- 2018-05-25 03:21:47
- ព័ត៌មាន
កូរ៉េខាងជើង បញ្ចេញវីដេអូកម្ទេចកន្លែងធ្វើតេស្តនុយក្លេអ៊ែរ ក្រោយ ត្រាំ លុបចោលជំនួបកំពូល (មានវីដេអូ)
- 2018-05-25 03:21:47
- ចំនួនមតិ 0 | ចំនួនចែករំលែក 0
កូរ៉េខាងជើង បញ្ចេញវីដេអូកម្ទេចកន្លែងធ្វើតេស្តនុយក្លេអ៊ែរ ក្រោយ ត្រាំ លុបចោលជំនួបកំពូល (មានវីដេអូ)
ចន្លោះមិនឃើញ
កូរ៉េខាងជើង បានបញ្ចេញវីដេអូឃ្លិបមួយខ្សែ បង្ហាញឲ្យឃើញការកម្ទេចចោលកន្លែងធ្វើតេស្តនុយក្លេអ៊ែររបស់ខ្លួន នៅក្នុងថ្ងៃតែមួយបន្ទាប់ពីប្រធានាធិបតីអាមេរិក ដូណាល់ ត្រាំ សម្រេចលុបចោលជំនួបកំពូល នាថ្ងៃទី ១២ ខែ មិថុនា ខាងមុខ។
ជាមួយគ្នានេះដែរ បើតាមការអះអាងរបស់កូរ៉េខាងជើង នៅថ្ងៃសុក្រ ទី២៥ ខែឧសភា ឆ្នាំ២០១៨ នេះ បានឲ្យដឹងថា ខ្លួននៅតែមានឆន្ទៈចង់ជួបពិភាក្សាជាមួយសហរដ្ឋអាមេរិក បន្ទាប់ពីលោក ដូណាល់ ត្រាំ បានលុបចោលជំនួបរវាងប្រទេសទាំងពីរ ខណៈទីក្រុងព្យុងយ៉ាងពិពណ៌នាថា វាជារឿងគួរឲ្យសោកស្តាយខ្លាំងបំផុត។
លោក Kim Kye Gwan អនុរដ្ឋមន្ត្រីការបរទេសទីមួយរបស់កូរ៉េខាងជើង បាននិយាយនៅក្នុងសេចក្ដីថ្លែងការណ៍មួយ ដែលចេញផ្សាយដោយភ្នាក់ងារព័ត៌មាន KCNA របស់រដ្ឋថា «ការប្រកាសលុបចោលជំនួបនេះ គឺយើងមិននឹកស្មានដល់នោះទេ ប៉ុន្តែវាពិតជារឿងគួរឲ្យសោកស្ដាយខ្លាំងបំផុត»។
យ៉ាងណាមិញ លោក Kim បានបន្ថែមថា «យើងថ្លែងជាថ្មីម្ដងទៀតទៅកាន់សហរដ្ឋអាមេរិក នូវឆន្ទៈរបស់យើងក្នុងការអង្គុយទល់មុខគ្នា គ្រប់ពេលវេលា គ្រប់ទម្រង់ទាំងអស់ ដើម្បីដោះស្រាយបញ្ហា»៕
សូមទស្សនាវីដេអូខាងក្រោម៖
