- 2018-08-27 11:10:57
- ព័ត៌មាន
ប៊ូហ្វេឆ្ងាញ់ពិសេស! ឋានសួគ៌ពិតៗសម្រាប់អ្នកចូលចិត្តអាហារសមុទ្រ
- 2018-08-27 11:10:57
- ចំនួនមតិ 0 | ចំនួនចែករំលែក 0
ប៊ូហ្វេឆ្ងាញ់ពិសេស! ឋានសួគ៌ពិតៗសម្រាប់អ្នកចូលចិត្តអាហារសមុទ្រ
ចន្លោះមិនឃើញ
ចាប់ពីថ្ងៃនេះតទៅ ភោជនីយដ្ឋាន La Coupole នឹងនាំមកជូននូវប៊ូហ្វេគ្រឿងសមុទ្រ (SEAFOOD PARADISE) យ៉ាងពិសេសជារៀងរាល់ថ្ងៃ ជាមួយគ្រឿងសមុទ្រពិសេសស្រស់ៗ ច្រើនជម្រើស។
ជាមួយហាងនេះ អ្នកនឹងបានរីករាយជាមួយប៊ូហ្វេគ្រឿងសមុទ្រ ដែលមានរសជាតិឆ្ងាញ់ៗដូចជា ក្តាមកែប អយស្ទ័រ បង្កងប៉ាក បង្កងកាណាដា បង្កងទឹកសាប បង្គាប៉ារ៉ា និង គ្រឿងសមុទ្រស្រស់ៗ ជាច្រើនទៀត រួមជាមួយពងត្រី Caviar Oscietre ដែលនាំចូលមកពីអ៊ីរ៉ង់ អយស្ទ័របារាំង និងសាច់គោអូស្ត្រាលីជាដើម។ ក្នុងនោះក៏មានផ្ដល់ជូននូវ ជម្រើសសាច់ ឈីស ម្ហូបបួស និង បង្អែម ការ៉េម ជាច្រើនមុខផងដែរ។
លោក Benoit Leloup មេចុងភៅប្រចាំហាងបានលើកឡើងថា៖ "អាហារសមុទ្រទាំងអស់បានផ្ដោតសំខាន់លើគុណភាពសាច់ ដែលនាំចូលផ្ទាល់ពីខេត្តកែបនៃព្រះរាជាណាចក្រកម្ពុជា ប្រទេសបារាំង ប្រទេសជប៉ុន ដើម្បីឲ្យលោកអ្នកទទួលបានបទពិសោធន៍មួយមិនអាចបំភ្លេចបាន បន្ទាប់ពីទទួលទានអាហារប៊ូហ្វេជាមួយពួកយើង"។
ប៊ូហ្វេគ្រឿងសមុទ្រនៅទីនេះ មានផ្តល់ជូនទាំងរសជាតិ និងជម្រើសជាច្រើន ដែលមេចុងភៅបានរៀបចំពិសេស ឆ្ងាញ់ៗ ច្រើនមុខដូចជា អាហារសាច់ស្រស់ៗ ស៊ូស៊ី សាស៊ីមី និងអាហារបែបអាស៊ី ដូចជា ស៊ុបតុំយាំ និង សម្លការីគ្រឿងសមុទ្រ ដែលមានរសឆ្ងាញ់ជាងគេនៅ ទីក្រុងភ្នំពេញ។
ជាមួយបរិយាកាសដ៏សែនមនោរម្យ ក្នុងសណ្ឋាគារសូហ្វីតែល ភោជនីយដ្ឋាន La Coupole ត្រូវបានរៀបចំឡើងតាមរចនាបថបារាំង យ៉ាងល្អប្រណិត សក្ដិសមបំផុត សម្រាប់ការទទួលទានអាហារជាមួយមនុស្សជាទីស្រឡាញ់ ឬក្រុមគ្រួសាររបស់អ្នក។
ប៊ូហ្វេគ្រឿងសមុទ្រនេះ បើកបម្រើជូនជារៀងរាល់ថ្ងៃចាប់ពីម៉ោង ៦ ល្ងាច ដល់ម៉ោង ១០ យប់។ ជាមួយតម្លៃ ៣២ ដុល្លារ សម្រាប់មនុស្សម្នាក់ ឬ ៤៩ ដុល្លារ ជាមួយការទទួលទានស្រាកម្រិតខ្ពស់ដោយសេរី។
ដើម្បីកក់កន្លែងសូមទាក់ទាងលេខ៖ 023 999 200 ឬចូលទៅកាន់ Seafood Paradise
