- 2019-08-23 09:03:08
- ព័ត៌មាន
មកដឹងខណ្ឌដែលមានសង្កាត់តិច និងច្រើនជាងគេនៅរាជធានីភ្នំពេញ
- 2019-08-23 09:03:08
- ចំនួនមតិ 0 | ចំនួនចែករំលែក 0
មកដឹងខណ្ឌដែលមានសង្កាត់តិច និងច្រើនជាងគេនៅរាជធានីភ្នំពេញ
ចន្លោះមិនឃើញ
ជំរឿនទូទៅប្រជាជនឆ្នាំ២០១៩ របស់វិទ្យាស្ថានជាតិស្ថិតិក្រសួងផែនការប្រជាជនរស់នៅរាជធានីភ្នំពេញមានសរុបចំនួន ២លាន ១សែន ២ម៉ឺន ៩៣៧១នាក់។ ក្នុងនោះរាជធានីភ្នំពេញបែងចែកចេញជា ខណ្ឌ១៤ និងសង្កាត់ ១០៥។ ក្នុងចំណោមខណ្ឌទាំង ១៤ នោះ គឺមានខណ្ឌ ២ ដែលទើបបង្កើតថ្មី កាលពីខែមករាកន្លងទៅ គឺខណ្ឌបឹងកេងកង និងខណ្ឌកំបូល។ ខណ្ឌថ្មីទាំង២ នោះ បានកាត់សង្កាត់មួយចំនួនពីខណ្ឌផ្សេងៗ ពោលគឺខណ្ឌបឹងកេងកង កាត់ ៧សង្កាត់ពីខណ្ឌចំការមន ចំណែកឯខណ្ឌកំបូល កាត់យក ៦សង្កាត់ពីខណ្ឌពោធិសែនជ័យ និង ១សង្កាត់ ពីខណ្ឌដង្កោ។
តើក្នុងចំណោមខណ្ឌទាំង១៤របស់រាជធានីភ្នំពេញនោះ តើខណ្ឌមួយណាមានចំនួនសង្កាត់តិចជាងគេ និងខណ្ឌមួយណាដែលមានសង្កាត់ច្រើនគេ?
*ខណ្ឌដែលមានសង្កាត់តិចជាងគេមាន៣៖
ទី១ ខណ្ឌជ្រោយចង្វារ មាន៥សង្កាត់ ក្នុងនោះមាន៖ សង្កាត់ជ្រោយចង្វារ, សង្កាត់ព្រែកលៀប, សង្កាត់ព្រែកតាសេក,សង្កាត់កោះដាច់ និងសង្កាត់បាក់ខែង។
ទី២ ខណ្ឌចំការមន ចែកចេញជា ៥សង្កាត់ ក្នុងនោះមាន៖ សង្កាត់ទន្លេបាសាក់, សង្កាត់ទួលទំពូងទី ១, សង្កាត់ទួលទំពូងទី២, សង្កាត់បឹងត្របែក និងសង្កាត់ផ្សារដើមថ្កូវ។
ទី៣ ខណ្ឌព្រែកព្នៅ មាន ៥សង្កាត់ ក្នុងនោះមាន៖ សង្កាត់ព្រែកព្នៅ, សង្កាត់ពញាពន់, សង្កាត់ សំរោង, សង្កាត់គោករកា និងសង្កាត់ពន្សាំង។
*ខណ្ឌដែលមានសង្កាត់ច្រើនជាងគេ៖ គឺ ខណ្ឌដង្កោ មាន ១២សង្កាត់ ក្នុងនោះមាន៖ សង្កាត់ដង្កោ, សង្កាត់ពងទឹក, សង្កាត់ព្រៃវែង, សង្កាត់ព្រៃស, សង្កាត់ក្រាំងពង្រ, សង្កាត់សាក់សំពៅ, សង្កាត់ជើងឯក, សង្កាត់គងនយ, សង្កាត់ព្រែកកំពឹស, សង្កាត់រលួស, សង្កាត់ស្ពានថ្ម និងសង្កាត់ទៀន៕