- 2019-10-04 08:14:44
- ព័ត៌មាន
ដឹងរឿងទាក់ទងនឹងឃាតកម្មកាប់ជនរងគ្រោះបីកំណាត់នៅកំពង់សោម
- 2019-10-04 08:14:44
- ចំនួនមតិ 0 | ចំនួនចែករំលែក 0
ដឹងរឿងទាក់ទងនឹងឃាតកម្មកាប់ជនរងគ្រោះបីកំណាត់នៅកំពង់សោម
ចន្លោះមិនឃើញ
ករណីសម្លាប់បុរសជនជាតិចិនម្នាក់ និងកាប់ជាបីកំណាត់រួចយកទៅបោះចោលនៅកន្លែងផ្សេងគ្នានោះត្រូវសមត្ចកិច្ចឲ្យដឹងថាជាការណីសម្លាប់គិតទុកមុន និងរៀបចំគម្រោងសម្លាប់។
កាលពីថ្ងៃទី១ ខែតុលា ឆ្នាំ២០១៩ កន្លងទៅនេះនៅវេលាម៉ោងប្រហែលជា៩ព្រឹក ប្រជាពលរដ្ឋបានរាយការណ៍ទៅសមត្ថកិច្ចពីការប្រទះឃើញសាកសពមិនស្គាល់អត្តសញ្ញាណដែលត្រូវគេអារ ក និងចាក់លើដងខ្លួនជាច្រើនកាំបិត រួមទាំងកាត់ជាកំណាត់ៗផង។
នៅថ្ងៃនេះស្នងការដ្ឋាននគរបាលខេត្តព្រះសីហនុតាមរយៈហ្វេសប៊ុករបស់ខ្លួនបានបញ្ជាក់ថាអ្នកស្លាប់ខាងលើជាជនជាតិចិនឈ្មោះWu Chenghui ភេទប្រុសកើតឆ្នាំ១៩៩៥ មុខរបរជាអ្នកប្តូរប្រាក់។
សមត្ថកិច្ចឲ្យដឹងថាជនរងគ្រោះបានទាក់ទងជនសង្ស័យដែលជាជនជាតិចិន និងជាអ្នករកស៊ីប្តូរប្រាក់ដូចគ្នាដើម្បីយកប្រាក់យ័នចិនប្តូរជាប្រាក់ដុល្លារអាម៉េរិកសរុបចំនួនប្រាំពីរម៉ឺនដុល្លារ នៅហាងរបស់ជនសង្ស័យ។
បើតាមសមត្ថកិច្ច ជនសង្ស័យបានសារភាពថានៅយប់ថ្ងៃទី៣០ ខែកញ្ញា វេលាម៉ោង៥ល្ងាច ជនរងគ្រោះបានទៅកាន់ហាងជនសង្ស័យនៅសង្កាត់៤ ក្នុងក្រុងព្រះសីហនុ និងបានវេរប្រាក់ចិនទៅឲ្យជនសង្ស័យដើម្បីប្តូរជាប្រាក់ដុល្លារ។
សមត្ថកិច្ចបន្តទៀតថាក្រោយវេរលុយរួចជនសង្ស័យក៏បានយកកាំបិតកាប់ និងចាក់សម្លាប់ជនរងគ្រោះ និងបានកាត់សាកសពជនរងគ្រោះជាបីកំណាត់វេចដាក់ក្នុងភួយ និងស្បោងខ្មៅដើម្បីយកទៅបោះចោលនៅម៉ោង១ រំលងអធ្រាត្រចូលថ្ងៃទី១ ខែតុលា ឆ្នាំ២០១៩នៅបីកន្លែងផ្សេងគ្នា។
បច្ចុប្បន្នជនសង្ស័យត្រូវសមត្ថកិច្ចឃាត់ខ្លួន និងកំពុងកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីបន្តទៀត៕
