ចាំបាច់គួរដឹង! ម្ចាស់អាជីវកម្មតូច មធ្យមទាំងអស់ អាចទទួលបានការលើកលែងពន្ធពីរដ្ឋយ៉ាងពិសេស

2019-01-25 04:03:02
សេដ្ឋកិច្ច

2019-01-25 04:03:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្មីៗកន្លងទៅ អគ្គនាយកដ្ឋានពន្ធដារ បានប្រកាសណែនាំដល់សហគ្រាសធុនតូច និងមធ្យមក្នុងវិស័យអាទិភាព ឲ្យធ្វើការស្នើសុំលើកទឹកចិត្តផ្នែកពន្ធដារ តួយ៉ាងការបន្ធូរបន្ថយពន្ធលើប្រាក់ចំណូល ប្រាក់រំដោះពន្ធលើប្រាក់ចំណូល និងពន្ធអប្បបរមា និងការលើកទឹកចិត្តផ្នែកពន្ធដារសម្រាប់ចំណាយដែលអាចកាត់កងបាន។

រូបតំណាង

ដើម្បីទទួលបានការលើកទឹកចិត្តនេះពីរាជរដ្ឋាភិបាល ម្ចាស់អាជីវកម្ម ត្រូវដាក់ពាក្យស្នើសុំទៅអគ្គនាយកដ្ឋាន ដោយភ្ជាប់ជាមួយនូវឯកសារគាំទ្រ ដូចខាងក្រោម៖

១. ចំពោះសហគ្រាសដែលស្នើសុំលើកលែងពន្ធលើប្រាក់ចំណូល ប្រាក់រំដោះពន្ធលើប្រាក់ចំណូល និងពន្ធអប្បបរមា

លក្ខន្តិកៈរបស់សហគ្រាស
លិខិតអនុញ្ញាតប្រកបអាជីវកម្ម ឬវិញ្ញាបនបត្រចុះបញ្ជីពាណិជ្ជកម្ម និងវិញ្ញាបនបត្រចុះបញ្ជីពន្ធដាររួមទាំងប័ណ្ណពន្ធប៉ាតង់
ផែនការអាជីវកម្ម និងរបាយការណ៍ហិរញ្ញវត្ថុសម្រាប់សហគ្រាស ដែលបានចុះបញ្ជីពន្ធដាររួច
កិច្ចសន្យា ឬកិច្ចព្រមព្រៀងទិញទំនិញឬសេវា
កិច្ចសន្យាការងារ និងផែនការធនធានមនុស្ស
កិច្ចសន្យាជួលទីតាំង ឬវិញ្ញាបនបត្របញ្ជាក់ការកាន់អចលនទ្រព្យ ដែលជាទីតាំងសម្រាប់ប្រកបអាជីវកម្មនៅក្នុងតំបន់ប្រមូលសហគ្រាសធុនតូច និងមធ្យម។

២. ចំពោះសហគ្រាសដែលស្នើសុំការលើកទឹកចិត្តសម្រាប់ចំណាយដែលអាចកាត់កងបាន

លក្ខន្តិកៈរបស់សហគ្រាស
លិខិតអនុញ្ញាតប្រកបអាជីវកម្ម ឬវិញ្ញាបនបត្រ ចុះបញ្ជីពាណិជ្ជកម្ម និងវិញ្ញាបនបត្រចុះបញ្ជីពន្ធដាររួមទាំងប័ណ្ណពន្ធប៉ាតង់
ផែនការអាជីវកម្ម និងរបាយការណ៍ហិរញ្ញវត្ថុសម្រាប់សហគ្រាសដែលបានចុះបញ្ជីពន្ធដាររួច
កិច្ចសន្យា ឬកិច្ចព្រមព្រៀងទិញទំនិញឬសេវា
កម្មវិធីបណ្ដុះបណ្ដាលដល់និយោជិត