- 2021-01-28 01:02:52
- ព័ត៌មាន
ជញ្ជាំងប្រាសាទដូនតាបង្ហាញថា សត្វក្រៀល មាននៅដែនដីកម្ពុរដ្ឋយូរលង់ណាស់ហើយ
- 2021-01-28 01:02:52
- ចំនួនមតិ 0 | ចំនួនចែករំលែក 0
ជញ្ជាំងប្រាសាទដូនតាបង្ហាញថា សត្វក្រៀល មាននៅដែនដីកម្ពុរដ្ឋយូរលង់ណាស់ហើយ
ចន្លោះមិនឃើញ
សត្វបក្សីមួយប្រភេទខ្មែរហៅថាសត្វក្រៀល ឬបកតាមភាសាចិនថា កុកទេព (Sarus Crane) គឺជាអំបូរកុកដែលមានមាឌធំហើយខ្ពស់ជាងគេ។
សម្រែកសត្វក្រៀល ក៏ពីរោះណាស់នៅពេលដែលវាស្រែកច្រៀងរាំ។ ក្រៀល ជាសត្វបក្សីដែលមានស្វាមីភក្តិចំពោះគូស្នេហ៍ និងមានញាណពិសេស មិនសូវជាសុីសាច់ជាអាហារ សុីដែរតែស៊ីតិចតួច ភាគច្រើនសុីតែមើមថ្លុង និងរុក្ខជាតិតូចៗ។
សត្វក្រៀល មានប្រវត្តិក្នុងទេវកឋា ព្រហ្មញ្ញសាសនា ព្រះពុទ្ធសាសនា ហើយក៏មានចារឆ្លាក់ទុកតាមប្រាសាទបុរាណខ្មែរយើង ដូចជាប្រាសាទបាយ័នជាដើម សបញ្ជាក់ឲ្យឃើញថាវត្តមាន សត្វបក្សីប្រភេទនេះលើដែនដីសុវណ្ណភូមិ មានតាំងពីយូរលង់ណាស់មកហើយរហូតដូនតាខ្មែរ ផ្ញើរូបរបស់វាលើថ្មសិលា។
បើតាមក្រសួងបរិស្ថានបញ្ជាក់ថា បក្សីនេះរស់នៅតែ ប៉ុន្មានខេត្តប៉ុណ្ណោះ គឺនៅខេត្តព្រះវិហារ ដែនជម្រកសត្វព្រៃគូលែន-ព្រហ្មទេព, នៅបន្ទាយមានជ័យ តំបន់ការពារទេសភាពអាងត្រពាំងថ្ម, នៅតំបន់អភិរក្សសត្វក្រៀលអន្លង់ព្រីង ខេត្តកំពត និងតាកែវ។ វាជាសត្វ ចុះក្នុងបញ្ជីក្រហមជាសត្វដែលជិតផុតពូជលើពិភពលោក។ សត្វក្រៀល ឬកុកទេពចាប់ផ្តើមបង្កកំណើតនៅដើមរដូវវស្សា។
ពួកវាបានចាប់ផ្តើមបំបែកគ្នាជាគូ ឬគ្រួសារ ចំនួនពី២ក្បាល ទៅ៣ក្បាលដើម្បីបង្កកំណើត។ រយៈពេលពីខែឧសភា ដល់ខែតុលា ជារដូវពងកូនរបស់ពពួកសត្វនេះ នៅតាមវាលស្មៅធំៗ។ កុកក្រៀល ឬកុកទេព អាចពងកូនបាន១ ឬ២ប៉ុណ្ណោះក្នុងមួយរដូវកាល ឬក្នុងមួយឆ្នាំ។ សត្វមេអាចក្រាបពងរវាង៤ទៅ៥សប្តាហ៍ទើបអាចឱ្យកូននោះញាស់បាន៕