណិតអាសូរពន់ពេក ពេលគេដឹងថាគាត់ត្រូវកូនប្រុស និងកូនប្រសាស្រី រួមដៃគ្នាធ្វើបាបម្ដាយជរាដោយបង្ខាំងដូចជ្រូកអស់រយៈពេលជាច្រើនឆ្នាំ។
ប្ដីប្រពន្ធចិត្តខ្មៅនេះ រស់នៅក្នុងភូមិមួយនៃតំបន់ស្វយ័តក្វាងស៊ីចុង ប្រទេសចិន ដោយបានបញ្ឆេះកំហឹងអ្នកប្រើប្រាស់អ៊ីនធឺណិតយ៉ាងច្រើនក្រោយឃុំម្ដាយនៅទីងងឹត។ វីដេអូគួរភ្ញាក់ផ្អើលខាងក្រោម បានបែកធ្លាយតាមបណ្ដាញសង្គមចិនតាំងពីថ្ងៃម្សិលមិញ រហូតប៉ូលិសដុតដៃដុតជើងតាមស្វែងរកកន្លែងកើតហេតុទាល់តែឃើញ។
តាមប្រភពវីដេអូដដែល គេឃើញលោកយាយវ័យចំណាស់ស្គមស្គាំងអង្គុយមាត់បង្អួចដោយដៃទាំងពីរ កាន់របាទ្រុងដ៏កខ្វក់។ ស្ថានភាពនៅទីនោះគគ្រិចគ្មានអនាម័យ បន្ទប់ឃុំតូចជាង១០ម៉ែត្រការ៉េ មិនមានទ្វារ ឬគ្រែសមរម្យឡើយ តែជាបន្ទះក្ដារចាស់មួយ និងភួយចាស់មួយនៅពីលើ។
ក្នុងវីដេអូ គេបានឮសម្ដីលោកយាយនិយាយតិចៗថា "មានដីខ្សាច់ តែភ្នែកខ្ញុំមើលមិនឃើញសោះ"។ បើយោងទៅតាមប៉ូលិសប្រចាំតំបន់អះអាងថា លោកយាយមានឈ្មោះ Yang ត្រូវបានជួយសង្គ្រោះពីខ្ទមខាងលើ រួចបញ្ជូនទៅកាន់មន្ទីរពេទ្យហើយ។ ចំណែកជនសង្ស័យជាប្ដីប្រពន្ធ អាចត្រូវចោទប្រកាន់ពីបទឧក្រិដ្ឋដោយបានធ្វើបាបម្ដាយខ្លួន៕