- 2018-07-27 08:33:01
- ព័ត៌មាន
ការិយាល័យបោះឆ្នោតចំនួនពីរត្រូវប្រើដំរី និងឧទ្ធម្ភាគចក្រ ដើម្បីដឹកជញ្ជូនសម្ភារៈបោះឆ្នោត
- 2018-07-27 08:33:01
- ចំនួនមតិ 0 | ចំនួនចែករំលែក 0
ការិយាល័យបោះឆ្នោតចំនួនពីរត្រូវប្រើដំរី និងឧទ្ធម្ភាគចក្រ ដើម្បីដឹកជញ្ជូនសម្ភារៈបោះឆ្នោត
ចន្លោះមិនឃើញ
គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានសម្រេចប្រើឧទ្ធម្ភាគចក្រ និងដំរីសម្រាប់ដឹកជញ្ជូនសម្ភារៈទៅកាន់ការិយាល័យបោះឆ្នោតចំនួនពីរនៅក្នុងខេត្តមណ្ឌលគិរី។
មន្ទីរព័ត៌មានខេត្តមណ្ឌលគិរីសរសេរលើទំព័រហ្វេសប៊ុករបស់ខ្លួននារសៀលនេះថា គ.ជ.ប នៅថ្ងៃនេះបានដឹកជញ្ជូនសម្ភារៈទៅកាន់ការិយាល័យបោះឆ្នោតមួយកន្លែងក្នុង ភូមិអន្រ្ទង ឃុំពូជ្រៃ ស្រុកពេជ្រាដា ខេត្តមណ្ឌលគិរី។ ការដឹកជញ្ជូនតាមឧទ្ធម្ភាគចក្រនេះទំនងជាការដឹកជញ្ជូនតាមផ្លូវគោកមានការលំបាក។
ដូចគ្នានេះដែរ ដោយសារតែស្ថានភាពផ្លូវធ្វើដំណើរមិនសូវអំណោយផល នៅថ្ងៃស្អែក គ.ជ.ប នឹងប្រើដំរីមួយក្បាលដើម្បីដឹកសម្ភារៈទៅកាន់ការិយាល័យមួយក្នុងភូមិឡៅរមៀត ឃុំក្រង់តេះ ស្រុកពេជ្រាដា ខេត្តមណ្ឌលគិរី។ បើតាមប្រភពខាងលើ គឺមានតែប្រើដំរីសម្រាប់ធ្វើមធ្យោបាយដឹកជញ្ជូនទេ ទើបអាចទៅដល់ការិយាល័យបោះឆ្នោតនោះបាន ដោយថាត្រូវមានការឆ្លងកាត់អូរផង ហើយនេះក៏មិនមែនជាលើកទីមួយដែរ ដែលគ.ជ.ប ប្រើវិធីនេះ។
គួរបញ្ជាក់ថា ខេត្តមណ្ឌលគិរី មានការិយាល័យ បោះឆ្នោតសរុបចំនួន១២៧ការិយាល័យ និងមានអ្នកមានឈ្មោះក្នុងបញ្ជីបោះឆ្នោត ចំនួន៤០,៦០៤នាក់៕
ចុចអាន៖
-អ្នកគាំទ្រមិនតិចជាង៣សែននាក់ចូលរួមហែបក្សចំនួនពីរនៅភ្នំពេញសម្រាប់ថ្ងៃឃោសនាចុងក្រោយ
