- 2017-04-14 04:24:04
- ព័ត៌មាន
ឯកឧត្ដម ហ៊ុន ម៉ានី ស្រក់ទឹកភ្នែកយ៉ាងក្ដុកក្ដួលពេល ក្នុងពិធីបើកព្រឹត្តិការណ៍អង្គរសង្ក្រាន្ត
- 2017-04-14 04:24:04
- ចំនួនមតិ 0 | ចំនួនចែករំលែក 0
ឯកឧត្ដម ហ៊ុន ម៉ានី ស្រក់ទឹកភ្នែកយ៉ាងក្ដុកក្ដួលពេល ក្នុងពិធីបើកព្រឹត្តិការណ៍អង្គរសង្ក្រាន្ត
ចន្លោះមិនឃើញ
កំឡុងពេលថ្លែងសន្ទរកថា នៅក្នុងពិធីបើកព្រឹត្តិការណ៍អង្គរសង្ក្រាន្ត ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានសម្រក់ទឹកភ្នែកទាំងក្ដុកក្ដួល នៅពេលរំលឹកទៅដល់ឈ្មោះ សម្ដេចវិបុលបញ្ញា សុខ អាន។
បន្ទាប់ថ្លែងពាក់ព័ន្ធនឹងព្រឹត្តិការណ៍អង្គរសង្ក្រាន្តហើយអស់ នៅពេលមកដល់ចំណុចមួយដែលមានឈ្មោះសម្ដេចវិបុលឡា សុខ អាន ស្រាប់តែឯកឧត្ដម ហ៊ុន ម៉ានី ប្រែសំឡេងអួលអាក់និយាយស្ទើរតែមិនចង់ចេញ ព្រោះនៅក្នុងព្រឹត្តិការណ៍អង្គរសង្ក្រាន្តនេះ ក៏មានការជួយជ្រោមជ្រែង និងការគាំទ្ររាល់ឆ្នាំពីសម្ដេចវិបុលបញ្ញា សុខ អាន ផងដែរ។ ក្នុងនោះ ប្រធានសហភាពសហព័ន្ធយុវជនកម្ពុជា មានភាពសោកស្ដាយជាពន់ពេកក្នុងការបាត់បង់វីរជនខ្មែរ ដែលធ្លាប់តែមានវត្តមានក្នុងព្រឹត្តិការណ៍ដ៏អស្ចារ្យនេះ។
ឯកឧត្ដម ហ៊ុន ម៉ានី ក៏បានបញ្ជាក់ពីហេតុផលដែលជ្រើសរើសយក សត្វមាន់ តំណាងឱ្យឆ្នាំរការ ឬគុជសី នៅក្នុងព្រឹត្តិការណ៍អង្គរសង្រ្កាន្តនេះ ដោយហេតុថា សម្ដេចវិបុលបញ្ញា សុខ អាន ស្រឡាញ់គុជសី នេះខ្លាំងណាស់។ ដូច្នេះហើយបានជ្រើសរើសធ្វើរូប គុជសី ក្នុងព្រឹត្តិការណ៍ដ៏អស្ចារ្យនេះ ដើម្បីរំលឹកទៅដល់ សម្ដេចវិបុលបញ្ញា សុខ អាន និងជាការដឹងគុណក្នុងការបំពេញកាតព្វកិច្ច បម្រើដល់ផលប្រយោជន៍ជាតិ ដែលមានសមិទ្ធផលជាច្រើនរាប់មិនអស់៕
