- 2019-02-15 10:56:19
- ព័ត៌មាន
រឿងតូចៗងាយៗ អ្នកគួរទម្លាប់ធ្វើដើម្បីឲ្យជីវិតកាន់តែរីករាយ និងស្រស់ស្រាយ
- 2019-02-15 10:56:19
- ចំនួនមតិ 0 | ចំនួនចែករំលែក 0
រឿងតូចៗងាយៗ អ្នកគួរទម្លាប់ធ្វើដើម្បីឲ្យជីវិតកាន់តែរីករាយ និងស្រស់ស្រាយ
ចន្លោះមិនឃើញ
ជាមនុស្សធំហើយ ជីវិតមិនងាយស្រួល និងសាមញ្ញដូចកាលពីនៅក្មេងទេ ពេលខ្លះត្រូវរៀនទទួលយកចំណុចខ្វះខាតខ្លួនឯង និងចេះកែលម្អ ហើយដឹកនាំជីវិតដោយភាពវិជ្ជមានជានិច្ចទើបអាចរកឃើញជោគជ័យបាន។ ចង់ឲ្យជីវិតមានតែរឿងល្អ គឺត្រូវតែអ្នកខ្លួនឯងជាចេះប្រឹងបង្កើតវា។ មានទម្លាប់តូច ៦ សាមញ្ញតែជួយបានច្រើន ដើម្បីឲ្យអ្នកអាចបង្កើតភាពរីករាយ និងស្រស់បំព្រងក្នុងជីវិតដូចជា ៖
១. បង្កើនទំនាក់ទំនងល្អៗជាមួយមនុស្សជុំវិញខ្លួន៖ ទោះជាមិនសូវជិតដិតជាមួយអ្នកជុំវិញខ្លួនក៏ដោយក៏អ្នកគួរតែព្យាយាមបង្ហាញទង្វើល្អៗ ដោយការញញឹម និងជួយយកអាសាតាមលទ្ធភាពដែលអ្នកអាច។ មានទំនាក់ទំនងល្អជាមួយអ្នកជុំវិញខ្លួន អ្នកមិនឯកានោះទេ ហើយថែមទាំងមានអារម្មណ៍ថាជីវិតកក់ក្តៅទៀតផង ព្រោះមានមនុស្សជាច្រើនស្រឡាញ់រាប់អានអ្នក។
២. ចេះរីករាយជាមួយរឿងតូចៗ ៖ កុំចាំដល់ជោគជ័យរឿងធំៗបានសប្បាយចិត្តអី ព្រោះពេលខ្លះអាចនឹងឲ្យអ្នកចាំយូរ។ គួរតែទម្លាប់ខ្លួនឲ្យចេះរីករាយនឹងរឿងល្អតូចៗដែលខ្លួនបានធ្វើជារៀងរាល់ថ្ងៃ។ ឧទាហរណ៍ថ្ងៃនេះអ្នកបានឲ្យបាយមួយកញ្ចប់ទៅក្មេងតាមផ្លូវម្នាក់ នោះក៏ជារឿងដែលអ្នកគួរតែសប្បាយចិត្តដែរ ព្រោះអ្នកបានធ្វើនូវអំពើល្អមួយ។
៣. និយាយពាក្យថា «អរគុណ» និងរៀនបើកចិត្តអភ័យទោស ៖ ចំពោះមនុស្សធ្វើឲ្យអ្នកឈឺចាប់ កុំទៅចងពារគេនាំហត់ខ្លួន គួរអរគុណដែលគេបានផ្តល់មេរៀនជួយឲ្យអ្នកកាន់តែរឹងមាំ និងយល់ពីមនុស្សកាន់តែច្បាស់។ ហើយត្រូវចេះអភ័យទោសឲ្យគេ នេះមិនមែនដើម្បីគេទេ តែដើម្បីខ្លួនឯង ព្រោះបើអ្នកមិនអាចអភ័យឲ្យគេទេ ចិត្តអ្នកក៏នៅតែជាប់ជំពាក់ជាមួយរឿងនោះមិនចេះចប់ដែរ។
៤. កុំបន្ថែមភាពស្មុគស្មាញឲ្យខ្លួនឯង ៖ បើដឹងថាខ្លួនមានអារម្មណ៍មិនល្អហើយគួរតែឆាប់រកវិធីដោះស្រាយ មិនមែនបន្ថែមរឿងមិនល្អឲ្យខ្លួនឯងលង់ជ្រៅទៅក្នុងភាពសៅហ្មងទេ។ ចេញក្រៅខ្លះ មើលរឿងអីសប្បាយៗ ចំណាយពេលនៅជាមួយមនុស្សវិជ្ជមាន និងតែងផ្តល់កម្លាំងជំរុញដល់អ្នក ចាំពេលអារម្មណ៍ល្អហើយសឹមបន្តទៅមុខទៀត។
៥. ទម្លាប់ញញឹមពេលភ្ញាក់ពីគេងភ្លាម៖ នៅពេលភ្ញាក់ដឹងខ្លួនភ្លាមត្រូវរៀនញញឹមទើបថ្ងៃថ្មីមានរឿងល្អកើតឡើង បើភ្ញាក់ភ្លាមមុខក្រញូវ មួម៉ៅភ្លាមនោះថ្ងៃនេះដឹងតែជាថ្ងៃអាក្រក់បំផុតហើយ។ ញញឹមមិនត្រឹមតែនាំសំណាងទេ វាថែមទាំងជួយឲ្យអ្នកស្រស់ស្អាត និងមានអារម្មណ៍ស្រស់ស្រាយពេញមួយថ្ងៃទៀតផង៕
