- 2018-08-10 05:25:20
- ព័ត៌មាន
កាហ្វេប្រេនល្បីដាច់គេនៅម៉ាឡេចូលដល់កម្ពុជាហើយ ងំមានម្ហូបឆ្ងាញ់ប៉ុន្មានមុខឡើងទំនងប្លែក
- 2018-08-10 05:25:20
- ចំនួនមតិ 0 | ចំនួនចែករំលែក 0
កាហ្វេប្រេនល្បីដាច់គេនៅម៉ាឡេចូលដល់កម្ពុជាហើយ ងំមានម្ហូបឆ្ងាញ់ប៉ុន្មានមុខឡើងទំនងប្លែក
ចន្លោះមិនឃើញ
អ្នកធ្លាប់ទៅលេងម៉ាឡេស៊ី ច្បាស់ជាស្គាល់ និងធ្លាប់ភ្លក់សាកកាហ្វេប្រេនៗល្បីបំផុតរបស់ម៉ាឡេស៊ី OldTown White Coffee ហើយ។
ដំណឹងល្អ! កាហ្វេរសជាតិដើមដ៏ឈ្ងុយឆ្ងាញ់នេះ និងមុខម្ហូបពិសេសៗជាច្រើនប្រចាំនៅ OldTown White Coffee ដែលលោកអ្នកធ្លាប់តែញ៉ាំត្រូវមាត់ យ៉ាងជក់ចិត្ត បំភ្លេចមិនបាននេះនៅម៉ាឡេស៊ីនោះ ឥលូវនេះមាននៅកម្ពុជាហើយ ដោយហាងដំបូងបង្អស់ របស់កាហ្វេដ៏ល្បីឈ្មោះនេះ បានសម្ពោធបើកលក់ផ្លូវការកាលពីព្រឹកម្សិលមិញនៅ AEON SEN SOK ជាន់ទី២។
[Slide]
ថ្លែងក្នុងឱកាសបើកសម្ពោធផ្លូវការហាងថ្មីនេះ លោក ប៊ុន ឃាម នាយកគ្រប់គ្រង ក្រុមហ៊ុន Biniton បានប្រាប់ឲ្យដឹងពីមូលហេតុដែលក្រុមហ៊ុនលោកសម្រេចនាំយកប្រេនមួយនេះផ្ដាច់មុខចូលកម្ពុជាថា៖«ព្រោះខ្ញុំមើលឃើញពីភាពរឹងមាំរបស់កាហ្វេ OldTown White Coffee នៅទីផ្សារម៉ាឡេស៊ីជិត២០ឆ្នាំមកនេះ ហើយក៏ទទួលបានការគាំទ្រយ៉ាងខ្លាំងនៅបណ្ដាប្រទេសជាច្រើនទៀត ធ្វើឲ្យខ្ញុំមានជំនឿថាកាហ្វេនេះក៏នឹងទទួលបានការគាំទ្រដូចគ្នានៅកម្ពុជា ដែលវប្បធម៌កាហ្វេកំពុងមានសន្ទុះខ្លាំង។ វត្តមាន OldTown White Coffee នៅកម្ពុជានឹងផ្ដល់ជម្រើសកាហ្វេប្រភេទថ្មីឈ្ងុយឆ្ងាញ់ ប្លែកមាត់កាន់តែច្រើនបំពេញតាមចំណូលចិត្តកាហ្វេ Lovers»។
នាពេលខាងមុខឆាប់ៗ ក្នុងឆ្នាំនេះ OldTown White Coffee នឹងពង្រីកសាខាថែម ២ហាងទៀតធំៗ ជាមួយ Concept ហាងថ្មីទំនើប គឺ នៅអូឡាំព្យាម៉ល និង ក្នុងតំបន់បឹងកេងកង១។ លោកបញ្ជាក់បន្ថែម។
ទោះទីផ្សារកាហ្វេនៅខ្មែរបច្ចុប្បន្នពិតជាចង្អៀត តែនៅហាង OldTown White Coffee ក្រៅពីមានកាហ្វេរសជាតិពិសេសនេះហើយ ក៏មានលក់ម្ហូបអាហារពេលព្រឹក និងថ្ងៃត្រង់ជាច្រើនមុខ ច្រើនជម្រើស ខ្លះជាមុខម្ហូបប្លែកបែបអាស៊ី គ្មានពីរនៅហាងផ្សេង ត្រូវម៉ាច់នឹងចំណូលចិត្តបងប្អូនខ្មែរតែម្ដង។
ចាប់កំណើតក្នុងឆ្នាំ ១៩៩៩ OldTown White Coffee គឺជាសម្ព័ន្ធហាងកាហ្វេធំបំផុត និងល្បីឈ្មោះ នៅម៉ាឡេស៊ីមក ទល់បច្ចុប្បន្នមាន ២៤៥ហាងនៅទូទាំងម៉ាឡេស៊ី ហើយបានពង្រីកហាងទៅប្រទេសជាច្រើនទៀតដូចជា អូស្ត្រាលី ឥណ្ឌូណេស៊ី ចិន សិង្ហបុរី វៀតណាម កូរ៉េខាងត្បូង និងកម្ពុជា។
នឹងមានពីប្រូម៉ូសិនថ្មីជាច្រើនបន្តបន្ទាប់ សូមតាមដានហ្វេសប៊ុកផេកផ្លូវការ OldTown White Coffee Cambodia។
តោះ! មើលមុខម្ហូបពិសេសៗ ប្រចាំហាង OldTown White Coffee ដែលល្បីថាឆ្ងាញ់នោះ ថាទំនងប៉ុណ្ណា៖
