- 2018-09-26 02:14:06
- ព័ត៌មាន
ជំនោរកោះនរា នៅជិតបង្កើយ តែទេសភាពស្អាតកប់ ល្បីធ្វើម្ហូបឆ្ងាញ់ហើយធូរថ្លៃ
- 2018-09-26 02:14:06
- ចំនួនមតិ 0 | ចំនួនចែករំលែក 0
ជំនោរកោះនរា នៅជិតបង្កើយ តែទេសភាពស្អាតកប់ ល្បីធ្វើម្ហូបឆ្ងាញ់ហើយធូរថ្លៃ
ចន្លោះមិនឃើញ
មើលមួយភ្លែតប្រិយមិត្តប្រហែលជាគិតថា ទេសភាពទាំងនេះនៅតាមបណ្ដាខេត្តឆ្ងាយៗ តែតាមពិត គឺស្ថិតនៅក្នុងរាជធានីភ្នំពេញនេះឯង។ «ជំនោកោះនរា» គឺជាកន្លែងញ៉ាំអាហារឆ្ងាញ់ៗ និងសម្រាកលម្ហែកាយដ៏ស្រស់ស្អាតមួយកន្លែង មានចម្ងាយប្រមាណ១គីឡូម៉ែត្រប៉ុណ្ណោះ ពីស្ពានព្រះមុនីវង្ស( ស្ពានច្បារអំពៅ)។
បើតាមការរៀបរាប់របស់អ្នកស្រី សួន សុមុន្នា ជាម្ចាស់ភោជនីយដ្ឋាននេះតែម្ដង ឲ្យដឹងថា នៅទីនោះ មានបរិយាកាសល្អ ស្ងប់ស្ងាត់ ទេសភាពស្អាតស្រស់បំព្រង មានបឹងធម្មជាតិអាចស្ទូចត្រីលេងកម្សាន្តបាន មានវាលខ្សាច់ដ៏ធំ។ ជាពិសេសមានលក់ម្ហូបឆ្ងាញ់លក្ខណៈបែបខ្មែរ មានគ្រប់មុខម្ហូប ដូចជា៖ ត្រីដុតបំពង់ឫស្សី មាន់ដុតគ្រប់រសជាតិ សម្លគ្រប់មុខ ឆាគ្រប់ប្រភេទ។ ចំពោះតម្លៃវិញក៏សមរម្យដែរ ចំពោះម្ហូបឆាចានតូចត្រឹមតែ៤ដុល្លារ ចានធំ៦ដុល្លារ។ ចំណែកប្រភេទសម្លទឹកវិញមួយឆ្នាំង៧ដុល្លារ ហូបមួយឆ្អែត ដាក់ឲ្យពេញៗឆ្នាំង។
ម្ចាស់ភោជនីយដ្ឋានខាងលើនេះក៏បានឲ្យដឹងដែរថា នៅក្នុងឱកាសភ្ជុំបិណ្ឌនេះ ពុំមានការដំឡើងថ្លៃអ្វីឡើយ គឺនៅរក្សាដដែល។ ចំពោះកន្លែងអង្គុយសម្រាកលម្ហែកាយវិញនោះ ក៏ពុំមានគិតថ្លៃដែរ។
ចំណែកឯទីតាំងវិញគឺមិនពិបាករកឡើយ ចុះពីស្ពានព្រះមុនីវង្សប្រមាណ១គីឡូម៉ែត្រប៉ុណ្ណោះ ស្ថិតនៅក្នុងសង្កាត់និរោធ ខណ្ឌច្បារអំពៅ រាជធានីហួសពេញ ជិះហួសពីរមណីយដ្ឋានជំនោរក្បាលកោះតែបន្តិច នឹងទៅដល់ទីនោះហើយ៕