- 2019-09-09 08:48:55
- ព័ត៌មាន
មេនូឡាយហ្វ៍ នាំទីប្រឹក្សាឆ្នើមៗជិះកប៉ាល់កាត់ ៣ ប្រទេស ខណៈធ្វើសន្និបាតពិសេសមួយ
- 2019-09-09 08:48:55
- ចំនួនមតិ 0 | ចំនួនចែករំលែក 0
មេនូឡាយហ្វ៍ នាំទីប្រឹក្សាឆ្នើមៗជិះកប៉ាល់កាត់ ៣ ប្រទេស ខណៈធ្វើសន្និបាតពិសេសមួយ
ចន្លោះមិនឃើញ
ដើម្បីអបអរសាទរសមិទ្ធផលនៃកិច្ចខិតខំប្រឹងប្រែងបំពេញបេសកម្មយ៉ាងសកម្មក្នុងការផ្តល់ការការពារអនាគតហិរញ្ញវត្ថុជូនក្រុមគ្រួសារកម្ពុជាកន្លងមក ក្រុមហ៊ុន មេនូឡាយហ្វ៍ ខេមបូឌា បានរៀបចំសន្និបាតអន្តរជាតិដ៏ធំប្រចាំឆ្នាំ “ASEAN Dream Cruise International Conference 2019” កាលពីថ្ងៃទី ១៨ ដល់ទី ២២ ខែសីហា ដោយធ្វើដំណើរឆ្លងកាត់ ៣ ប្រទេសផ្សេងគ្នា គឺចាប់ផ្តើមពីប្រទេសសិង្ហបុរី ឆ្ពោះទៅកាន់ ទីក្រុង Penang ប្រទេសម៉ាឡេស៊ី និង បញ្ចប់នៅទីក្រុង Phuket ប្រទេសថៃ។
កម្មវិធីនេះ មានការចូលរួមថ្នាក់ដឹកនាំរបស់ក្រុមហ៊ុន និងទីប្រឹក្សាធានារ៉ាប់រង ប្រធានទីប្រឹក្សាឆ្នើមៗ ជាង ១៣០ នាក់ និងបានរៀបចំឲ្យមានការចែករំលែកចំណេះដឹង គុណតម្លៃ និងបទពិសោធន៍ជោគជ័យក្នុងអាជីពជាទីប្រឹក្សាធានារ៉ាប់រង ក៏ដូចជាលើកទឹកចិត្តដល់ទីប្រឹក្សាទាំងអស់ឲ្យបន្តកសាងសមត្ថភាពក្នុងវិស័យធានារ៉ាប់រងអាយុជីវិតឲ្យកាន់តែជោគជ័យ ធ្វើយ៉ាងណាឲ្យមនុស្សជាទីស្រលាញ់ និងក្រុមគ្រួសារកម្ពុជាកាន់តែច្រើនទទួលបានការការពារផ្នែកហិរញ្ញវត្ថុ។
លោក នូ តាត ទីប្រឹក្សាធានារ៉ាប់រងឆ្នើមមួយរូប ដែលបានមកពីខេត្តសៀមរាប បានឲ្យដឹងថា៖ «បទពិសោធន៍លើកនេះ បានជំរុញទឹកចិត្តរបស់ខ្ញុំកាន់តែខ្លាំង ក្នុងការបន្តបេសកកម្មដ៏មានអត្ថន័យជាទីប្រឹក្សាធានារ៉ាប់រង។ ខ្ញុំជឿជាក់លើអាជីពនេះ ព្រោះវាបានធ្វើឲ្យខ្ញុំយល់ដឹងនិងចេះរៀបចំផែនការហិរញ្ញវត្ថុរបស់គ្រួសារខ្ញុំ ស្របពេលដែលខ្ញុំកំពុងចែករំលែក និងផ្តល់ការការពារដល់អតិថិជនជាច្រើនអ្នកផ្សេងទៀត។»
លោក Robert Elliott អគ្គនាយកប្រតិបត្តិ និងនាយកចាត់ការទូទៅ របស់ក្រុមហ៊ុន មេនូឡាយហ្វ៍ ខេមបូឌា បានលើកឡើងថា៖ «ខ្ញុំពិតជាមានមោទនភាពជាខ្លាំង ចំពោះសមិទ្ធផលរបស់ទីប្រឹក្សាធានារ៉ាប់រងទាំងអស់ ហើយខ្ញុំសង្ឃឹមថា អ្នកទាំងអស់គ្នានឹងនៅតែបន្តខិតខំប្រឹងប្រែងក្នុងការផ្តល់ការការពារផ្នែកហិរញ្ញវត្ថុដល់ប្រជាជនកម្ពុជាកាន់តែច្រើនឡើង។»
នេះ គឺជាឆ្នាំទី៦ ហើយដែលក្រុមហ៊ុន មេនឡាយហ្វ៍ ខេមបូឌា បានរៀបចំសន្និបាតអន្តរជាតិប្រចាំឆ្នាំដ៏ធំបែបនេះ ទៅកាន់ប្រទេសផ្សេងៗ ដូចជាប្រទេសថៃនៅ ឆ្នាំ២០១៤ ទីក្រុងហុងកុងនៅឆ្នាំ២០១៥ ប្រទេសកូរ៉េខាងត្បូងនៅឆ្នាំ២០១៦ ប្រទេសជប៉ុន នៅឆ្នាំ២០១៧ និងទីក្រុងឌូបៃប្រទេសអារ៉ាប់រួម នៅឆ្នាំ២០១៨៕
