- 2018-01-21 07:46:33
- សេដ្ឋកិច្ច
ពីភូមិលើចំណោតភ្នំដ៏គ្រោះថ្នាក់ ក្លាយជាកន្លែងទេសចរណ៍ដ៏ទាក់ទាញ
- 2018-01-21 07:46:33
- ចំនួនមតិ 0 | ចំនួនចែករំលែក 0
ពីភូមិលើចំណោតភ្នំដ៏គ្រោះថ្នាក់ ក្លាយជាកន្លែងទេសចរណ៍ដ៏ទាក់ទាញ
ចន្លោះមិនឃើញ
ភូមិមួយដែលស្ថិតនៅលើចំណោតភ្នំ ត្រូវបានរដ្ឋាភិបាលចិនបោះលុយជាង ៩៨ លានដុល្លារអាមេរិក ដើម្បីកែប្រែពីភូមិក្រីក្រ ទៅជាតំបន់ទេសចរណ៍ដ៏ទាក់ទាញ។ នេះបើយោងតាមការចុះផ្សាយរបស់សារព័ត៌មាន The South China Morning Post។
ភូមិនេះបានទាក់ទាញចំណាប់អារម្មណ៍ពីមនុស្សជាច្រើននៅលើពិភពលោក កាលពីឆ្នាំ ២០១៦ បន្ទាប់ពីរូបថតបង្ហាញពីក្មេងៗសិស្សសាលាអាយុ ៦ ឆ្នាំបានធ្វើដំណើរកាត់តាមជណ្តើរវល្លិប្រហែល ៨០០ ម៉ែត្រឡើងតាមច្រាំងថ្មដ៏គ្រោះថ្នាក់ទៅ និង ត្រលប់មកពីសាលារៀនវិញ ត្រូវបានបង្ហោះលើបណ្តាញអ៊ិនធើណិត។
បន្ទាប់ពីរូបថតទាំងនោះបានផ្សព្វផ្សាយយ៉ាងទូលំទូលាយ រដ្ឋាភិបាលចិនក៏បានធ្វើជណ្តើរដែក ២ ៥០០ កាំចំណាយទឹកប្រាក់ ១៥៦ ០០០ ដុល្លារ ដើម្បីឲ្យពួកគេបានធ្វើដំណើរស្រួលជាងមុន។ ភូមិនេះស្ថិតនៅក្នុងខេត្តស៊ីឈួន (អតីតទឹកដីលីវ ប៉ី ក្នុងរឿងសាមកុក) ជាខេត្តក្រីក្រមួយរបស់ប្រទេសចិន ដែលមានលក្ខណៈភូមិសាស្រ្តសម្បូរទៅដោយជ្រលងភ្នំ៕
