- 2018-10-30 07:33:33
- ព័ត៌មាន
មន្ត្រីវៀតណាម ស្នើការដាក់ពិន័យធ្ងន់ ចំពោះសិស្សស្រីលក់សេវាកម្មផ្លូវភេទ
- 2018-10-30 07:33:33
- ចំនួនមតិ 0 | ចំនួនចែករំលែក 0
មន្ត្រីវៀតណាម ស្នើការដាក់ពិន័យធ្ងន់ ចំពោះសិស្សស្រីលក់សេវាកម្មផ្លូវភេទ
ចន្លោះមិនឃើញ
សេចក្ដីព្រាងច្បាប់មួយដែលត្រូវបានស្នើឡើងដោយក្រសួងអប់រំយុវជនវៀតណាម បានបង្កឲ្យមានភាពចម្រូងចម្រាស ដោយចែងថា សិស្សវិទ្យាល័យ និងសិស្សសាលាបណ្ដុះបណ្ដាលវិជ្ជាជីវៈ ដែលកំពុងរៀនគរុកោសល្យ ត្រូវតែបណ្ដេញចេញពីសាលា ប្រសិនបើរកឃើញថាពួកគេបានលក់សេវាកម្មផ្លូវភេទជាលើកទី៤ ក្នុងអំឡុងកម្មវិធីសិក្សារបស់ពួកគេ។
ជាមួយគ្នានេះដែរ ការរំលោភបំពានលើកទី១ នឹងទទួលការស្ដីបន្ទោស ខណៈលើកទី២ និងទី៣ នឹងទទួលការព្រមានធ្ងន់ធ្ងរ និងការព្យួរឈ្មោះបណ្ដោះអាសន្នពីសាលា។ នេះបើយោងតាមបទបញ្ជាដែលបានស្នើឡើង។
សេចក្ដីព្រាងច្បាប់ត្រូវបានដាក់បញ្ចូលទៅក្នុងគេហទំព័ររបស់ក្រសួងនៅខែនេះ ដើម្បីស្វាគមន៍មតិយោបល់ជាសាធារណៈ ដែលគ្រោងនឹងបញ្ចប់នៅថ្ងៃទី២៦ វិច្ឆិកា។ ទោះបីជាយ៉ាងណាក៏ដោយ ឯកសារនោះត្រូវបានដកចេញពីគេហទំព័រវិញ បន្ទាប់ពីរកឃើញ «ភាពមិនសមហេតុផល» នៅក្នុងសេចក្ដីព្រាងច្បាប់នោះ ខណៈវាមានកំហុសឆ្គង ព្រោះឯកសារដែលបានបញ្ចូលនៅលើគេហទំព័រ មិនមែនជាកំណែចុងក្រោយបង្អស់៕
ចុចអាន៖
