- 2017-04-13 02:52:00
- ព័ត៌មាន
ព័ត៌មានសំខាន់ផ្តល់ឲ្យលោកអ្នកអស់បារម្ភ ពេលទៅលេងអង្គរសង្ក្រាន្ត ខេត្តសៀមរាប
- 2017-04-13 02:52:00
- ចំនួនមតិ 0 | ចំនួនចែករំលែក 0
ព័ត៌មានសំខាន់ផ្តល់ឲ្យលោកអ្នកអស់បារម្ភ ពេលទៅលេងអង្គរសង្ក្រាន្ត ខេត្តសៀមរាប
ចន្លោះមិនឃើញ
អាកាសធាតុក្តៅបូករួមទាំងចំនួនអ្នកមកលេងអង្គរសង្ក្រាន្តច្រើនផងនោះ ម្ល៉ោះហើយទើបស្តង់សង្គ្រោះបឋម និង បន្ទាន់ត្រូវបានរៀបចំឡើងក្នុងគោលបំណងព្យាបាលអ្នកដែលមានបញ្ហាសុខភាពអំឡុងពេលពិធីបុណ្យ។
បើតាមការលើកឡើងរបស់លោក អ៊ាប ប៊ុនលឿន អនុប្រធានមន្ទីរសុខាភិបាលខេត្តសៀមរាបបានឲ្យដឹងថា ក្រុមការងារសង្គ្រោះបឋម និង បន្ទាន់បានត្រៀមខ្លួនរួចហើយដើម្បីជួយដល់អ្នកមកលេងអង្គរសង្ក្រាន្តនៅខេត្តសៀមរាប។ ស្តង់សរុបទាំងអស់ចំនួន៨កន្លែងត្រូវបានបោះទីតាំងនៅកន្លែងរៀបចំសំខាន់ៗដែលធ្វើការចាប់ពីម៉ោង៦ព្រឹក ដល់ម៉ោង ១០យប់។
ស្តង់ទាំងនោះ មានទីតាំងនៅស្ថិត អង្គរធំ៣កន្លែង អង្គរតូច២កន្លែង អង្គរឃ្យុងយូ២កន្លែង និង ជិតព្រះអង្គចេក ព្រះអង្គចម១កន្លែង។ ក្នុងស្តង់នីមួយៗមានក្រុមការងារប្រចាំការចំនួន៧នាក់ ឡានពេទ្យ១គ្រឿង គ្រែ២ តុមួយ កៅអី៤ និង អុកស៊ីសែនមួយដប។
ប្រសិនបើលោកអ្នកមានបញ្ហាទាក់សុខភាព អាចទូរស័ព្ទមកក្រុមការងារសង្គ្រោះបឋម និង បន្ទាន់បាន តាមរយៈលេខ ០១២ ៨៧៦៤១៣ ។
