- 2015-10-08 21:46:48
- ព័ត៌មាន
ហេតុអ្វីអ្នកភ្នំពេញចូលចិត្តចិញ្ចឹមសត្វបីប្រភេទនេះ?
- 2015-10-08 21:46:48
- ចំនួនមតិ 0 | ចំនួនចែករំលែក 0
ហេតុអ្វីអ្នកភ្នំពេញចូលចិត្តចិញ្ចឹមសត្វបីប្រភេទនេះ?
ចន្លោះមិនឃើញ
ត្រី ឆ្កែ និង ឆ្មា គេច្រើនឃើញអ្នករស់នៅភ្នំពេញមួយចំនួន ចិញ្ចឹមស្ទើរតែគ្រប់ផ្ទះ ទោះបីជាមិនមានទាំងបីប្រភេទនេះក៏ យ៉ាងហោចណាស់គេចិញ្ចឹមឆ្កែមួយក្បាលដែរ។
តើហេតុអ្វីអ្នកភ្នំពេញចូលចិត្តចិញ្ចឹម សត្វ ទាំងបីនេះ?
១. ឆ្កែ
យុវតីឈ្មោះ កញ្ញា ជានិស្សិតនៃ សាកលវិទ្យាល័យកម្ពុជាបានប្រាប់ថា ឆ្កែជាសត្វស្មោះត្រង់ ឆ្លាត ជួយមើលសុវត្ថិភាព ឱ្យម្ចាស់ផ្ទះ។ មិនតែប៉ុណ្ណោះ ការចិញ្ចឹម ឆ្កែ មិនខាតទីធ្លាច្រើន វាអាចដេកក្នុងផ្ទះដូចជាមនុស្សដែរ។ « ខ្ញុំស្រឡាញ់វាខ្លាំងបំផុត ត្រង់ភាពស្មោះត្រង់ របស់វា ទោះបីជាយើង ក្រ ឬ មានក៏វាមិនដែលចោលយើងដែរ!»។
២. ឆ្មា
លោក ហេង លាង ជាបុគ្គលិកក្រុមហ៊ុនធានារ៉ាប់រងមួយកន្លែងបានប្រាប់ថា មូលហេតុដែលលោកចិញ្ចឹមឆ្មា គឺដើម្បីបង្ក្រាបកណ្ដុរ។ «យប់ឡើងកណ្ដុរ ចេញពីមាត់លូ មុខផ្ទះចូលកាត់ ខោអាវខូចអស់! ដល់បានឆ្មាមួយទៅចិញ្ចឹម ដូចជាស្ងាត់កណ្ដុរខ្លះ»។
ការចិញ្ចឹមឆ្មាមិនអស់ចំណីច្រើនដូច ចិញ្ចឹមជ្រូកនោះទេ គ្រាន់តែយកសំណល់បាយដែលបរិភោគរួច ដាក់ ឱ្យវាស៊ី ក៏រស់ដែរ។ លោក លាង បន្ថែម។
៣. ត្រី
« វាស្អាត ហើយលម្អផ្ទះ!» នេះជាការឆ្លើយតបរបស់ ស៊ីណាបុគ្គលិកហាងកាហ្វេមួយកន្លែង។ មិនត្រឹមតែប៉ុណ្ណោះ ស៊ីណាក៏យល់ថា ជាត្រី ប្រាំពីរពណ៌វាស៊ីដង្កូវទឹក ដែលជាប្រភពមូសខ្លា ចំណែកឯចំណីរបស់វា មិនថ្លៃឡើយ។ ស៊ីណាក៏បានបន្តទៀតថា តាមជំនឿក្បួនចិន ចិញ្ចឹមត្រីពណ៌មាសដូចជាត្រីកន្ទុយបី ក៏នាំមកនូវហុងស៊ុយល្អដែរ ម្យ៉ាងទៀតពេលដែលនាងអផ្សុក នាងនឹងអង្គុយមើលត្រីដែលហែលទៅហែលមក ដើម្បីជាការកម្សាន្ត៕
ចុះចំណែកប្រិយមិត្តវិញយល់យ៉ាងណាដែរ?
អត្ថបទ៖ ណេង ណេង រូបថត៖ ទូរសព្ទដៃ
