- 2017-06-24 02:39:49
- ព័ត៌មាន
ទុក្ខស្រី ប្ដីកាន់លុយ
- 2017-06-24 02:39:49
- ចំនួនមតិ 0 | ចំនួនចែករំលែក 0
ទុក្ខស្រី ប្ដីកាន់លុយ
ចន្លោះមិនឃើញ
លុយជាបញ្ហាជម្លោះយ៉ាងខ្លាំងនៅក្នុងសង្គមគ្រួសារ ដោយសារតែវាជាវត្ថុ ដែលយើងត្រូវការប្រើប្រាស់រាល់ថ្ងៃជាចាំបាច់ ដោយសារតែបញ្ហានេះ ធ្វើឱ្យគ្រួសារមួយចំនួនមានជម្លោះទាស់ទែងគ្នារហូតដល់បែកបាក់គ្រួសារក៏មាន បញ្ហានេះអាចបណ្ដាមកពីការមិនយល់ចិត្ដគ្នារវាងស្វាមី និងភរិយានៅក្នុងគ្រួសារ។
ជាយូរមកហើយនៅក្នុងសង្គមខ្មែរ នៅពេលដែលបុរសជាប្ដីរកបាន ត្រូវតែឱ្យប្រពន្ធជាអ្នកទុកដាក់។ ប៉ុន្ដែនៅសម័យទំនើប បច្ចុប្បន្ននេះ ការទុកដាក់លុយកាក់មានការខុសប្លែកគ្នាបន្តិច ដោយអ្នកខ្លះគេនិយមតាមប្រពៃណីបរទេស ដែលប្ដី និងប្រពន្ធទុកដាក់លុយ ផ្សេងៗគ្នា។ បញ្ហានេះ គឺអាស្រ័យទៅលើការនិយមរបស់គ្រួសារនីមួយៗ។
ជាក់ស្ដែងមានគ្រួសារខ្លះ ដំបូងគាត់ឱ្យប្រពន្ធទុកដាក់លុយ ប៉ុន្តែប្រពន្ធគាត់មិនសូវចេះទុកដាក់លុយទេ។ នៅពេលដែលប្ដីរកបាន មកទុកឱ្យប្រពន្ធ ប្រពន្ធបែរជាចាយវាយអស់ ឬគាត់យកទៅលេងល្បែងផ្សេងៗអស់ នាំឱ្យបុរសជាប្ដី ត្រូវតែជាអ្នកកាន់កាប់លុយដោយខ្លួនឯងវិញម្ដង។
មានករណីខ្លះ ប្រពន្ធជាអ្នកធ្វើការ ស្វាមីក៏ជាអ្នកធ្វើការដែរ ប៉ុន្តែស្វាមីរកប្រាក់បានតិចជាងប្រពន្ធ។ ប្ដីមានការច្រណែន ដោយសារឃើញប្រពន្ធមានលុយច្រើន ហើយគាត់មិនឱ្យលុយប្រពន្ធគាត់ទេ គាត់ទុកសម្រាប់ខ្លួនគាត់។ ដូច្នេះការចំណាយទាំងប៉ុន្មាន គឺនៅលើប្រពន្ធ គាត់ទាំងអស់។ ករណីទាំងនេះ គឺវាអាស្រ័យទៅតាមប្រភេទគ្រួសារនីមួយៗ ដែលគេស្រុះស្រួលគ្នា។
តាមការសង្កេតឃើញ គ្រួសារដែលមានស្វាមីជាអ្នកកាន់លុយ ភរិយាច្រើនតែគ្មានសេចក្ដីសុខទេ ដោយសារបុរសជាប្ដីមិនដឹងថា ប្រពន្ធត្រូវចំណាយលើអ្វីខ្លះ គាត់ឱ្យលុយទៅប្រពន្ធចាយមានកម្រិត ប្រការនេះធ្វើឱ្យប្រពន្ធកើតទុក្ខមិនសុខចិត្ត នាំឱ្យមានរឿងរកាំរកូសនៅក្នុងគ្រួសារ ដោយសារប្រពន្ធយល់ ថាខ្លួន ឯងមិន មែនជាអ្នកកាន់លុយ ចង់ទិញរបស់អ្វីមិនបានដូចចិត្ដ។
ប្រសិនបើប្រពន្ធជាអ្នកកាន់លុយ និងមិនមានគំនិតចង្អៀតចង្អល់ ហើយប្រពន្ធចេះរៀបចំ ការចាយវាយបានត្រឹមត្រូវ ដឹងថាអ្វីដែលត្រូវចាយ និងអ្វីដែលមិនត្រូវចាយ។ ប្រពន្ធចេះធ្វើការប្រៀបធៀបប្រាក់ ចំណូល ដែលប្ដីរកបាន និង ការចំណាយ។ ហើយគាត់ជាប្រពន្ធចេះគិតគូរសន្សំទុកដាក់ប្រាក់មួយចំណែកសម្រាប់ពេលកូនឈឺ និងតម្រូវការផ្សេងៗទៀតជាដើម។ បែបនេះគ្រួសារនោះ ពិតជាមានសេចក្ដីសុខ៕
