- 2019-03-19 03:07:54
- ព័ត៌មាន
ចម្លែកបំផុត! ម៉ារ៉ាតុងនៅបារាំង តម្រូវឲ្យអ្នកចូលរួមផឹកស្រា និងញ៉ាំឈីសតាមផ្លូវ
- 2019-03-19 03:07:54
- ចំនួនមតិ 0 | ចំនួនចែករំលែក 0
ចម្លែកបំផុត! ម៉ារ៉ាតុងនៅបារាំង តម្រូវឲ្យអ្នកចូលរួមផឹកស្រា និងញ៉ាំឈីសតាមផ្លូវ
ចន្លោះមិនឃើញ
ការប្រកួតរត់ម៉ារ៉ាតុងមួយក្នុងប្រទេសបារាំងដែលតម្រូវឲ្យអ្នកចូលរួមទាំងអស់ឈប់ផឹកស្រា និងញ៉ាំឈីស បានបើកទ្វារសម្រាប់ការចុះឈ្មោះហើយក្នុងឆ្នាំនេះ។
ការប្រកួតរត់ម៉ារ៉ាតុងនេះមានឈ្មោះថា The Marathon du Medoc ដែលទទួលអ្នកចូលរួម ៨ ៥០០នាក់ឲ្យរត់ក្នុងចម្ងាយជាផ្លូវការ ៤២,១៩ គីឡូម៉ែត្រកាត់តាមចម្ការទំពាំងបាយជូរនាភាគនិរតីនៃប្រទេសបារាំង។ អ្វីដែលចម្លែកក្នុងការប្រកួតនេះ គឺអំឡុងពេលនៃការរត់ អ្នកចូលរួមទាំងអស់នឹងឈប់ភ្លក់ស្រា, អ័យស្ទរ, ស្ទេក, ឈីស, ទំពាំងបាយជូរ, ការ៉េម និងទស្សនាការសម្ដែងតន្ត្រីផងដែរ។ យោងតាមអ្នករៀបចំកម្មវិធីឲ្យដឹងថា ទីផ្ដាច់ព្រ័ត្រនឹងត្រូវបិទក្នុងរយៈពេល ៦ម៉ោងកន្លះ ដូច្នេះវានឹងសមល្មមសម្រាប់អ្នកចូលរួមទាំងអស់សូម្បីអ្នកទើបរត់លើកដំបូងក៏ដោយ។ បន្ទាប់ពីការប្រណាំង ក៏មានការប្រារព្ធពិធីពេញមួយល្ងាចដោយមានក្រុមតន្រ្តី និងអ្នកផលិតក្នុងស្រុកផ្គត់ផ្គង់អាហារនិងភេសជ្ជៈបន្ថែមទៀតផងដែរ។
គួរឲ្យដឹងថា ការប្រកួតនេះ ត្រូវបានចាប់ផ្ដើមឡើងកាលពីឆ្នាំ ១៩៨៥ដោយយកឈ្មោះតាមតំបន់ផលិតស្រា Medoc ភាគខាងជើងទីក្រុង Bordeaux ប្រទេសបារាំង។ សម្រាប់ឆ្នាំនេះ ការប្រកួតនឹងធ្វើឡើងនៅថ្ងៃសៅរ៍ទី ៧ខែកញ្ញាហើយអ្នកដែលចូលរួម តម្រូវឲ្យបង់ប្រាក់ ៩៩ដុល្លារក្នុងម្នាក់៕