- 2017-07-28 09:24:43
- ព័ត៌មាន
ជំនន់ទឹកភ្លៀង នៅខេត្តកំពត
- 2017-07-28 09:24:43
- ចំនួនមតិ 0 | ចំនួនចែករំលែក 0
ជំនន់ទឹកភ្លៀង នៅខេត្តកំពត
ចន្លោះមិនឃើញ
នេះជាទិដ្ឋភាពជំនន់ទឹកភ្លៀង ដែលបានញាំញីផ្ទះសម្បែងប្រជាពលរដ្ឋ កាលពីថ្ងៃទី ២៧ ខែកក្ដដា ឆ្នាំ ២០១៧ ត្រង់ចំណុចភូមិ កំពង់គ្រែង ឃុំកំពង់គ្រែង ស្រុកទឹកឈូ ខេត្តកំពត។
បើតាមការរាយការណ៍របស់លោក គីម សាយ អ្នកយកព័ត៌មានមហាជនរបស់ Sabay បានឱ្យដឹងថា ទីតាំងខាងលើ ទទួលរងជំនន់ទឹកភ្លៀងមួយអាទិត្យហើយ ដោយបង្កឱ្យមានការលិចលង់ផ្ទះរបស់ប្រជាពលរដ្ឋ។ទោះបីជាយ៉ាងណា លោកបញ្ជាក់ថា មេឃមិនបានភ្លៀងជាប់នោះទេ ពោលគឺភ្លៀងរាំងៗ ហើយទឹកជំនន់នៅតំបន់នេះទៀតសោត អាចនឹងស្រកវិញនៅប៉ុន្មានថ្ងៃខាងមុខ។
សូមទស្សនាវីដេអូ!
ចំពោះបញ្ហាទឹកជំនន់ ប្រមុខរាជរដ្ឋាភិបាលកម្ពុជា បានប្រកាសឲ្យប្រជាពលរដ្ឋ និង អាជ្ញារប្រុងប្រយ័ត្នខ្ពស់ ខណៈបណ្ដាខេត្តមួយចំនួនកំពុងរងគ្រោះ ដោយសារជំនន់ទឹកភ្លៀង។ រដ្ឋាភិបាលបន្តថា ភ្លៀងនៅបន្តធ្លាក់ ហើយកម្ពស់ទឹកទន្លេ ក៏មានការកើនឡើងជាបន្តបន្ទាប់ ក្នុងនោះមានដូចជា ខេត្តឧត្តរមានជ័យ ព្រះវិហារ ក្រចេះ ស្ទឹងត្រែង បន្ទាយមានជ័យ កំពង់ចាម កំពត និងខេត្តមួយចំនួនទៀត។
តាមការប្រកាសរបស់ក្រសួងក្រសួងធនធានទឹក បានឱ្យដឹងថា ក្នុងរដូវវស្សាឆ្នាំនេះ កម្ពុជាអាចនឹងទទួលរងនូវឥទ្ធិពល ENSO Neutral Condition ដែលបង្កឲ្យមានភ្លៀងធ្លាក់ពីកម្រិតមធ្យមទៅច្រើន ដែលធ្វើឱ្យទឹកក្នុងអាងទន្លេមេគង្គ និងទាំងនៅក្នុងប្រទេសកម្ពុជាទាំងមូលមានការកើនឡើង។
ជុំវិញករណីនេះ រដ្ឋាភិបាលសូមអំពាវនាវដល់មន្ត្រី អាជ្ញាធរ កងកម្លាំងគ្រប់លំដាប់ថ្នាក់ ក្រសួង មន្ទីរ ស្ថាប័នពាក់ព័ន្ធ និងអាជ្ញាធរដែនដី ត្រូវឃ្លាំតាមដានមើល និងជួយប្រជាពលរដ្ឋឲ្យបានទាន់ពេលវេលា ជាពិសេស ប្រជាពលរដ្ឋ ដែលរស់នៅតាមបណ្ដាខេត្ត ដែលកំពុងប្រឈម នឹងបញ្ហាទឹកជំនន់ និងតាមតំបន់ជាប់នឹង ដងស្ទឹង និង សមុទ្រជាដើម។ សូមបង្កើនការយកចិត្តទុកដាក់ និងប្រុងប្រយ័ត្នខ្ពស់បំផុត៕