- 2018-05-12 04:41:02
- ព័ត៌មាន
រដ្ឋមន្រ្តីវៀតណាម ស្នើដាក់កំហិតម៉ោងលក់គ្រឿងស្រវឹង
- 2018-05-12 04:41:02
- ចំនួនមតិ 0 | ចំនួនចែករំលែក 0
រដ្ឋមន្រ្តីវៀតណាម ស្នើដាក់កំហិតម៉ោងលក់គ្រឿងស្រវឹង
ចន្លោះមិនឃើញ
ក្រសួងសុខាភិបាលវៀតណាម កំពុងប្រមូលមតិលើសំណើ ហាមឃាត់ការលក់គ្រឿងស្រវឹងក្នុងអំឡុងពេលជាក់លាក់ណាមួយ ក្នុងគោលបំណងកាត់បន្ថយផលប៉ះពាល់អវិជ្ជមានលើសង្គម។
នៅក្នុងសេចក្ដីព្រាងច្បាប់ស្ដីពីការបង្ការផលប៉ះពាល់នៃការសេពគ្រឿងស្រវឹង ក្រសួងសុខាភិបាលវៀតណាម បានគូសបញ្ជាក់សេណារីយ៉ូ ដែលអាចធ្វើឡើងចំនួន ៣ សម្រាប់ការដាក់កំហិតលើការលក់គ្រឿងស្រវឹងក្នុងកំឡុងពេលជាក់លាក់ណាមួយ។
សេណារីយ៉ូទី១៖ គ្រឿងស្រវឹងនឹងត្រូវលក់ចាប់ពីម៉ោង ១១ ព្រឹក ដល់ ម៉ោង ២ រសៀល និងចាប់ពី ម៉ោង ៥ ល្ងាច ដល់ ១០ យប់ជារៀងរាល់ថ្ងៃ។ ច្បាប់នេះមិនអនុវត្តចំពោះស្ថានីយអន្តរជាតិនៅព្រលានយន្តហោះក្នុងស្រុក និងតាមតំបន់លក់ម្ហូបអាហារ , ការកម្សាន្ត និងទេសចរណ៍ឡើយ។
សេណារីយ៉ូទី២៖ គ្រឿងស្រវឹងនឹងត្រូវលក់ចាប់ពីម៉ោង ៦ ព្រឹក ដល់ ម៉ោង ១០ យប់ជារៀងរាល់ថ្ងៃ។ ច្បាប់នេះមិនអនុវត្តចំពោះតាមតំបន់លក់ម្ហូបអាហារ , ការកម្សាន្ត និងទេសចរណ៍ឡើយ។
សេណារីយ៉ូទី៣៖ អាជ្ញាធរនៅតាមទីក្រុង និងខេត្តនិមួយៗ ជាអ្នកសម្រេចចិត្តលើការហាមឃាត់របស់ពួកគេ។
ច្បាប់បណ្ដោះអាសន្ន ត្រូវបានគេរំពឹងថា នឹងត្រូវបង្ហាញទៅរដ្ឋសភា នៅចុងឆ្នាំ២០១៨ ហើយច្បាប់នេះនឹងត្រូវគេអនុម័ត ឬយ៉ាងណា នឹងត្រូវសម្រេចនៅដើមឆ្នាំ២០១៩។
បើយោងតាម លោក Tran Thi Trang អនុប្រធានផ្នែកច្បាប់នៃក្រសួងសុខាភិបាល បានឲ្យដឹងថា សេចក្ដីព្រាងច្បាប់នេះត្រូវបានបង្កើតឡើង ដោយប្រើរយៈពេលអស់ ១០ ឆ្នាំ។ ក្នុងកំឡុងពេលនោះ ការទទួលទានស្រាបៀនៅវៀតណាម បានកើនឡើងពី ២,៧ ពាន់លានលីត្រ ដល់ ៤ ពាន់លានលីត្រក្នុងមួយឆ្នាំ៕
ចុចអាន៖
