សេដ្ឋីកសិកម្ម បារម្ភពីជំងឺផ្ដាសាយលើសត្វជ្រូក កំពុងផ្ទុះនៅវៀតណាមក្ដៅៗ

2019-02-20 04:53:52
សេដ្ឋកិច្ច

2019-02-20 04:53:52
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកឧកញ៉ា ម៉ុង ឫទ្ធី អំពាវនាវដល់ប្រជាពលរដ្ឋ ជាពិសេសប្រជាកសិករប្រកបរបរចិញ្ចឹមឲ្យមានការប្រុងប្រយ័ត្នខ្ពស់ចំពោះជំងឺផ្ដាសាយជ្រូក បន្ទាប់ទទួលដំណឹងពីក្រសួងកសិកម្ម និងអភិវឌ្ឍន៍ជនបទ នៃប្រទេសវៀតណាមបានចេញសេចក្ដីការណ៍ធ្វើសន្និសីទសារព័ត៌មានជាផ្លូវការ ដោយរកឃើញមានជំងឺផ្ដាសាយនេះមានឈ្មោះថា African Swine Fever (AFS) កើតឡើងនៅចំនួន ០៨តំបន់នៅក្នុងខេត្តHung Yen និងខេត្ត Thai Binh កាលពីថ្ងៃទី ១៩ កុម្ភៈ ២០១៩។

លោកឧកញ៉ា ម៉ុង ឫទ្ធី តាមរយៈឆ្លើយតបភ្លាមៗ លើគណនីហ្វេសបុកផ្ទាល់ លោកឧកញ៉ាបានរៀបរាប់ជុំវិញការបង្ការទប់ស្កាត់ករណីនេះថា៖ "ខ្ញុំបានអំពាវនាវដល់ តាមបណ្ដាកសិដ្ឋានក្រោមឱវាទទាំងខ្នាតតូច មធ្យម និងខ្នាតធំឲ្យកោះប្រជុំជាបន្ទាន់ដើម្បីដាក់បទបញ្ជារ ឲ្យបង្កើនការប្រុងប្រយ័ត្នលើជីវសុវត្តិភាពឲ្យបានខ្ពស់បំផុត ។ ទន្ទឹមគ្នានេះផងដែរខ្ញុំសូមអំពាវនាវដល់ប្រជាកសិករ ដែលប្រកបមុខរបរចិញ្ចឹមជ្រូកទាំងអស់គ្នាសូមចូលរួមបង្ការហានិភ័យនេះ ដោយបង្កើនការប្រុងប្រយ័ត្នលើជីវសុវត្តិភាពឲ្យបានខ្ពស់បំផុត បើមានករណីនេះកើតឡើងនៅតំបន់ណា សូមកុំលាក់ព័ត៌មាននិងត្រូវតែយកសត្វនោះទៅកប់ចោល និងកុំយកទៅលក់នៅលើទីផ្សារឲ្យសោះ នាំឲ្យមានបញ្ហាដល់សុខភាពមនុស្ស"។