- 2018-08-17 08:20:32
- សេដ្ឋកិច្ច
ជិះរថភ្លើងនៅស្រុកថៃមិនស្រួលទេ ប្រហែសតែ៦យ៉ាងនេះ អាចខ្មាសគេកណ្ដាលវាល
- 2018-08-17 08:20:32
- ចំនួនមតិ 0 | ចំនួនចែករំលែក 0
ជិះរថភ្លើងនៅស្រុកថៃមិនស្រួលទេ ប្រហែសតែ៦យ៉ាងនេះ អាចខ្មាសគេកណ្ដាលវាល
ចន្លោះមិនឃើញ
ទៅដើរលេងនៅប្រទេសថៃ ការធ្វើដំណើរតាមរថភ្លើង ជួយឲ្យចំណេញថវិកាច្រើន និងមានសុវត្ថិភាព។ តែយ៉ាងណាមិញ ដំណាក់កាលនៃការជិះរថភ្លើងនៅស្រុកគេនេះមិនមែនជារឿងងាយស្រួលនោះទេ ប្រសិនបើយើងមិនដឹង ឬមិនធ្លាប់មានបទពិសោធន៍ជិះម្ដងរួចនោះ។ ថ្ងៃនេះ ក្រុមការងារ Sabay ចុះផ្ទាល់ សូមចែករំលែកចំណេះដឹងខ្លីៗដល់ប្រិយមិត្តពេលធ្វើដំណើរតាមរថភ្លើងនៅថៃលើកដំបូង គួរដឹង៦ចំណុច ដូចខាងក្រោម៖
១. កន្លែងដែលចង់ទៅ
ដំបូងអ្នកគួរមានផែនទីខ្សែរថភ្លើង និងជ្រើសរើសកន្លែងណាខ្លះដែលចង់ទៅនៅឆ្ងាយ តាមទីក្រុង និងបណ្ដាខេត្តនៅប្រទេសថៃ ។ អ្នកមិនគួរចេះតែទៅ ដោយមិនបានព្រាងទុកមុននោះទេ ព្រោះអាចឲ្យចំណាយលើការធ្វើដំណើរអស់លុយច្រើនដោយភ្លេចខ្លួន។
២. ទិញសំបុត្រ
ពេលទៅទិញសំបុត្ររថភ្លើង( មានកាក់ និងកាត) តែអ្នកត្រូវជ្រើសរើសរវាងការជិះរថភ្លើងធម្មតា ឬលើអាកាស។ គេនឹងឲ្យទិញអ្នកកាក់សម្រាប់ជិះរថភ្លើងធម្មតា និងកាតសម្រាប់ជិះរថភ្លើងលើអាកាស។ ដោយឡែកចំពោះតម្លៃសំបុត្រ គឺទៅតាមទីតាំងជិតឬឆ្ងាយ។
៣. ស្កេនកាក់ ឬកាត
នៅពេលដែលបានទិញកាក់ឬកាត មួយណារួចហើយ ត្រូវស្កេនកាក់ឬកាតនោះ ដើម្បីអាចចូលក្នុងស្ថានីយរង់ចាំរថភ្លើងមកដល់ ហើយរយៈពេលរង់ចាំយ៉ាងយូរ ៥នាទី មានរថភ្លើងនឹងមកដល់។
*៤. ពេលរថភ្លើងមកដល់
លោកអ្នកត្រូវឈរនៅសងខាងស្តាំ ឬ ខាងឆ្វេងទ្វាររថភ្លើង ដោយទុកផ្លូវកណ្ដាលឲ្យអ្នកចុះពីរថភ្លើង។
៥. ពេលនៅក្នុងរថភ្លើង
ពេលដើរចូលក្នុងរថភ្លើង អ្នកអាចរកកន្លែងអង្គុយឫឈរតាមចិត្ត ប៉ុន្តែគួរមានសុជីវធម៌ ផ្ដល់អាទិភាពដល់មនុស្សចាស់ជរា ស្ត្រីមានផ្ទៃពោះ ជនពិការ ប្រសិនបើមាន។
៦. រក្សាកាក់ ឬកាតឲ្យជាប់
ពេលទៅដល់ទីតាំងអ្នកហើយ សូមយកកាក់ ឬកាតចូលទៅក្នុងប្រអប់ដើម្បីចាកចេញពីចំណតរថភ្លើង។ ទោះយ៉ាងណាប្រសិនបើមានករណីបាត់នោះ សូមកុំភ័យស្លន់ស្លោ លោកអ្នកគួរទៅសួរសន្តិសុខក្បែរនោះដើម្បីឲ្យគេជួយដោះស្រាយភ្លាមៗ៕
រូបភាព៖ Yi Soyong
