កំណើនប្រជាជន និង កំណើនយានយន្ត ផ្លូវសាធារណៈ ក្លាយជាចំណត ឬ កន្លែងផ្ញើ នៅភ្នំពេញ

2019-07-15 03:46:43
ចរាចរណ៍

2019-07-15 03:46:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ទើរគ្រប់ទីកន្លែងនៅភ្នំពេញ ជាពិសេសតំបន់ប្រជុំជន ក្បែរផ្សារ ផ្លូវសាធារណៈបានក្លាយជាទីចំណត ឬ កន្លែងផ្ញើម៉ូតូ ឡាន ពេលយប់។ ការយកចំណីផ្លូវធ្វើជាចំណត ឬ ជាកន្លែងផ្ញើម៉ូតូ ដោយសារតែកំណើនប្រជាជន និង កំណើនយានយន្ត ឥតឈប់ឈរ។ នេះជាការលើកឡើងពី បុរសម្នាក់ ឈ្មោះ ឈាង រស់នៅម្ដុំផ្សារអូរឬស្សី។

“នៅភ្នំពេញមិនមែនមានផ្ទះក្រោមទាំងអស់ទេ ខ្លះនៅជាន់ទី ១ រហូតដល់ទី ៤ ក៏មាន អីចឹង! អ្នកមានផ្ទះនៅជាន់លើ គឺអត់កន្លែងផ្ញើម៉ូតូ ឡានទេ មានតែផ្ញើតាមផ្ទះ ឬ នៅផ្សារ គឺតម្លៃផ្ញើម៉ូតូ ១ ចន្លោះពី ១៥០០ រៀល – ២០០០ រៀល បើដាក់ខែអាចថោកជាងនេះ គឺពី ១០-១៥ ដុល្លារ ទៅតាមផ្ទះ និង ទីកន្លែង"។ ឈាង និយាយបន្ថែម។

ឈាង បន្ដថា "បង Sabay ជួយគិតមើល! បើមនុស្សចេះតែកើនរហូតនៅភ្នំពេញ ហើយក្នុងមួយគ្រួសារខ្លះ មានគ្នា ៥ នាក់ គឺមានម៉ូតូ យ៉ាងតិច ៣ បាត់ទៅហើយ ជាក់ស្ដែងផ្ទះខ្ញុំ ខ្ញុំមានបងប្អូន ៦ នាក់ គឺមានម៉ូតូ ៥ បើគ្រប់គ្នាមានយានជំនិះគ្រប់គ្នា គឺងាយនឹងទៅធ្វើការ រៀនសូត្រ រៀងៗខ្លួន តែលំបាករឿងផ្ញើម៉ូតូ ដូច្នេះ ខ្ញុំដាក់ផ្ញើគេនៅខាងក្រោមផ្ទះ តែថ្ងៃណាខ្លះដាច់យប់ ខ្ញុំយកទៅផ្ញើនៅសាលាសង្កាត់ផ្សារអូរឬស្សី ៤ គឺមានគេដាក់ម៉ូតូ ឡានត្រៀបត្រា តែព្រឹកឡើង គឺត្រូវរួសរាន់ទៅយកម៉ូតូ ខ្លាចស្ទះចរាចរណ៍"៕