- 2018-11-12 06:35:13
- ព័ត៌មាន
បើកសាខាថ្មី LOTTERIA បូកប្រូម៉ូសិន ថែមដៃគូពិសេស ងាយស្រួលទូទាត់ ហើយចំណេញទៀត
- 2018-11-12 06:35:13
- ចំនួនមតិ 0 | ចំនួនចែករំលែក 0
បើកសាខាថ្មី LOTTERIA បូកប្រូម៉ូសិន ថែមដៃគូពិសេស ងាយស្រួលទូទាត់ ហើយចំណេញទៀត
ចន្លោះមិនឃើញ
កាលពីថ្ងៃទី ៨ វិច្ឆិកា ឆ្នាំ២០១៨ LOTTERIA បានរៀបចំកម្មវិធីសម្ពោធសាខាថ្មី នៅ The Park Community Mall ជាមួយការចុះកិច្ចព្រមព្រៀងសហការជាផ្លូវការរវាងក្រុមហ៊ុន Yinkok Food Corp និង TrueMoney លើសេវាចាយលុយតាម App។ ក្នុងនោះ ភាគីទាំង ២ ក៏ប្រកាសពីអត្ថប្រយោជន៍ជាច្រើនដែលអតិថិជន នឹងទទួលបានក្រោយព្រឹត្តិការណ៍នេះដែរ។
ការសហការរវាងក្រុមហ៊ុនទាំង ២ នឹងអនុញ្ញាតឲ្យអតិថិជនអាចទូទាត់ការចំណាយតាមរយៈ App True Money នៅតាមបណ្ដាហាង ដែលជាសាខារបស់ក្រុមហ៊ុន Yinkok Food Corp ទាំងអស់។ ជាពិសេស រាល់ការចំណាយតាមកម្មវីធី TrueMoney ចាប់ពី ២.៥ ដុល្លារឡើងទៅ នឹងទទួលបានកាតបញ្ចូលទូរសព្ទដោយឥតគិតថ្លៃ ទៅតាមនោះថែមទៀត។ ដើម្បីទទួលអត្ថប្រយោជន៍នេះ អ្នកត្រូវបាន App True Money ក្នុងទូរសព្ទ និងបញ្ចូលលុយក្នុងគណនីតាមរយៈភ្នាក់ងារទ្រូម៉ាន់នីទូទាំងប្រទេសដែលមានជាង ៧០០០ កន្លែងទូទាំងប្រទេស។
ជាមួយការបើកសាខាថ្មីនេះ ហាងបឺហ្គឺ LOTTERIA ក៏មានការផ្ដល់ជូនប្រម៉ូសិនដល់អតិថិជនផងដែរ ដោយរាល់ការចំណាយចាប់ពី ៥ ដុល្លារ ឡើងទៅនឹងមានឱកាសក្នុងការបង្វិលកងដើម្បីឈ្នះរង្វាន់ជាមីនុយប្រចាំហាងជាច្រើនមុខពី LOTTERIA។
LOTTERIA គឺជាហាងបឺហ្គឺលេខ១ មកពីប្រទេសកូរ៉េ ដែលនាំមកជូននូវប៊ឺហ្គឺ និងមាន់បំពងរសជាតិឈ្ងុយឆ្ងាញ់ប្លែកពិសេស ព្រមជាមួយនឹងការរចនាស្រស់ស្អាត ទីតាំងធំទូលាយ មានផាសុកភាពល្អ និងបុគ្គលិកមានភាពរួសរាយរាក់ទាក់រាក់ទាក់ យកចិត្តទុកដាក់ចំពោះការបម្រើសេវាកម្ម។ដោយមានកំណើនគាំទ្រយ៉ាងច្រើនពីអតិថិជនពីមួយថ្ងៃទៅមួយថ្ងៃ ដូច្នេះទើបក្រុមហ៊ុន សម្រេចបើកសាខាថ្មីបន្ថែមទៀត ដើម្បីបំពេញតាមតម្រូវការអតិថិជន និងកាន់តែផ្ដល់នូវភាពងាយស្រួល។
LOTTERIA បាននាំយកមកកាន់ប្រទេសកម្ពុជាដោយក្រុមហ៊ុន Yinkok Food Corp. ដែលក្រុមហ៊ុនផ្ដល់សេវាកម្មខាងម្ហូបអាហារឈានមុខគេមួយនៅកម្ពុជាដែលមានក្រុមហ៊ុនបុត្រសម្ព័ន្ធជាច្រើនដូចជា TOUS les JOURS , Domino’s Pizza, LOTTERIA, The Asian Kitchen និងT&C។
លោកគួច សុខលី នាយកគ្រប់គ្រងក្រុមហ៊ុន Yinkok Food Corp បានមានប្រសាសន៍នៅក្នុងកម្មវិធីបើកសម្ពោធនោះថា៖ "គោលដៅរបស់យើង គឺដើម្បីបន្តអភិវឌ្ឍន៍អតិថិជនប្រចាំ តាមរយៈការផ្ដល់នូវការសេវាល្អ រសជាតិឆ្ងាញ់ ដែលប្រកបដោយគុណភាព និងស្តង់ដារខ្ពស់ ព្រមទាំងការដឹកជញ្ជូនរហ័សទាន់ចិត្តដល់ទីកន្លែង"។
លោកក៏បានបន្ដទៀតថា ស្របគ្នាទៅនិងទំនោរការចូលចិត្ត និងតម្រូវការខ្ពស់លើអាហារបែប Fast Food មកពីបរទេសដែលមានស្ដង់ដាខ្ពស់ និងរសជាតិឈ្ងុយឆ្ងាញ់ លោកជឿជាក់យ៉ាងមុតមាំថា សាខាថ្មីរបស់ LOTTERIA នៅ The Park នេះនឹងទទួលបានការគាំទ្រយ៉ាងច្រើនពីអតិថិជនបន្ថែមទៀត។
សាខាថ្មីរបស់ LOTTERIA នៅ The Park Community Mall មានទីតាំងស្ថិតនៅតាមបណ្ដោយផ្លូវជាតិលេខ១ ម្ដុំបឹងស្នោ មិនឆ្ងាយប៉ុន្មានពីផ្សារច្បារអំពៅ។
ព័ត៌មានបន្ថែមសូមតាមដានជាមួយទំព័រ Facebook ផ្លូវការរបស់ LOTTERIA ឬចូលទៅ www.lotteriacambodia.com ៕
