- 2018-07-12 10:32:59
- ព័ត៌មាន
ជាថ្មីម្ដងទៀត! Sabay នឹងចាត់ការតាមច្បាប់លើវិបសាយមួយចំនួនបន្លំប្រើប្រាស់Logo និងឈ្មោះ Sabay
- 2018-07-12 10:32:59
- ចំនួនមតិ 0 | ចំនួនចែករំលែក 0
ជាថ្មីម្ដងទៀត! Sabay នឹងចាត់ការតាមច្បាប់លើវិបសាយមួយចំនួនបន្លំប្រើប្រាស់Logo និងឈ្មោះ Sabay
ចន្លោះមិនឃើញ
មានបណ្ដាញសារព័ត៌មានមួយចំនួន និងផេកខ្លះ បានបង្កើតឡើងថ្មីៗនេះ ក្នុងគោលបំណងលួចបន្លំ Logo និងឈ្មោះ Sabay ផ្សព្វផ្សាយព័ត៌មានមិនត្រឹមត្រូវ ដែលធ្វើឲ្យសាធារណជនមានការភាន់ច្រឡំលើវិបសាយ Sabay។ ទង្វើនេះគឺជាការរំលោភច្បាប់កម្មសិទ្ធិបញ្ញាផង និង រំលោភលើច្បាប់ស្ដីពី "ម៉ាកពាណិជ្ជនាម និងអំពើនៃការប្រកួតប្រជែងមិនស្មោះត្រង់" ចុះថ្ងៃទី ០៧ ខែកុម្ភៈ ឆ្នាំ ២០០២ផង។
ជាក់ស្ដែងនៅប៉ុន្មានថ្ងៃនេះមានផេកមួយឈ្មោះថា Sabay News Share បានប្រើប្រាស់ Logo Sabay ផង និងយកឈ្មោះដូចឈ្មោះផេក Sabay News ដែលធ្វើឲ្យសាធារណៈជន ដែលធ្លាប់គាំទ្រ Sabay មានការយល់ច្រឡំអំពីព័ត៌មានដែលបានបង្ហោះនៅលើផេកក្លែងក្លាយមួយនោះ។
ដូច្នេះ ប្រសិនបើផេកខាងលើ ដែលលួចបន្លំដោយយក Logo ហើយប្រើប្រាស់ឈ្មោះជាសូរសៀងស្រដៀង ឬ សរសេរជាអក្សរដូចផេក ឬឈ្មោះក្រុមហ៊ុន Sabay ដែលនៅតែបន្តផ្សព្វផ្សាយ និងយកឈ្មោះមកប្រើប្រាស់ទៀតដោយមិនព្រមលប់ចេញនោះទេ ក្រុមហ៊ុន Sabay ជាក្រុមហ៊ុន Digital ទំនើប និងជាបណ្ដាញសារព័ត៌មានអនឡាញសំបូរបែបឈានមុខគេនៅប្រទេសកម្ពុជា នឹងចាត់វិធានការតាមផ្លូវច្បាប់ចំពោះបុគ្គល ឬ អង្គភាពនោះមិនខាន ព្រោះថា គេហទំព័រ Sabay បានចុះបញ្ជី នៅក្រសួងព័ត៌មានត្រឹមត្រូវ និង ក្រុមហ៊ុន Sabay បានចុះបញ្ជីនៅក្រសួងពាណិជ្ជកម្ម រួមទាំង ពាណិជ្ជនាមផង។
សូមបញ្ជាក់ថា ផេកផ្លូវការរបស់ Sabay មានដូចជាផេក៖
ចំពោះវិបសាយផ្លូវការ មានដូចជា៖
វិបសាយ Sabay News បង្កើតឡើងតាំងពីឆ្នាំ ២០១០ ដោយបានផ្ដល់ព័ត៌មានសម្បូរបែបទៅកាន់មហាជនមានដូចជា ព័ត៌មានកម្សាន្ត, បច្ចេកវិទ្យា, កីឡា, និង សង្គម ដោយឈរលើគោលការណ៍ស្មោះត្រង់ និងព័ត៌មានពិត មិនលំអៀង ដើម្បីផ្ដល់ជូនជាសាធារណៈ។ ការផ្ដល់ព័ត៌មានសម្បូរបែបរហ័សទាន់ចិត្ត បែបនេះធ្វើឲ្យមហាជនរាប់លាននាក់ បានចូលទស្សនាវិបសាយកម្សាន្តដ៏ធំ នៅកម្ពុជា៕
