• 2018-06-17 08:15:31
  • សេដ្ឋកិច្ច

​ប្រទេស​១០​ កំពុង​គ្រប់គ្រង​វិស័យ​ភាពយន្ត​របស់​ពិភពលោក ក្នុង​នោះ​អាស៊ី​មាន​៤​

  • 2018-06-17 08:15:31
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ឧស្សាហកម្ម​ខ្សែភាពយន្ត​គឺ​ជា​ប្រភព​ចំណូល​​ធំ​បំផុត​មួយ​នៃ​​សេវាកម្ម​កម្សាន្ត​នៅ​លើ​ពិភពលោក។ ឧស្សាហកម្ម​នេះ​ផលិត​ខ្សែ​ភាពយន្ត​រាប់​ពាន់​រឿង​ក្នុង​មួយ​ៗឆ្នាំ​ និង រក​លុយ​បាន​រាប់​ពាន់​លាន​ដុល្លារ។ ពិភព​​ហូលីវូដ​ជា​ឧស្សាហកម្ម​​ភាពយន្ត​ដែល​រក​ចំណូល​បាន​ច្រើន​ និង ចំណាស់​ជាង​គេ​បំផុត​​លើ​ពិភពលោក។

Hengdian World Studios ជា​ទីក្រុង​ផលិត​កុន​របស់​ប្រទេស​ចិន

ខាង​ក្រោម​នេះ​គឺ​ជា​របាយការណ៍​របស់​ប្រទស​ជួរ​មុខ​ទាំង​១០​លើ​វិស័យ​ផលិត​ខ្សែ​ភាពយន្ត​របស់​ពិភពលោក ដែល​ចុះ​ផ្សាយ​ដោយ World Atlas៖

១- សហរដ្ឋ​អាមេរិក និង ប្រទេស​កាណាដា

​ឆ្នាំ ២០១៦ ឧស្សាហកម្ម​ខ្សែភាពយន្ត​នៅ​សហរដ្ឋ​អាមេរិក ​និង កាណាដា​បាន​បង្កើត​ប្រាក់ចំណូល​ប្រហែល ១១,៤ ប៊ីលានដុល្លារ ធ្វើ​ឱ្យ​ឧស្សាហកម្ម​នេះ​ទទួល​បាន​ប្រាក់​ចំណេញ​ខ្ពស់​បំផុត​​​លើ​ពិភពលោក។ ក្រុមហ៊ុន​សំខាន់ៗ​រួមមាន៖ Metro-Goldwyn-Mayer, Paramount Pictures, Fox Century Fox និង AMC

ឈុត​មួយ​ក្នុង​រឿង Wonder Woman 2

២- ប្រទេស​ចិន

ចិន​រក​ចំណូល​បាន ៦,៦ ប៊ីលានដុល្លារ​ ​ពី​ភាពយន្ត​កាល​ពី​ឆ្នាំ ២០១៦។ ចន្លោះ​ឆ្នាំ ២០១៦ និង ២០១៧ ចិន​បាន​ផលិត​រឿង​កុន​ប្រមាណ ១ ៦១២ រឿង។ Hengdian World Studios គឺ​ជា​ទីក្រុង​​ផលិត​កុន​ដ៏​ធំ​បំផុត​ ដែល​គេ​ប្រដូច​ទៅ​នឹង Hollywood របស់​ប្រទេស​ចិន។

៣ ចក្រភពអង់គ្លេស៖ ​

​ឆ្នាំ​ ២០១៦ ចក្រភពអង់គ្លេស​រក​ចំណូល​បាន ៦,៥ ប៊ីលាន​ដុល្លារ​ពី​ភាពយន្ត​ ហើយ​ចំណាយ​ការ​ផលិត​ប្រហែល ២,០៤ ប៊ីលាន​ដុល្លារ​ក្នុង​១​ឆ្នាំ។ ឧស្សាហកម្ម​នេះ​កំពុង​ទទួល​បាន​ការ​ជំរុញ​ដ៏​ខ្លាំង​ពី​រដ្ឋាភិបាល តាមរយៈ​ការ​កាត់​បន្ថយ​ពន្ធ​ ហើយ​ ក្រុមហ៊ុន​ដ៏​ធំ​បំផុត​គឺ Pinewood Studios ។

៤ ប្រទេស​ជប៉ុន​ ៖

កាល​ពី​ឆ្នាំ ២០១៦ ជប៉ុន​ទទួល​ចំណូល​ប្រមាណ ២ ប៊ីលាន​ដុល្លារ​ពី​ការ​ផលិត​កុន។ គិត​ត្រឹម​ឆ្នាំ ២០១៦ ជប៉ុន​មាន​ភាពយន្ត​ ៣ ៤៧២ ធៀន​នឹង​ចិន​ប្រមាណ ៤០ ០០០ ខ្សែ​ភាពយន្ត។

៥ ប្រទេស​ឥណ្ឌា

​ឥណ្ឌា​រក​ចំណូល​បាន ១,៩ ប៊ីលានដុល្លារ​ ​ពី​ភាពយន្ត​កាល​ពី​ឆ្នាំ ២០១៦។ Bollywood ជា​អ្នក​ផលិត​កុន​​ដ៏​ធំ​របស់​ឥណ្ឌា។ មួយ​រឿងៗ​ត្រូវ​គេ​ប៉ាន់​ប្រមាណ​ថា​មាន​អ្នក​ទស្សនា​ដល់​ទៅ ៩៦ ០០០ នាក់ បើ​ធៀប​ទៅ​នឹង​អាមេរិក​ដែល​មាន​ត្រឹម ៧ ៨០០ នាក់។ តែ​អ្វី​ដែល​កុន​ឥណ្ឌា​ខុស​ពី​អាមេរិក ចិន ឬ ប្រទេស​ផ្សេង​ទៀត​ត្រង់​ថា ភាពយន្ត​​ឥណ្ឌា​ភាគច្រើន​ត្រូវ​បាន​ផលិត​​ទៅ​ជា​២០​ភាសា​សម្រាប់​ប្រជាជន​ក្នុង​ស្រុក​ដែល​ប្រើ​ភាសា​ចម្រុះ​ដ៏​ច្រើន​ក្នុង​ប្រទេស​មួយ​នេះ។

ខាង​ក្រោម​នេះ​គឺ​ជា​តារាង​ប្រទេស​ទាំង​១០​ ដែល​កំពុង​គ្រប់គ្រង​វិស័យ​ភាពយន្ត​របស់​ពិភពលោក៖

ប្រភព៖ Worldatlas ប្រែ​សម្រួល៖ សុខ លាងហ៊ត

មតិយោបល់