និយាយមែន! ជិះឡានទៅលេងឡាវគេងបោះតង់ សប្បាយខ្លាំងរំភើបរកអ្វីប្រៀបមិនបាន

2019-12-19 10:55:00
ព័ត៌មាន

2019-12-19 10:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណើរកម្សាន្តឆ្លងដែនពីប្រទេសកម្ពុជាទៅប្រទេសឡាវ នៃដំណើរកម្សាន្ត Ford Adventure 2019 ដោយជិះរថយន្ត Ford របស់អ្នកចូលរួមជាង៦០០នាក់ បានបញ្ចប់ ។ ប៉ុន្តែអ្វីដែលបន្សល់គឺការចងចាំ ភាពសប្បាយរីករាយនិងបទពិសោធន៍មិនអាចបំភ្លេចបានសម្រាប់បំណាច់ឆ្នាំ២០១៩នេះ។

ចំណាយពេល ៣យប់៤ថ្ងៃ ជិះរថយន្តសរុប ១៣០ គ្រឿង ចេញដំណើរតាំងពីព្រលឹមស្រាងៗ ។ បើទោះបើកបរក្នុងចម្ងាយផ្លូវឆ្ងាយរាប់រយគីឡូម៉ែត្រយ៉ាងណា តែអ្នកចូលរួមទាំងចាស់និងក្មេងបង្ហាញទឹកមុខយ៉ាងសប្បាយរីករាយ។ បើឃើញឧបសគ្គ ឬស្ថានភាពផ្លូវលំបាក រថយន្តខាងមុខ រាយការណ៍ផ្ដល់ដំណឹងដល់រថយន្តបន្ទាប់ បង្ហាញពីកិច្ចសហការយ៉ាងសាមគ្គីបំផុត។

លើសពីនេះ ក៏មានសកម្មភាពចែកអំណោយដល់ប្រជាជននៅខេត្តស្ទឹងត្រែងចំនួន២០០គ្រួសារ ដែលជាចាស់ជរា និងក្រីក្រផងដែរ។ បន្ថែមពីនេះ អ្នកចូលរួមរួមទាំងអស់សុទ្ធតែទទួលបានអនុស្សាវរីយ៍មិនធ្លាប់មាន ការគេងបោះតង់ ស្របពេលអាកាសធាតុចុះត្រជាក់ដល់ ១៣ អង្សា។ ការទស្សនាតំបន់ទេសចរណ៍ ដូចជា ទឺកធ្លាក់ Khone Phapheng និងរមណីយដ្ឋាន Tadlor Lodge នៅប្រទេសឡាវយ៉ាងជក់ចិត្ត។ ការដើរទំនិញនៅផ្សាក្នុងខេត្តចម្ប៉ាសាក់ រួមទាំងសកម្មភាពច្រៀងរាំនាពេលរាត្រីជុំគ្នា យ៉ាងសប្បាយរីករាយ។