- 2018-08-28 02:18:23
- ព័ត៌មាន
កន្លែងដើរលេងថ្មី២កន្លែង មិនឆ្ងាយពីភ្នំពេញ ទេសភាពកប់ខ្លាំង មិនបាច់ចាយលុយច្រើន
- 2018-08-28 02:18:23
- ចំនួនមតិ 0 | ចំនួនចែករំលែក 0
កន្លែងដើរលេងថ្មី២កន្លែង មិនឆ្ងាយពីភ្នំពេញ ទេសភាពកប់ខ្លាំង មិនបាច់ចាយលុយច្រើន
ចន្លោះមិនឃើញ
រមណីយដ្ឋានថ្មីៗ២កន្លែង ក្នុងខេត្តតាកែវទើបតែចាប់ផ្ដើមបង្ហាញខ្លួន តែទទួលបានការចាប់អារម្មណ៍ខ្លាំងពីសំណាក់អ្នកនិយមធ្វើដំណើរកម្សាន្តនៅថ្ងៃឈប់សម្រាក។ ឥឡូវយើងមកស្គាល់ទាំងអស់គ្នាថារមណីយដ្ឋានថ្មីៗទាំងនេះ ស្អាតប៉ុណ្ណា? ហើយមានអ្វីដែលពិសេសខ្លះ?
១. រមណីយដ្ឋានថ្មី អង្គរបុរី
តាមការចុះផ្សាយរបស់វេបសាយ Kanha តំបន់ទេសចរណ៍មួយកន្លែងទើបតែបង្កើតថ្មី មានឈ្មោះថាអង្គរបូរី ហូមស្ទេយ៍មានទីតាំងស្ថិតនៅក្នុងភូមិព្រែកផ្ទោល ឃុំព្រែកផ្ទោល ស្រុកអង្គរបូរី ខេត្តតាកែវ។ នេះគឺជាគម្រោងអេកូទេសចរណ៍បែបដំណាំធម្មជាតិទី១ ក្នុងចំណោមគម្រោងទាំង៥៦ទៀត ដែលបង្កើតឡើងដោយ Unique Trip Cambodia ក្នុងគោលបំណងដើម្បីជួយដល់ជីវភាពរបស់បងប្អូនប្រជាពលរដ្ឋក្នុងសហគមន៍។
សម្រាប់តម្លៃបន្ទប់ ម្ហូបអាហារ និងសេវាកម្មផ្សេងៗ មានគោលការណ៍ច្បាស់លាស់ មិនកាត់ថ្លៃផ្តេសផ្តាស ដូចជាបន្ទប់គ្រែមួយគេងបានពីរនាក់ មានតម្លៃកំណត់មិនឲ្យលើសពី១៥ដុល្លារក្នុងមួយយប់ និងមានកញ្ចុះនៅជាប់ជើងភ្នំសម្រាប់អង្គុយលេង មើលទេសភាពធម្មជាតិ និងផ្កាឈូករ័ត្នដ៏ស្រស់បំព្រងថែមទៀតផង។
មានភ្ញៀវទេសចរជាច្រើនបានទៅលេងជារៀងរាល់ថ្ងៃ ដើម្បីថតរូបលេង និងស្រូបយកខ្យល់អាកាសបរិសុទ្ធ និងទទួលទានអាហារយ៉ាងឈ្ងុយឆ្ងាញ់។ ជាពិសេសអង្គរបូរី ហូមស្ទេយ៍ មានសេវាកម្មថតរូបបែបអាជីព ជូនដោយឥតគិតថ្លៃ ដោយប្រើកាមេរ៉ាដែលមានគុណភាពខ្ពស់សម្រាប់អ្នកទេសចរ បានទៅលេងនៅទីនោះ។
២. រមណីយដ្ឋានអន្លង់ភ្ញៀវ
អន្លង់ភ្ញៀវ ជាឈ្មោះរមណីយដ្ឋានបែបធម្មជាតិកែច្នៃមួយ ដែលកំពុងទាក់ទាញអ្នកទស្សនាខ្លាំង បើទោះបីជានៅទីនោះទើបតែបើកដំណើរការថ្មីៗក៏ដោយ។ ក្នុងរមណីយដ្ឋាននេះមានសួនកម្សាន្ត និងចម្ការដំណាំជាច្រើនប្រភេទនៅតាមជើងភ្នំនិងចង្កេះភ្នំ និងមានគម្រោងសាងសង់កន្លែងកម្សាន្ត កន្លែងងូតទឹកជាច្រើនផ្សេងទៀតផងដែរ។
រមណីយដ្ឋានថ្មីនេះមានទេសភាពអមដោយជួរភ្នំព័ទ្ធជុំវិញតែម្ដង។ អន្លង់ភ្ញៀវ ឬកំពូលពេជ្រស្ថិតនៅក្នុងភូមិស្រែជើងរាស្ត្រ ឃុំត្រពាំងក្រញូង ស្រុកត្រាំកក់ ខេត្តតាកែវ។ ក្រៅពីមានទេសភាពដ៏ស្រស់ស្អាតនៅទីនោះ ក៏មានលក់អាហារឆ្ងាញ់ៗដ៏សម្បូរបែប ក្នុងតម្លៃសមរម្យទៀតផង៕
