- 2018-11-16 03:35:03
- ព័ត៌មាន
ផ្ទុះហិង្សាវាយគ្នាផ្អើលសភាស្រីលង្កា ក្រោយទម្លាក់នាយករដ្ឋមន្ត្រី (មានវីដេអូ)
- 2018-11-16 03:35:03
- ចំនួនមតិ 0 | ចំនួនចែករំលែក 0
ផ្ទុះហិង្សាវាយគ្នាផ្អើលសភាស្រីលង្កា ក្រោយទម្លាក់នាយករដ្ឋមន្ត្រី (មានវីដេអូ)
ចន្លោះមិនឃើញ
វិបត្តិនយោបាយនៅស្រីលង្កា កាន់តែក្ដៅគគុកទៅៗរហូតដល់អ្នកនយោបាយវាយគ្នាផ្អើលសភាក្រោយការបោះឆ្នោតទម្លាក់នាយករដ្ឋមន្ត្រី។
នៅក្នុងកិច្ចប្រជុំបិទទ្វារកាលពីថ្ងៃព្រហស្បតិ៍ម្សិលមិញនេះ ត្រូវបានរំសាយចោលក្រោយពេលមានជម្លោះរវាងសមាជិក នឹងសមាជិករហូតដល់មានការប្រតាយប្រតប់គ្នាពេញសភាស្រីលង្កា។ ជម្លោះនេះ បានកើតឡើងក្រោយអតីតនាយករដ្ឋមន្ត្រី Ranil Wickremesinghe ត្រូវបានបោះឆ្នោតទម្លាក់ និងត្រូវជំនួសដោយនាយករដ្ឋមន្ត្រីថ្មី Mahinda Rajapaksa។ សមាជិកសភាដែលគាំទ្រលោក Ranil មាន ១២២កៅអីក្នុងចំណោម ២២៥ បានសម្ដែងការមិនពេញចិត្ត និងហៅការទម្លាក់នេះថា ជាការធ្វើរដ្ឋប្រហារ។
សមាជិកសភាម្នាក់លោក Dilum Amunugama ដែលគាំទ្រនាយករដ្ឋមន្ត្រីថ្មី ត្រូវបានចាក់ដោយកាំបិតឲ្យហូរឈាមពេញអាវ ក្រោយព្យាយាមទាញម៉េក្រូពីលោក Palitha Thewarapperuma ដែលជាអ្នកគាំទ្រនាយករដ្ឋមន្ត្រីចាស់។ ក្រោយពេលកើតហេតុ ជនរងគ្រោះត្រូវបានបញ្ជូនទៅកាន់មន្ទីរពេទ្យ ខណៈដែលការវាយគ្នានៅតែបន្ដក្នុងរដ្ឋសភា។ ចំណែកឯសមាជិកសភាម្នាក់មកពីបក្សសាមគ្គីជាតិ បានហៅជម្លោះនេះថាជាថ្ងៃដ៏គួរឲ្យអាម៉ាស់បំផុតក្នុងសភា៕
សូមទស្សនាវីដេអូខាងក្រោម ៖