- 2017-04-13 06:03:00
- ព័ត៌មាន
ក្រុមពន្លត់អគ្គីភ័យប្រចាំការ២៤ម៉ោងនៅអង្គរសង្ក្រាន្ត
- 2017-04-13 06:03:00
- ចំនួនមតិ 0 | ចំនួនចែករំលែក 0
ក្រុមពន្លត់អគ្គីភ័យប្រចាំការ២៤ម៉ោងនៅអង្គរសង្ក្រាន្ត
ចន្លោះមិនឃើញ
ក្រុមការងារអង្គរសង្ក្រាន្តបានសហការជាមួយសមត្ថកិច្ចដើម្បីរៀបចំនូវភ្នាក់ងារពន្លត់អគ្គីភ័យ ក្នុងគោលបំណងការពារសុវត្ថិភាព និង ទ្រព្យសម្បត្តិ ក្នុងករណីមានភ្លើងឆេះកើតឡើង។
លោកវរសេនីយ៍ឯក សំ សុជាតិ ស្នងការរងទទួលបន្ទុកផ្នែកអាវុធ ជាតិផ្ទុះ និង អគ្គីភ័យបានឲ្យដឹងថា ក្រុមការងារពន្លត់អគ្គីភ័យនៅអង្គរសង្ក្រាន្តឆ្នាំនេះមានឡានទឹកសរុបចំនួន១០គ្រឿង ដែលប្រចាំការ២៤ម៉ោងនៅតាមទីតាំងសំខាន់ៗមួយចំនួនក្នុងខេត្តសៀមរាប។ ចំពោះការិយាល័យអគ្គីភ័យគឺមានបុគ្គលិកសរុបចំនួន៣៦រូប និង ខាងនាយកដ្ឋានមាន១២រូបបន្ថែមទៀត។ ចំណែកឯក្រុមការងារសម្រាប់ពន្លត់អគ្គីភ័យវិញគឺ មានគ្នាចំនួន៦នាកសម្រាប់ប្រចាំការនៅតាមទីតាំងនីមួយៗ។
ក្រុមទាំងនោះឈរជើងនៅ ប្រាសាទបាយ័ន១កន្លែង អង្គរវត្ត១កន្លែង អង្គរឃ្យុងយូ១កន្លែង ផាប់ស្ទី្រត(Pubstreet)១កន្លែង និង ស៊ីធីអង្គរ១កន្លែង។ ប៉ុន្តែឡានទឹកទាំងនោះក៍អាចចល័តទៅកន្លែងកើតហេតុនានាផ្សេងទៀតផងដែរ ក្នុងករណីមានគ្រោះអគ្គីភ័យកើតឡើង។
ប្រសិនបើមានករណីអគ្គីភ័យកើតឡើង សូមទាក់ទងភ្លាមៗមកកាន់លេខ ០១២ ៩៩១ ៥០២ និង ០១២ ៦៣០ ០៦៦ ៕
