- 2018-08-06 06:47:18
- ព័ត៌មាន
អាមេរិក បដិសេធរឿងប៉ងធ្វើឃាតប្រធានាធិបតីវ៉េណេស៊ុយអេឡា
- 2018-08-06 06:47:18
- ចំនួនមតិ 0 | ចំនួនចែករំលែក 0
អាមេរិក បដិសេធរឿងប៉ងធ្វើឃាតប្រធានាធិបតីវ៉េណេស៊ុយអេឡា
ចន្លោះមិនឃើញ
សហរដ្ឋអាមេរិកបានចេញមុខបដិសេធជុំវិញការពាក់ព័ន្ធប៉ុនប៉ងធ្វើឃាតប្រធានាធិបតីវ៉េណេស៊ុយអេឡាកាលពីថ្ងៃទី ៤ខែសីហាកន្លងទៅ។
យោងតាមទីប្រឹក្សាសន្តិសុខជាតិអាមេរិកលោក John Bolton បានអះអាងថា “មិនមានការពាក់ព័ន្ធណាមួយរបស់រដ្ឋាភិបាលសហរដ្ឋអាមេរិកជុំវិញការធ្វើឃាតនេះទេ។” លើសពីនេះទៀត លោកថែមទាំងបានលើកឡើងថា “ហេតុការណ៍នេះអាចជាការរៀបចំរបស់រដ្ឋាភិបាលវ៉េណេស៊ុយអេឡាខ្លួនទៀតផង។”
ជុំវិញការប៉ុនប៉ងធ្វើឃាតដោយបំពាក់គ្រាប់បែកលើយន្តហោះដ្រូនពីរគ្រឿងនេះ ប្រធានាធិបតីវ៉េណេស៊ុយអេឡាលោក Nicolas Maduro បានចោទប្រកាន់ប្រធានាធិបតីកូឡុំប៊ីថារួមដៃគ្នាជាមួយសហរដ្ឋអាមេរិករៀបចំគម្រោងការធ្វើឃាតនេះឡើង។ ទោះយ៉ាងណាក៏ដោយ រដ្ឋាភិបាលកូឡុំប៊ីក៏បានចេញមុខបដិសេធភ្លាមៗផងដែរកាលពីថ្ងៃអាទិត្យ។
គួរឲ្យដឹងថា ក្រោយការប៉ុនប៉ងធ្វើឃាតប្រធានាធិបតីវ៉េណេស៊ុយអេឡា មិនបានសម្រេចកាលពីថ្ងៃទី ៤ខែសីហាកន្លងទៅ ជនសង្ស័យចំនួន ៦នាក់ ត្រូវបានចាប់ខ្លួន ហើយរដ្ឋាភិបាលនឹងបង្ហាញអត្តសញ្ញាណរបស់ពួកគេក្នុងពេលឆាប់ៗនេះ៕
ចុចអាន ៖
