មិនយូរទេ! ពលរដ្ឋខ្មែរទៅដើរលេងស្រុកថៃ មិនបាច់ខ្វល់រឿងដូរលុយបាត

2018-07-26 08:46:33
សេដ្ឋកិច្ច

2018-07-26 08:46:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ធនាគារជាតិរបស់កម្ពុជា និងធនាគារកណ្ដាលរបស់ថៃ កំពុងសិក្សាគម្រោងប្រើប្រាស់រូបិយវត្ថុជាតិ(ប្រាក់រៀលខ្មែរ-ប្រាក់បាតថៃ) រួមគ្នា តាមរយៈប្រព័ន្ធ QR Code ដែលនឹងបង្កភាពងាយស្រួលបំផុតសម្រាប់ការទូទាត់របស់ភ្ញៀវទេសចររបស់ប្រទេសទាំងពីរ និងការបង្កើនវិសាលភាពដល់ការផ្ទេរប្រាក់របស់កម្មករ និងការទូទាត់ក្នុងពាណិជ្ជកម្មនិងវិនិយោគ។

គម្រោងប្រើប្រាស់រូបិយវត្ថុរួមគ្នានេះ តម្រូវឲ្យអ្នកប្រើ(សម្រាប់ប្រជាជនកម្ពុជា) ត្រូវមានគណនីផ្ទាល់ខ្លួនជាប្រាក់រៀល និងភ្ជាប់ប្រព័ន្ធ QR Code។ ដោយឡែកចំពោះអត្ថប្រយោជន៍នៃប្រព័ន្ធនេះ មានដូចខាងក្រោម៖

មិនបាច់ខ្វល់ខ្វាយការប្ដូរសាច់ប្រាក់ ពេលធ្វើដំណើរទៅប្រទេសថៃ ឬកម្ពុជា
អាចទូទាត់ថ្លៃទំនិញ ដោយមិនចាំបាច់ធ្វើការប្តូរប្រាក់
មិនបាច់កាន់សាច់ប្រាក់ក្នុងដៃផ្ទាល់
មិនខាតការអត្រាប្ដួរប្រាក់ពីរៀលទៅបាត ឬពីប្រាក់បាត ទៅរៀល

ចំណាយដោយមិនចាំបាច់ព្រួយបារម្ភពីការបាត់បង់និងខ្វះខាតប្រាក់បាតថៃ ពេលទិញទំនិញ
ចំណាយសេវាព្យាបាល
អាចផ្ទេរប្រាក់ទៅគ្រួសារនៅកម្ពុជាដោយចំណាយទាប និងសុវត្ថិភាព ។

យ៉ាងណាមិញគម្រោងដ៏ងាយស្រួលសម្រាប់អ្នកដំណើរប្រទេសទាំងពីរ មិនទាន់អនុវត្តជាផ្លូវការនៅឡើយ។ ព័ត៌មានលម្អិត Sabay នឹងបន្តផ្សព្វផ្សាយជូនប្រិយមិត្តអ្នកអានបន្ថែម។

អត្ថបទ៖ ស៊ិន សាវ៉េត

ប្រភព៖ ធនាគារជាតិនៃកម្ពុជា