- 2019-08-17 10:13:00
- សេដ្ឋកិច្ច
Nas Daily រើសបុគ្គលិកវៀតណាមឲ្យធ្វើការនៅក្រុមហ៊ុនសឹង្ហបុរីរបស់ខ្លួន កំពុងរងការស៊ើបអង្កេត
- 2019-08-17 10:13:00
- ចំនួនមតិ 0 | ចំនួនចែករំលែក 0
Nas Daily រើសបុគ្គលិកវៀតណាមឲ្យធ្វើការនៅក្រុមហ៊ុនសឹង្ហបុរីរបស់ខ្លួន កំពុងរងការស៊ើបអង្កេត
ចន្លោះមិនឃើញ
វីដេអូ blogger ដ៏ល្បីល្បាញដែលបានផលិតវីដេអូពីគ្រប់ទិសទីជុំវិញពិភពលោក គឺលោក Nuseir Yassin ហៅ Nas Daily បានប្រកាសរើសបុគ្គលិកវៀតណាមឲ្យដាក់ពាក្យធ្វើការនៅក្រុមហ៊ុនបង្កើតថ្មីរបស់ខ្លួននៅក្នុងប្រទេសសិង្ហបុរី។
លោក យ៉ាស់ស៊ីន ( Yassin) ហៅ Nas Daily បានសរសេរនៅលើ Facebook page Nas Daily ភាសាវៀតណាម Nas Daily Tiếng Việt របស់លោកដែលមាន followers ជាង ៧៣,០០០ នាក់ កាលពីថ្ងៃទី១២សីហាថា "ខ្ញុំកំពុងស្វែងរកអ្នកផលិតវីដេអូវៀតណាម ដែលផលិតវីដេអូបានល្អបំផុត ឲ្យមកចូលរួមជាបុគ្គលិកពេញម៉ោងជាមួយខ្ញុំ។ អ្នកត្រូវចេះពីរបៀបផលិតវីដេអូ។ អ្នកត្រូវតែជាអ្នកពូកែថត និង កាត់ត"។
The Straits Times បានរាយការណ៍ថាក្រោយ Nas Daily បានបង្ហោះរើសបុគ្គលិក អ្នកឃ្លាំមើលការអនុវត្តការងារប្រកបដោយភាពត្រឹមត្រូវនិងយុត្តិធម៌ ដែលជាសម្ព័ន្ធត្រីភាគី របស់ក្រសួងថាមពល សហជីព និង សហព័ន្ធនិយោជិតជាតិសិង្ហបុរី (ហៅកាត់ថា Tafep) បាននិយាយថា ក្រុមហ៊ុនទាំងអស់ត្រូវតែគោរពតាមគោលការណ៍ត្រីភាគី ស្តីពី ការអនុវត្តការងារដោយស្មើភាព ដែលអនុវត្តចំពោះការងារទាំងអស់ដែលមានមូលដ្ឋាននៅប្រទេសសិង្ហបុរី។
យោងតាម គោលការណ៍ការអនុវត្តការងារដោយស្មើភាព រាល់ពាក្យពេចន៍ និង ឃ្លាក្នុងការប្រកាសជ្រើសរើសបុគ្គលិក ដែលមិនរាប់បញ្ចូលជនជាតិសិង្ហបុរី ឬ រើសអើងជនជាតិសិង្ហបុរី គឺមិនត្រូវបានអនុញ្ញាតឲ្យផ្សព្វផ្សាយឡើយ។
អង្គភាពខាងលើបន្តថា ក្រុមហ៊ុនទាំងអស់មិនអាចជ្រើសរើសបុគ្គលិកដោយមិនផ្សព្វផ្សាយនៅលើវេបសាយការងារ Jobs Bank របស់សិង្ហបុរីបានឡើយ ព្រោះដើម្បីផ្តល់ឱកាសឲ្យបុគ្គលិកក្នុងស្រុកអាចដាក់ពាក្យបានដែរ។
លោក យ៉ាស់ស៊ីន វ័យ២៧ឆ្នាំគឺជាកូនកាត់ ប៉ាឡេស្ទីន អ៊ីស្រាអែល។ លោកបានផ្លាស់ទៅប្រទេសសិង្ហបុរីកាលពីខែមេសា ហើយបានបង្កើតក្រុមហ៊ុន media នៅទីនោះ។ ហ្វេសប៊ុកផេក Nas Daily មានអ្នក following ១៣ លាននាក់ ខណៈដែលផេកជាភាសាវៀតណាមមាន follower ជាង៧៣,០០០ នាក់៕