- 2017-09-02 03:29:08
- ព័ត៌មាន
មនុស្សមានចរិត ៥យ៉ាងនេះ កុំយកខ្លួនបៀតឱ្យសោះ ប្រយ័ត្នក្ដៅចិត្ត
- 2017-09-02 03:29:08
- ចំនួនមតិ 0 | ចំនួនចែករំលែក 0
មនុស្សមានចរិត ៥យ៉ាងនេះ កុំយកខ្លួនបៀតឱ្យសោះ ប្រយ័ត្នក្ដៅចិត្ត
ចន្លោះមិនឃើញ
មនុស្ស ១០នាក់ ចរិត១០ ខុសៗពីគ្នា មានអ្នកខ្លះចរិតល្អគួរឱ្យចង់រាប់អាន តែអ្នកខ្លះចរិតល្អតែពីដំបូង នៅពេលរាប់អានទើបដឹងថា មនុស្សមានពិសជាងពស់អាសិរពិស។ ដូច្នេះតើមនុស្សមានចរិតបែបណាខ្លះ ដែលមិនគួរយកខ្លួនទៅបៀត? ខាងក្រោមនេះជាការលើកឡើងរបស់យុវវ័យមួយចំនួន ជុំវិញបញ្ហានេះ៖់
១. មិត្តភក្ដិនិយាយលើសមួយម៉ាត់មិនបាន
ចរិតប្រភេទនេះ សំដៅដល់អ្នកប្រកាន់ច្រើន គ្រាន់តែនិយាយពាក្យលេងសើច មិនមានបំណងអាក្រក់អ្វីសោះ បែរជាខឹងច្រឡោតនៅគុំកួនក្នុងចិត្ត។ មនុស្សប្រភេទនេះ មិនគួរយកខ្លួនបៀតក៏បាន ព្រោះគេមិនទាន់ស្គាល់ពីយើងនោះទេ ប្រសិនបើគេស្គាល់ច្បាស់ថា យើងជាមនុស្សល្អ គ្រាន់តែលើសលួសតិចតួច គេមិនប្រកាន់ឡើយ។ នេះបើតាមការលើកឡើងរបស់ លក្ខណា រៀននៅសាកលវិទ្យាល័យឯកជនមួយ។
២. ចូលចិត្តបង្អាប់បន្តុះគេ នៅពេលគេតបវិញបែរជាខឹងច្រឡោត
ចំណែកចរិតប្រភេទនេះវិញ ស្រដៀងចរិតខាងលើដែរ គឺចូលចិត្តនិយាយបន្តុះបង្អាប់អ្នកដទៃ ហៅគេសុទ្ធតែអ៊ីចេះ អ៊ីចុះ តែនៅពេលគេបង្អាប់វិញបែរជាក្ដៅក្រហាយ ថាស្ដីឱ្យគេទៅវិញ។ ដូច្នេះបើនៅជិតនាំតែក្ដៅក្រហាយដល់ខ្លួនឯងទេ។ លក្ខណា បន្ថែម។
៣. មិនដែលមើលឃើញពីទឹកចិត្តគេ តែតែងចាប់កំហុស
គ្រប់ពេលមានបញ្ហា ឫមានការពឹងពាក់ តែងរត់រកមិត្តភក្ដិ តែនៅពេលចប់កិច្ចការហើយ គ្មានពាក្យអរគុណមួយម៉ាត់។ មនុស្សប្រភេទនេះ គេហៅថា មនុស្សគ្មានទឹកចិត្ត សូម្បីពាក្យអរគុណមួយម៉ាត់ ឫការតបស្នងអ្វីក៏គ្មាន ប៉ុន្តែនៅពេលគេធ្វើអ្វីមួយមិនត្រូវចិត្តបន្តិចបែរជាប្រកាន់ខឹង ដោយមិនគិតសោះថា មនុស្សដែលខ្លួនកំពុងខឹង ជាអ្នកដែលតែងត្រូវបានខ្លួនប្រើតាមអំពើចិត្ត។ នេះបើតាមការលើកឡើងរបស់វិចិត្រ បុគ្គលិកនៅក្នុងក្រុមហ៊ុនឯកជនមួយ។
៤. ឆាប់ងរង៉ក់ដូចកូនក្មេង
វិចិត្របន្ថែមទៀតថា ចរិតចូលចិត្តឱ្យគេទ្រ មិត្តភក្ដិនិយាយលេងសើចតិចតួច ធ្វើមិនមាត់មិនក មិនចូលចំណោមគេ ជាដើមនេះ ទោះបីមិនរាប់អានជាមួយក៏មិនខាតប្រយោជន៍អ្វីដែរ។
៥. ចរិតមិនទៀងទាត់ម្ដងល្អម្ដងអាក្រក់
មនុស្សប្រភេទនេះ ចាស់ៗតែងនិយាយថា ឆ្មាលាក់ក្រចក សាហាវជាងពស់វែកទៅទៀត។ ពេលខ្លះហាក់ធ្វើល្អជាមួយយើងផ្អែមហួស ជួនកាលឃើញមុខធ្វើមិនឃើញធ្វើមិនស្គាល់ មិនដឹងថាក្នុងចិត្តនឹងចេះតែយ៉ាងម៉េច។ អាចនិយាយថា មនុស្សនេះចូលចិត្តច្រណែនគេ នៅពេលឃើញមិត្តភក្ដិធ្លាក់ចុះ ធ្វើជាស្គាល់ ធ្វើជានិយាយរក តែនៅពេលឃើញមិត្តភក្ដិ មានបាន ធ្វើមិនមើលមុខ ហើយទៅនិយាយដើមក្រោយខ្នងហុយដី៕
ចុចអាន៖
