ស្មានមិនដល់ អ្នករើសអេតចាយក៏មានតំបន់កាន់កាប់ដែរ - ជីវិតនិងសង្គម

2018-03-03 01:16:14
ព័ត៌មាន

ស្មានមិនដល់ អ្នករើសអេតចាយក៏មានតំបន់កាន់កាប់ដែរ

2018-03-03 01:16:14
ចំនួនមតិ 0 | ចំនួនចែករំលែក 0

ចន្លោះមិនឃើញ

របររើសអេតចាយមានអ្នកប្រកបមិនតិចទេនៅទីក្រុងភ្នំពេញ ហើយអ្នកប្រកបរបរនេះខ្លះដើររើសពេលថ្ងៃ និងខ្លះដើររើសពេលយប់។ ទោះយ៉ាងណាអ្នករើសអេតចាយមិនមែនចេះដែរដើររើសបានគ្រប់កន្លែងដែលខ្លួនចង់នោះទេ។ នេះបើតាមការលើកឡើងរបស់អតីតអ្នករើសអេតចាយម្នាក់។

(លោក គង់ សុខលីម អតីតអ្នកប្រកបរបររើសអេតចាយ និងបច្ចុប្បន្នជាបុគ្គលិកផលិតធ្យូងអនាម័យនៅសហគ្រាសសង្គមមួយនៅម្តុំស្ទឹងមានជ័យ ភ្នំពេញ)

លោក គង់ សុខលីម បានបោះបង់របររើសអេតចាយប្រាំបីឆ្នាំមកហើយ ក្រោយពីលោកបានទទួលការងារនៅក្នុងសហគ្រាសសង្គមមួយនៅម្តុំស្ទឹងមានជ័យ។ លោកថារបររើសអេតចាយមិនបានផ្តល់ចំណូលទៀងទាត់ដល់លោកនោះទេ ដោយថាពេលខ្លះលោករកបានតែ១៥ ០០០រៀលប៉ុណ្ណោះក្នុងមួយថ្ងៃ។

លោកបន្ថែមថាៈ «របរហ្នឹងអត់ទៀង ជួនរកបាន ជួនអត់ ពេលខ្លះបាន១៥ ០០០រៀល បើថ្ងៃមានបុណ្យទាន គេរើផ្អះអីគេចេះតែឲ្យយើង បានដល់៥ម៉ឺនរៀល»។

លោកឲ្យដឹងទៀតថាលោកចេញរើសអេតចន្លោះពីម៉ោង៥ល្ងាចទៅដល់ម៉ោង១២យប់ ឬទល់ភ្លឺក៏មាន។ ចំពោះការដើររើសនេះទៀតសោតលោកថាមិនមែនចេះតែដើររើសនោះទេ ពោលគឺមិនអាចដើរចូលតំបន់អ្នកដទៃនោះទេ។

លោកឲ្យដឹងថាៈ «បើដើរលើផ្លូវធំបាន តែផ្លូវតូចអត់ទេ គេស្តីឲ្យ(អ្នករើសអេតចាយដូចគ្នា) ផ្លូវគេធ្លាប់ដើរ មានផ្លូវរបស់គេ យើងមិនចេះតែទៅរើសទេ...មិនមានអ្នកកំណត់ទេ តែផ្លូវគេធ្លាប់រើស»។

ដោយសារតែរបរនេះមិនអាចទ្រទ្រង់ជីវភាពបាន លោក គង់ សុខលីម បានសម្រេចឈប់ប្រកបរបរនេះ នៅពេលត្រូវបានសហគ្រាសសង្គមមួយជ្រើសរើសឲ្យមកធ្វើជាបុគ្គលិកផលិតធ្យូងអនាម័យនៅម្តុំស្ទឹងមានជ័យ៕

អត្ថបទ៖ ទូច សុខា

មតិយោបល់

ជីវិតនិងសង្គម

ភ្ជាប់ទំនាក់ទំនងជាមួយ ជីវិតនិងសង្គម

ពាក្យទាក់ទង

ជីវិតនិងការងារ

អត្ថបទពេញនិយម

ព្រះពិធីចែចូវ ព្រះអង្គម្ចាស់ក្សត្រិយ៍ នរោត្តម ពង្សសូរិយា ជាពិធីសិរីមង្គលសែរាជវង្សានុវង្សខ្មែរដ៏ធំ

មកដឹងពីប្រាក់បៀវត្សប្រចាំខែ របស់ ឯកអគ្គរាជទូត តំណាងកម្ពុជា នៅតាមស្ថានទូតនីមួយៗ នៅបរទេស

បុរសម្នាក់នេះហើយ នៅពីក្រោយការរកឃើញគំនិត បង្កើត QR Code ដំបូងបង្អស់នៅលើពិភពលោក

ឧទ្យានជាតិ Lorentz នៅឥណ្ឌូនេស៊ី ឋានសួគ៌នៃជីវចម្រុះដ៏សម្បូរបែប ជាមួយទេសភាពធម្មជាតិទាក់ភ្នែក

ចិន មានផ្ទៃដីធំលំដាប់ទី ៤ លើលោក ប៉ុន្តែប្រទេសទាំងមូល ប្រើប្រាស់តំបន់ម៉ោងតែមួយគត់ ហៅថា ម៉ោងប៉េកាំង

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

មន្ទីរវប្បធម៌ខេត្តក្រចេះ អភិរក្សសំណង់ឈើបុរាណកម្រ ៣ កន្លែង ក្លាយជាគោលដៅទេសចរណ៍ថ្មី

ជំងឺអង់ត្រាក់ ឆ្លងដោយរបៀបណា ហើយឆ្លងតាមវិធីណាខ្លះ? តោះមកដឹង ពីរបៀបការពារខ្លួន កុំឱ្យឆ្លង!

ក្រសួង ចេញសេចក្តីប្រកាសស្តីពីករណី ជំងឺឈាមខ្មៅ ឬជំងឺអង់ត្រាក់ លើសត្វពាហនៈ នៅក្នុងប្រទេសថៃ

មគ្គុទ្ទេសក៍ទេសចរណ៍ បារាំងដ៏ល្បី ជ្រើសរើស សៀមរាប ជា “គោលដៅទេសចរណ៍លេខ១”

ឧទ្យានជាតិ Lorentz នៅឥណ្ឌូនេស៊ី ឋានសួគ៌នៃជីវចម្រុះដ៏សម្បូរបែប ជាមួយទេសភាពធម្មជាតិទាក់ភ្នែក

ភ្លៀងធ្លាក់ខ្លាំង បង្កឱ្យមានជំនន់ទឹកភ្លៀង នៅទីក្រុងបាងកក និងតំបន់ជុំវិញ