- 2018-12-25 06:56:21
- ព័ត៌មាន
ជួយអបអរផង! រកឃើញជើងខ្លាំងផ្នែកសំណង់ថ្នាក់ជាតិ ប្រចាំឆ្នាំ ២០១៨ ហើយ
- 2018-12-25 06:56:21
- ចំនួនមតិ 0 | ចំនួនចែករំលែក 0
ជួយអបអរផង! រកឃើញជើងខ្លាំងផ្នែកសំណង់ថ្នាក់ជាតិ ប្រចាំឆ្នាំ ២០១៨ ហើយ
ចន្លោះមិនឃើញ
ក្រោយប្រកួតយ៉ាងស្វិតស្វាញអត់ជាច្រើនជុំ កម្មវិធីប្រកួតស្វែករកជើងខ្លាំងផ្នែកបូកស៊ីម៉ងត៍ និងប្រក់ដំបូលថ្នាក់ជាតិ ដែលរៀបចំដោយ SCG បានរកឃើញអ្នកឈ្នះហើយ។
ក្នុងនោះ ក្រុមរបស់លោក ខាន់ តូ ជាជាងកំបោរមកពីខេត្តកំពង់ធំបានឈ្នះការប្រកួតផ្នែកបូកស៊ីម៉ងត៍ ខណៈក្រុមលោក ហេង ធារិទ្ធ មកពីខេត្តកំពង់ឆ្នាំងឈ្នះជើងឯក ផ្នែកប្រក់ដំបូល។ ជយលាភីទាំង ២ វិញ្ញាសាបានកោតសរសើរដល់កម្មវិធីបណ្ដុះបណ្ដាលជាងសំណង់ និងការប្រកួតជាងសំណង់ ដែល SCG រៀបចំឡើងនេះថា ជាកម្មវិធីមានតម្លៃសម្រាប់ជាងសំណង់ដូចជាពួកលោក។
លោក ខាន់តូ បានឲ្យដឹងទៀតថា៖ "មានអារម្មណ៍ថារំភើបញាប់ញ័រណាស់ អរផង ភ័យផង អត់នឹកស្មានថា យើងជាប់បែបហ្នឹង។ មកពីផ្ទះមកគិតថា មិនដឹងជាសង្ឃឹមបានប៉ុន្មានភាគរយទេ។ អរផងភ័យផង ធ្វើយឺតជាងគេទៀត តែខំប្រិតប្រៀងទៅ។ ខ្ញុំសង្ឃឹមថា ទៅថ្ងៃអនាគត ខ្ញុំនឹងក្លាយជាមេជាងសំណង់ដ៏ធំមួយប្រចាំខេត្តកំពង់ធំ ហើយខ្ញុំចង់ផ្ដាំផ្ញើទៅអ្នកខេត្តកំពង់ធំ ទាំងអស់គ្នាជួយគាំទ្រជាងតូផង”។
រំលឹកផងដែរថា SCG បានជួយគាំទ្រដល់កម្មវិធីបណ្ដុះបណ្ដាលជាងសំណង់នៅកម្ពុជានេះចាប់តាំងពីខែមករា ឆ្នាំ ២០១៨ មកម្ល៉េះ ដោយបានបណ្ដុះបណ្ដាលជាងលើផ្នែកបូកស៊ីម៉ងត៍ និងប្រក់ដំបូលចំនួនជាង ២០០ នាក់។ កម្មវិធីបណ្ដុះបណ្ដាលនេះ ផ្ដោតលើការប្រើប្រាស់ផលិតផលសម្ភារសំណង់ និងបច្ចេកទេសសំណង់បែបទំនើបទាន់សម័យ។
លោក ពង់ថាណា ដេវីតាយ៉ាផន នាយកផ្នែកលក់ និងទីផ្សាររបស់ក្រុមហ៊ុន SCG បានលើកឡើងថា៖ “SCG មានសេចក្តីប្ដេជ្ញាចិត្តចូលរួមជាចំណែកមួយនៃការរីកចម្រើនរបស់ប្រទេសកម្ពុជា។ តាមរយៈការពិនិត្យមើលជាក់ស្ដែង យើងបានដឹងថា ជាងសំណង់មានបំណង់ចង់បង្កើនជំនាញ ក៏ដូចជាប្រាក់ចំណូលរបស់ខ្លួន។ នៅឆ្នាំនេះ យើងបានបណ្ដុះបណ្ដាលជាងសំណង់ជាង ២០០ នាក់ ហើយទៅឆ្នាំក្រោយ យើងនឹងបន្តកម្មវិធីនេះតទៅទៀត។ នៅថ្ងៃនេះ ខ្ញុំសូមអបអរសាទរដល់ជ័យលាភីនៃការប្រកួត ហើយសូមជំរុញលើកទឹកចិត្តឲ្យពួកគាត់បន្តអភិវឌ្ឍជំនាញរបស់ខ្លួនបន្តទៅទៀត"៕
