- 2019-01-03 07:47:03
- ព័ត៌មាន
បើកទំព័រលើកដំបូង «វិមានឈ្នះឈ្នះ» ស្រូបមនុស្ស ២លាននាក់ទៅកម្សាន្តនាថ្ងៃឆ្លងឆ្នាំសាកល
- 2019-01-03 07:47:03
- ចំនួនមតិ 0 | ចំនួនចែករំលែក 0
បើកទំព័រលើកដំបូង «វិមានឈ្នះឈ្នះ» ស្រូបមនុស្ស ២លាននាក់ទៅកម្សាន្តនាថ្ងៃឆ្លងឆ្នាំសាកល
ចន្លោះមិនឃើញ
នាឱកាសឆ្លងឆ្នាំសកល ២០១៨-២០១៩ មានភ្ញៀវទេសចរជាតិ និងអន្តរជាតិ ចេញដើរកម្សាន្តនៅទូទាំងប្រទេសជាង ៣លាននាក់ ក្នុងនោះរាជធានីភ្នំពេញមានចំនួន ២លាន ២សែននាក់ ដោយចំនួនប្រមាណ ២លាននាក់ ពួកគេបានទៅទស្សនាកម្សាន្តនៅ «វិមានអនុស្សាវរីយ៍នយោបាយ ឈ្នះ-ឈ្នះ»។ នេះបើតាមការអះអាងរបស់ក្រសួងទេសចរណ៍។
គួរបន្ថែមថា កាលពីថ្ងៃទី ២៩ ខែធ្នូ ឆ្នាំ២០១៨ សម្ដេច ហ៊ុន សែន នាយករដ្ឋមន្ត្រី បានថ្លែងក្នុងពិធីសម្ពោធវិមានឈ្នះ ឈ្នះ ឲ្យដឹងថា ការចំណាយថវិកាទាំងអស់ជាង ១២ លានដុល្លារ ដែលភាគច្រើនជាថវិកាសាលារាជធានីភ្នំពេញ និងមួយផ្នែកពីលោកឧកញ៉ា លី យ៉ុងផាត់ ហើយរាជរដ្ឋាភិបាលបានត្រៀមថវិកាមួយចំនួនទៀតសម្រាប់បន្តការសាងសង់។
ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ឱ្យដឹងថា នាឱកាសឆ្លងឆ្នាំសកល ២០១៨-២០១៩ មានភ្ញៀវទេសចរជាតិ-អន្តរជាតិចំនួន ៣ ១៤៤ ៤៣៤នាក់ ( កើនឡើង ២៥.៧៨%) បានចេញដើរទស្សនាកម្សាន្តនៅទូទាំងប្រទេស។
យោងតាមរបាយការណ៍របស់មន្ទីរទេសចរណ៍រាជធានី-ខេត្ត ភ្ញៀវទេសចរ និងប្រជាពលរដ្ឋដែលបានដើរកម្សាន្តនាឱកាសឆ្លងឆ្នាំសាកល ២០១៨ ឆ្លងចូល ២០១៩ មានចំនួន ៣ ១៤៤ ៤៣៤នាក់ កើនឡើង ២៥,៧៨% ក្នុងនោះភ្ញៀវជាតិមានចំនួន ៣ ០៤៥ ៣១៦នាក់ កើនឡើង ២៥,៣២% និងភ្ញៀវអន្តរជាតិមានចំនួន ៩៩ ១១៨នាក់ កើនឡើង ៤១,៦០%»។
