ឪពុកជាអ្នកប្រមូលសំរាម ប្រឹងតស៊ូជួយកូនស្រីរៀនចប់បរិញ្ញាបត្រ ធ្វើឲ្យគ្រប់គ្នារំជួលចិត្ត

2018-06-25 07:15:03
ព័ត៌មាន

2018-06-25 07:15:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរស់នៅពិតជាលំបាកខ្លាំងណាស់ សម្រាប់គ្រួសារក្រីក្រជាច្រើននៅក្នុងប្រទេសហ្វីលីពីន។ ប៉ុន្តែប្រជាជនភាគច្រើននៅតែមានក្តីសង្ឃឹម ហើយមានបំណងចង់ផ្លាស់ប្ដូរជីវិតរបស់ពួកគេឲ្យកាន់តែប្រសើរ។

ជាក់ស្ដែង នារីជនជាតិហ្វីលីពីនវ័យក្មេងម្នាក់ មានឈ្មោះថា Jenny Rose Quimado តែងតែចង់បញ្ចប់ការសិក្សារបស់ខ្លួន ហើយជួយឲ្យជីវិតគ្រួសារនាងប្រសើរឡើងវិញ។ ថ្វីបើពួកគេក្រខ្លាំងយ៉ាងណាក៏ដោយ នាង Rose នៅតែអាចរៀនចប់សាកលវិទ្យាល័យ ដោយសារតែមានការជួយជ្រោមជ្រែងពីឪពុក។

នាង Jenny Rose Quimado

ឪពុករបស់នាង Rose គឺលោក Cristito Quimad មានកូន៤នាក់ផ្សេងទៀតកំពុងសិក្សារៀនសូត្រ។ ដោយសារតែលោកមានការងារតែមួយគត់ គឺជាអ្នកប្រមូលសំរាម ការរស់នៅរបស់លោកមិនដែលស្រួលនោះទេ។ លោក Cristito អាចរកលុយបានច្រើនបំផុតត្រឹម ១០ដុល្លារប៉ុណ្ណោះក្នុងមួយថ្ងៃ ប៉ុន្តែវាមិនគ្រប់គ្រាន់ឡើយសម្រាប់គ្រួសារដ៏ធំរបស់លោក។ ដូច្នេះហើយទើបលោកត្រូវខិតខំទ្វេដង ដោយចេញទៅធ្វើការតាំងពីព្រឹកព្រលឹម ដោយសង្ឃឹមថាអាចរកលុយបានកាន់តែច្រើន។

លោក Cristito Quimad

ទោះបីជាយ៉ាងណា លោក Cristito ពិតជាមានមោទនភាពខ្លាំងណាស់ចំពោះកូនស្រី ដែលអាចបញ្ចប់ការសិក្សាថ្នាក់បរិញ្ញាបត្រវិទ្យាសាស្ត្រ ផ្នែកបច្ចេកវិទ្យាអាហារូបត្ថម្ភ និងអាហារ។ ម្យ៉ាងវិញទៀត នាង Rose ក៏មានមោទនភាពចំពោះឪពុកខ្លួនដែរ។ ជាការពិតណាស់ នាងនឹងប្រាប់គេថា ឪពុកនាងជាអ្នកប្រមូលសំរាមដោយគ្មានការស្ទាក់ស្ទើរ ប្រសិនបើមាននរណាម្នាក់សួរ។