- 2018-09-08 07:11:18
- ព័ត៌មាន
ការពិតទាំង ១០ ពីប្រទេសជប៉ុន មិនសូវមានអ្នកដឹង
- 2018-09-08 07:11:18
- ចំនួនមតិ 0 | ចំនួនចែករំលែក 0
ការពិតទាំង ១០ ពីប្រទេសជប៉ុន មិនសូវមានអ្នកដឹង
ចន្លោះមិនឃើញ
ជប៉ុន គឺជាប្រទេសមួយដែលមានវប្បធម៌ដ៏សម្បូរបែប រួមទាំងប្រពៃណីបុរាណអាយុកាលរាប់សតវត្ស និងភាពជឿនលឿនផ្នែកបច្ចេកវិទ្យាផងដែរ ។ តើអ្នកដឹងទេថា ប្រជាជនជប៉ុនមានអាយុកាលជាមធ្យម ខ្ពស់បំផុតនៅលើពិភពលោក?
ខាងក្រោមនេះគឺជាការពិតទាំង ១០ ពីប្រទេសជប៉ុន មិនសូវមានអ្នកដឹង៖
#១ នៅក្នុងភាសាជប៉ុន ពាក្យថា «Japan» គឺ «Nihon» ឬ «Nippon» មានន័យថា «Land of the Rising Sun» (ដែនដីនៃព្រះអាទិត្យរះ)។ គេធ្លាប់ជឿថា ជប៉ុន ជាប្រទេសដំបូងគេដែលមើលឃើញព្រះអាទិត្យរះ នៅទិសខាងកើត នាពេលព្រឹក។
#២ ប្រជាជនជប៉ុនមានអាយុកាលវែងបំផុតលំដាប់ទី៣ នៅលើពិភពលោក។ អាយុជាមធ្យមរបស់មនុស្សប្រុស គឺ ៨១ឆ្នាំ និង ៨៨ឆ្នាំសម្រាប់មនុស្សស្រី។ ជនជាតិជប៉ុនមានអាយុជាមធ្យមច្រើនជាងជនជាតិអាមេរិក ៤ឆ្នាំ។
#៣ ប្រទេសជប៉ុនមានកោះជាង ៦ ៨០០កន្លែង។
#៤ នៅនិទាឃៈរដូវនីមួយៗ ប្រទេសជប៉ុនមានពិធីបុណ្យមួយ ដែលប្រារព្ធឡើងដើម្បីអបអរលិង្គមនុស្សប្រុស និងប្រដាប់ភេទរបស់ស្ត្រី ដែលមានឈ្មោះថា «Kanamara Matsuri» ឬ«Festival of the Steel Phallus»។
#៥ ២១ភាគរយនៃប្រជាជនជប៉ុន គឺជាមនុស្សចាស់ (មានអាយុលើសពី ៦៥ឆ្នាំ) ដែលជាសមាមាត្រខ្ពស់បំផុតនៅលើពិភពលោក។ សព្វថ្ងៃ ជប៉ុនមានមនុស្សចាស់ ច្រើនជាងមនុស្សវ័យក្មេង។
#៦ ជនជាតិជប៉ុនបរិភោគត្រីច្រើនជាងមនុស្សដទៃទៀតនៅលើពិភពលោក ដែលមានចំនួនប្រហែល ១៧លានតោនក្នុងមួយឆ្នាំ។ ជប៉ុន គឺជាប្រទេសនាំចូលអាហារសមុទ្រដ៏ធំបំផុតរបស់ពិភពលោក ដោយមានបង្គាប្រមាណមួយភាគបីនៃបរិមាណសរុប ស្មើនឹងប្រហែល ៤លានតោនក្នុងមួយឆ្នាំ។
#៧ សៀវភៅរឿងគំនូរជីវចលជប៉ុន (Manga) ជាង ២ពាន់លានក្បាល ត្រូវបានលក់ដាច់ជារៀងរាល់ឆ្នាំនៅក្នុងប្រទេសជប៉ុន។
#៨ ជនជាតិជប៉ុនទទួលទានមីកញ្ចប់ ជាង ៥ពាន់លានកញ្ចប់ ជារៀងរាល់ឆ្នាំ។ ចុងភៅជប៉ុន លោក Momofuku Ando បានបង្កើត មីសាច់មាន់ «Chicken Ramen» ដំបូងនៅឆ្នាំ១៩៥៨។
#៩ ស៊ូស៊ី (Sushi) កើតមានតាំងពីសតវត្សទី២។ វាបានចាប់ផ្ដើមចេញពីវិធីដើម្បីរក្សាត្រីនៅក្នុងប្រទេសចិន ហើយនៅទីបំផុតបានមកដល់ប្រទេសជប៉ុន។ វិធីសាស្ត្រនៃការបរិភោគត្រីឆៅ និងបាយ បានចាប់ផ្ដើមនៅដើមសតវត្សទី១៧។ ស៊ូស៊ី មិនមែនមានន័យថា «ត្រីឆៅ» នៅក្នុងភាសាជប៉ុនទេ។ ការពិតវាមានន័យថា បាយដែលមានទឹកខ្មេះ ស្ករ និងអំបិល។ ត្រីឆៅ ដែលត្រូវបានគេកាត់ និងបរិភោគតែឯង ត្រូវបានគេហៅថា «Sashimi»។
#១០ ប្រទេសជប៉ុនមានម៉ាស៊ីនលក់ឥវ៉ាន់ ប្រហែល ៥,៥លានគ្រឿង ហើយមាននៅស្ទើរតែគ្រប់ផ្លូវ។ ម៉ាស៊ីនទាំងនោះមានលក់ ស្រាបៀ , កាហ្វេក្ដៅ និង ត្រជាក់ , បារី , ស្រា , ស្រោមអនាម័យ , សៀវភៅគំនូរជីវចល , Hot Dog , អំពូលភ្លើង , អង្ករ , ក្រដាសអនាម័យប្រើក្នុងបង្គន់ , ឆត្រ , នុយត្រី , ស៊ុតស្រស់ , ទស្សនាវដ្ដីសិច និង សូម្បីតែខោទ្រនាប់ស្ត្រីមួយទឹក៕
ចុចអាន៖