- 2018-07-18 10:30:00
- ព័ត៌មាន
ក្រសួងប្រកាសប្រុងប្រយ័ត្នបន្ថែម ចាប់ពីស្អែក នឹងអាចមានបាតុភូតធម្មជាតិ ៣នេះ
- 2018-07-18 10:30:00
- ចំនួនមតិ 0 | ចំនួនចែករំលែក 0
ក្រសួងប្រកាសប្រុងប្រយ័ត្នបន្ថែម ចាប់ពីស្អែក នឹងអាចមានបាតុភូតធម្មជាតិ ៣នេះ
ចន្លោះមិនឃើញ
ព្យុះទី ៩ ដែលមានឈ្មោះ សុនទីញ (SON-TINH) នឹងធ្វើដំណើរកាត់ហៃណាំ រួចទៅដល់ឆ្នេរតុងកឹង (ប្រទេសវៀតណាម) នៅយប់ថ្ងៃ ទី ១៩ កក្កដាស្អែក។ នេះបើតាមសេចក្ដីប្រកាសព័ត៌មាន របស់ក្រសួងធនធានទឹក និងឧតុនិយម។
ឥទ្ធិពលព្យុះនេះ នឹងធ្វើឲ្យអាកាសធាតុនៅកម្ពុជា មានស្ថានភាពដូចខាងក្រោម ផ្ទៃមេឃអាប់អួ មានពពកច្រើន និងភ្លៀងធ្លាក់រាយប៉ាយទូទាំងប្រទេស ពិសេស ចាប់ពីថ្ងៃទី ១៩ ដល់ ២១ ខែកក្កដា ឆ្នាំ ២០១៨។
ក្រៅពីការប្រកាសឲ្យប្រជាពលរដ្ឋ មានការប្រុងប្រយ័ត្នបាតុភូតធម្មជាតិខាងលើ តាមគេហទំព័រ ក្រសួងធនធានទឹក និងឧតុនិយម បានជូនដំណឹងបន្ថែម ក្នុងកម្រិតប្រកាសអាសន្នចំនួន៣ ថ្ងៃ គឺចាប់ពីថ្ងៃនេះ និងដល់ថ្ងៃទី១៩ និង ២០ ខែកក្កដាខាងមុខ។
តាមការចុះផ្សាយរបស់គេហទំព័រ ដដែល បានបញ្ជាក់ ការប្រកាសអាសន្ន៣ចំណុច មានដូចជា
១.បញ្ហាភ្លៀងធ្លាក់ខ្លាំង
២.ខ្យល់បក់ខ្លាំង
៣.និងរលកកម្ពស់បោកបក់ខ្ពស់។
តាមគេហទំព័រ របស់ក្រសួងធនធានទឹក និងឧតុនិយម បានជូនដំណឹង ប្រកាសអាសន្ន ដើម្បីឲ្យប្រជាពលរដ្ឋមានការប្រុងប្រយ័ត្ន។
តាមគេហទំព័រដដែល បានផ្សាយបន្តថា ចាប់ពីនៅថ្ងៃពុធ ទី១៨, ១៩ និង ២០ ខែកក្កដា ឆ្នាំ២០១៨ នេះតទៅ សូមប្រុងប្រយ័ត្ន ភ្លៀងធ្លាក់ខ្លាំង នឹង ខ្យល់បក់ខ្លាំង នឹងកើតមាននៅតំបន់ដែលមានពណ៌ (ដូចក្នុងរូប) ក្នុងល្បឿន១០ ទៅ ១៥ ម៉ែត្រក្នុងមួយវិនាទី។
ចំណែករលកសមុទ្រនៅតំបន់ដែលមានពណ៌ (ដូចក្នុងរូប) អាចមានកម្ពស់ ពី១,៥០ម៉ែត ទៅ២,០០ម៉ែត។