- 2019-09-02 08:52:04
- ព័ត៌មាន
ឯកអគ្គរាជទូតជប៉ុនថ្មី បានមកដល់កម្ពុជាហើយ
- 2019-09-02 08:52:04
- ចំនួនមតិ 0 | ចំនួនចែករំលែក 0
ឯកអគ្គរាជទូតជប៉ុនថ្មី បានមកដល់កម្ពុជាហើយ
ចន្លោះមិនឃើញ
ស្ថានទូតជប៉ុនប្រចាំកម្ពុជាឲ្យដឹងនៅថ្ងៃនេះថាឯកអគ្គរាជទូតថ្មីរបស់ប្រទេសជប៉ុនប្រចាំនៅកម្ពុជាបានមកដល់ហើយ និងបានបង្ហោះសារមួយចំនួនរបស់លោកពីការសរសើរប្រទេសកម្ពុជាផង។
ប្រភពឲ្យដឹងថាលោក មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំនៅកម្ពុជាទើបតែមកដល់ប្រទេសកម្ពុជាកាលពីម្សិលមិញ។ ប្រភពខាងលើបានស្រង់សម្ដីលោកឯកអគ្គរាជទូតមកផ្សាយផងដែរ ដោយលោកបង្ហាញពីសេចក្ដីរីករាយដែលបានមកកាន់ប្រទេសកម្ពុជា។
លោកបន្ថែមថា៖ « ជម្រាបសួរ! ខ្ញុំបាទ មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំនៅកម្ពុជា។ ខ្ញុំទើបតែមកដល់ ប្រទេសកម្ពុជាកាលពីម្សិលមិញ។ ខ្ញុំមានកិត្តិយស និងសប្បាយរីករាយយ៉ាងក្រៃលែង បានមកកាន់ប្រទេសកម្ពុជាដែលជាមិត្តជិតស្និទ្ធរបស់ប្រទេសជប៉ុន និងជាប្រទេសដែលមានវប្បធម៌ដ៏អស្ចារ្យ។ ខ្ញុំទន្ទឹងរង់ចាំជួបជាមួយលោក លោកស្រី ក្មួយៗ និងទស្សនាទីកន្លែងនានានៅប្រទេសកម្ពុជា»៕
