- 2019-02-13 06:24:11
- ព័ត៌មាន
ប្រទះឃើញខ្លាខ្មៅកម្របំផុតនៅអាហ្វ្រិក មិនធ្លាប់ឃើញអស់ពេលជាង ១០០ឆ្នាំ
- 2019-02-13 06:24:11
- ចំនួនមតិ 0 | ចំនួនចែករំលែក 0
ប្រទះឃើញខ្លាខ្មៅកម្របំផុតនៅអាហ្វ្រិក មិនធ្លាប់ឃើញអស់ពេលជាង ១០០ឆ្នាំ
ចន្លោះមិនឃើញ
សត្វខ្លាខ្មៅដ៏កម្រមួយក្បាល ត្រូវអ្នកថតរូបថតបាននៅក្នុងព្រៃនៃប្រទេសកេនយ៉ាដែលមិនធ្លាប់មានក្នុងរយៈពេលជាង ១០០ឆ្នាំមកហើយ។
លោក Will Burrard-Lucas ជាអ្នកថតរូបសត្វព្រៃមកពីប្រទេសអង់គ្លេសក្នុងវ័យ ៣៥ឆ្នាំ បានផ្ដិតយករូបភាពសត្វខ្លាខ្មៅនេះនៅក្នុងព្រៃនាពេលយប់។ នេះគឺជាលើកដំបូងហើយដែលខ្លាខ្មៅត្រូវថតបាននៅព្រៃតំបន់អាហ្វ្រិកក្នុងរយៈពេលជាង ១០០ឆ្នាំចុងក្រោយនេះ។ អ្នកថតរូបនេះឲ្យដឹងថា វាជាសុបិន្ដរបស់លោកដើម្បីថតរូបសត្វខ្លាខ្មៅដ៏កម្រនេះចាប់តាំងពីលោកនៅវ័យក្មេងមកម្ល៉េះ។
លោកបានចាប់ផ្ដើមការធ្វើដំណើររបស់ខ្លួនទៅកាន់តំបន់ Laikipia នៃប្រទេសកេនយ៉ាដែលជាតំបន់តែមួយគត់មានខ្លាខ្មៅក្នុងទ្វីបអាហ្វ្រិកទាំងមូល។ លើសពីនេះទៀត លោកបានប្រើប្រាស់ឧបករណ៍ពិសេសសម្រាប់តាមដានទីតាំងសត្វខ្លា ក៏ដូចជាកាមេរ៉ា DSLR គុណភាពខ្ពស់សម្រាប់ចាប់យករូបភាពរបស់វាផងដែរ។
គួរឲ្យដឹងថា សត្វខ្លាខ្មៅត្រូវបានថតជាប់ដោយកាមេរ៉ាលើកចុងក្រោយបង្អស់កាលពីឆ្នាំ ១៩០៩ នៅក្នុងប្រទេស Ethiopia ហើយរូបភាពនេះត្រូវបានរក្សាទុកនៅសារមន្ទីរជាតិនៃប្រវត្តិសាស្ត្រធម្មជាតិនៅក្នុងទីក្រុង Washington DC សហរដ្ឋអាមេរិក៕
ចុចអាន ៖
