- 2017-03-07 07:43:16
- ព័ត៌មាន
អង្គរសង្រ្កាន្តឆ្នាំនេះកាន់តែអស្ចារ្យ ចាប៉ីដងវែងប្រវែងជាង១០ម៉ែត្រនឹងត្រូវដាក់តាំងបង្ហាញ
- 2017-03-07 07:43:16
- ចំនួនមតិ 0 | ចំនួនចែករំលែក 0
អង្គរសង្រ្កាន្តឆ្នាំនេះកាន់តែអស្ចារ្យ ចាប៉ីដងវែងប្រវែងជាង១០ម៉ែត្រនឹងត្រូវដាក់តាំងបង្ហាញ
ចន្លោះមិនឃើញ
ព្រឹត្តិការណ៍អង្គរសង្ក្រាន្តដែលរៀបចំឡើងដោយសហភាពសហព័ន្ធកម្ពុជា ដើម្បីចូលរួមអបអរសាទរក្នុងពិធីបុណ្យចូលឆ្នាំថ្មីប្រពៃណីជាតិខ្មែរ តែងតែងផ្ដល់នូវការភាពសប្បាយរីករាយការ ជួបជុំគ្នាតាមរយៈការបង្ហាញអំពីល្បែងប្រជាប្រិយ របាំប្រពៃណី ទំនៀមទម្លាប់នៃការរស់នៅរបស់ប្រជាជនខ្មែរ ដែលបានបន្សល់ទុកតាំងពីយូរលង់ណាស់មកហើយ។ អ្វីដែលគួរឱ្យចាប់អារម្មណ៍នោះព្រឹត្តិការណ៍តែងនាំមកអ្វីដែលថ្មី ប្លែកគួរឱ្យចាប់អារម្មណ៍ ក្នុងនោះកន្លងមកមានដូចជា អន្សមយក្ស អង្រុតយក្សមួកធ្វើពីស្លឹកត្នោតយក្ស បំពង់ទឹកត្នោតយក្ស ជាដើម។ ចុះក្នុងឆ្នាំនេះវិញមានអ្វីគួរឱ្យចាប់អារម្មណ៍ទៀតទេ?
ថ្លែងនៅក្នុងពិធីប្រកាសជាផ្លូវការនូវដំណើរការរៀបចំព្រឹត្តិការណ៍អង្គរសង្ក្រាន្ត កាលពីព្រឹកមិញនេះ ឯកឧត្ដម សំហេង បុរស អនុប្រធានក្រុមការងារប្រតិបត្តិនៃព្រឹត្តិការណ៍អង្គរសង្ក្រាន្តឆ្នាំ២០១៧ បានឱ្យដឹងថា នៅក្នុងឆ្នាំនេះការរៀបចំព្រឹត្តិការណ៍ដ៏អស្ចារ្យនេះ នឹងមានអ្វីដែលពិសេសមិនចាញ់ឆ្នាំមុនៗនោះទេ។ លោកបានឱ្យដឹងថា ក្នុងឆ្នាំ២០១៧ នេះនឹងមានចាប៉ីដងវែងយក្សប្រវែងជាង ១០ម៉ែត្រនឹងត្រូវដាក់តាំងបង្ហាញ និងប្រគំដោយសាស្ត្រាចារ្យចាប៉ីល្បីៗក្នុងប្រទេសកម្ពុជាច្រៀងរៀបរាប់ពីក្បាច់គុនល្បុក្កតោថែមទៀតផង។ បន្ថែមលើពីនេះទៀត ដោយសារឆ្នាំថ្មីនេះជាឆ្នាំរកា ដំណាងដោយសត្វមាន់ ដូច្នេះហើយនឹងមានការកែច្នៃធ្វើជាសំបុកមាន់យក្ស និងពងមាន់យក្សដែលមិនធ្លាប់មានពីមុន។
អនុប្រធានក្រុមការងារប្រតិបត្តិនៃព្រឹត្តិការណ៍អង្គរសង្ក្រាន្តឆ្នាំ២០១៧ ក៏ឱ្យដឹងផងដែរថា រយៈពេលបីថ្ងៃ នៃព្រឹត្តិការណ៍អង្គរសង្ក្រាន្តក្នុងឆ្នាំនេះ គឺមានកម្មវិធីកម្សាន្តសប្បាយ កម្មវិធីប្រពៃណីទំនៀមទម្លាប់ កម្មវិធីសាសនាជាច្រើនដែលបែងចែកទៅតាមតំបន់នីមួយៗ ដូចជាមុខប្រាសាទអង្គរវត្ត ទីលានជល់ដំរី អង្គរឃ្យូងយូរ មុខសួនច្បាររាជដំណាក់ ក្ដារបែនខាងលិចប្រាសាទអង្គរវត្ត ជាដើម។
ក្នុងនោះ ឯកឧត្ដម សំហេង បុរស បានប្រាប់ថា តំបន់ដែលសំខាន់បំផុតក្នុងព្រឹត្តិការណ៍អង្គរសង្ក្រាន្ត គឺតំបន់មុខប្រាសាទអង្គរវត្តដែលមនុស្សទៅលេងកម្សាន្តច្រើនបំផុត។ លោកបានឱ្យដឹងថា កម្មវិធីក្នុងព្រឹត្តិការណ៍អង្គរសង្ក្រាន្តឆ្នាំ២០១៧ នៅមុខប្រាសាទអង្គរវត្តមានដូចជា៖
១. កម្មវិធីល្បែងប្រជាប្រិយ ដែលមានរហូតដល់២៦ល្បែង
២. កម្មវិធីរបាំបុរាណ និងប្រជាប្រិយ
៣. គុណល្បុក្កតោ
៤. កម្មវិធីសួនកុមារ
៥. កម្មវិធីកម្សាន្តតំបន់ត្រជាក់ចិត្ត
៦. កម្មវិធីវិចិត្រករឯក
៧. ពិព័រណ៍ពាណិជ្ជកម្មផលិតផលខ្មែរ
៨. កម្មវិធីប្រកួតអុកចត្រង្គ
៩. កម្មវិធីអភិរក្សបេតិកភណ្ឌ
១០. កម្មវិធីគោមបណ្ដែតទឹក ដែលមានគោមជាង ៥០០០ គោម
១១. កម្មវិធីតន្ត្រីសួស្ដីឆ្នាំថ្មី
និងមានកម្មវិធីបែបសាសនា ប្រពៃណី ជាច្រើននៅតាមតំបន់សំខាន់ៗផ្សេងទៀត៕
