- 2018-06-20 08:02:32
- ព័ត៌មាន
មកដឹងពីចំនួនមន្ត្រីរាជការ និងប្រាក់ខែអប្បបរមាក្នុងវិស័យនីមួយៗ
- 2018-06-20 08:02:32
- ចំនួនមតិ 0 | ចំនួនចែករំលែក 0
មកដឹងពីចំនួនមន្ត្រីរាជការ និងប្រាក់ខែអប្បបរមាក្នុងវិស័យនីមួយៗ
ចន្លោះមិនឃើញ
គិតត្រឹមឆ្នាំ២០១៨នេះ មន្ត្រីរាជការនៅក្នុងប្រទេសកម្ពុជាមានចំនួនជាង២សែននាក់ ក្នុងនោះក្រសួងអប់រំមានមន្ត្រីបម្រើការច្រើនជាងគេ បើធៀបទៅនឹងក្រសួងផ្សេងៗទៀត។
ក្នុងបឋកថាមួយធ្វើឡើងនៅថ្ងៃទី២០ ខែមិថុនា ឆ្នាំ២០១៨ នៅសាលាភូមិន្ទរដ្ឋបាល និងត្រូវបានផ្សព្វផ្សាយបន្តលើទំពរហ្វេសប៊ុករបស់ក្រសួង ឯកឧត្តម យក់ ប៊ុនណា រដ្ឋលេខាធិការក្រសួងមុខងាសារធាណៈ បានបង្ហាញឲ្យដឹងថាមន្ត្រីរាជការទាំងអស់មានចំនួន២០៨ ៣៦៨នាក់ ក្នុងនោះស្រ្តីមានចំនួន៨៤ ៤៦៦ នាក់ សម្រាប់ឆ្នាំ២០១៨។
ក្នុងបឋកថារបស់ឯកឧត្តមបង្ហាញថា ក្រសួងអប់រំមានមន្ត្រីរបស់ខ្លួនចំនួន១១៩ ៥៩៣នាក់ ក្រសួងសុខាភិបាលមានចំនួនជាងពីរម៉ឺនបីពាន់នាក់ ក្រសួងមហាផ្ទៃមានមន្ត្រីជាងមួយម៉ឺនពីរពាន់នាក់ ក្រសួងសេដ្ឋកិច្ចមានជិន៦ ០០០នាក់ និងក្រសួងផ្សេងទៀតមានចំនួនជាងបួនម៉ឺនប្រាំពីរពាន់នាក់។
សម្រាប់ប្រាក់បៀវត្សរ៍អប្បបរមារបស់មន្ត្រីក្រសួងអប់រំ និងមន្ត្រីក្រសួងសុខាភិបាលមានចំនួនជាង១លាន១សែនរៀល ខណៈមន្ត្រីរាជការក្នុងវិស័យរដ្ឋបាល ការទូត និងបច្ចេកទេសបានតិចជាងនេះ១សែនរៀល សម្រាប់ឆ្នាំ២០១៨នេះ៕
