- 2019-02-22 06:57:08
- ព័ត៌មាន
លែងសូវបារម្ភ បងប្អូនតាមជនបទចង់មានផ្ទះសមរម្យនៅនឹងគេ កន្លែងនេះការប្រាក់ទាបទំនុកចិត្តខ្ពស់
- 2019-02-22 06:57:08
- ចំនួនមតិ 0 | ចំនួនចែករំលែក 0
លែងសូវបារម្ភ បងប្អូនតាមជនបទចង់មានផ្ទះសមរម្យនៅនឹងគេ កន្លែងនេះការប្រាក់ទាបទំនុកចិត្តខ្ពស់
ចន្លោះមិនឃើញ
ចាប់ពីថ្ងៃនេះតទៅ បងប្អូនប្រជាពលរដ្ឋដែលមានចំណងចង់បានផ្ទះនៅដ៏សមរម្យ និងមានតម្លៃធូរថ្លៃនោះ ឥឡូវកាន់តែងាយស្រួលជាមួយនឹងការបង់រំលស់ជាមួយគ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត។
ដោយក្រុមហ៊ុន អាយ អេស អាយ ស្ទៀល បានធ្វើការចុះអនុស្សរណៈយោគយល់គ្នាជាមួយគ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត កាលពីថ្ងៃ ២១ ខែកុម្ភៈ ឆ្នាំ២០១៩ នៅការិយាល័យលក់ ផ្ទះមេគង្គ សួនឧស្សាហកម្ម ខេ អឹម អេច ផ្លូវវេងស្រេង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ដើម្បីផ្ដល់ប្រាក់កម្ចីជូនអតិថិជន ផ្ទះមេគង្គ ធ្វើទ្បើងក្នុងគោលបំណងជួយប្រជាជនកម្ពុជាឲ្យមានផ្ទះល្អប្រសើរសម្រាប់ស្នាក់នៅ ដោយបានផ្ដល់ប្រាក់កម្ចីអត្រាការប្រាក់ទាប។
ក្នុងថ្ងៃប្រារព្ធកម្មវិធីនោះដែរ អគ្គនាយក ក្រុមហ៊ុន អាយ អេស អាយ គ្រុប លោក កាំង ឡេង បានឱ្យដឹងថា៖ “ដើម្បីរួមចំណែកអភិវឌ្ឍការរស់នៅឲ្យកាន់តែប្រសើរឡើង សម្រាប់បងប្អូនប្រជាជននៅតាមទីជនបទ ដែលមានចំណូលទាប អាចមានលទ្ធភាពទទួលបាននូវគេហដ្ឋានស្អាត មានអនាម័យ រឹងមាំ ជាប់ធន់បានយូរជាមួយនឹងតម្លៃសមរម្យ ជាពិសេសមិនមានការប៉ះពាល់ដល់បរិស្ថាន”។ ហើយលោកសង្ឃឹមថានឹងអាចផ្គត់ផ្គង់តម្រូវការគេហដ្ឋានចំនួន ១០ម៉ឺនផ្ទះ ក្នុងពេល ១០ឆ្នាំខាងមុខ ដើម្បីបង្កើតឱ្យមាន ការផ្លាស់ប្តូរវិជ្ជមានមួយដល់ប្រជាជនកម្ពុជា ជាពិសេសបងប្អូនដែលរស់នៅតាមទីជនបទ។
លោក Wanchairabin Jitwattanatam អនុប្រធានអគ្គនាយកនៃគ្រឹះស្ថានមីក្រូហិរញ្ញវត្ថុហត្ថាកសិករបានមានប្រសាសន៍ថា៖ "ក្នុងនាមជាស្ថាប័នដែលបានបម្រើក្នុងទីផ្សារហិរញ្ញវត្ថុកម្ពុជាជាង២០ឆ្នាំ យើងបានជួយជំរុញឱ្យមានភាពប្រសើរឡើងនូវកម្រិតជីវភាព ប្រជាជន ក៏ដូចជាបានចូលរួមលើកកម្ពស់សេដ្ឋកិច្ចកម្ពុជា តាមរយៈការផ្តល់សេវាហិរញ្ញវត្ថុដែលមានភាពងាយស្រួលនិង ប្រកួតប្រជែង ដល់ប្រជាជនទាំង ទីក្រុងនិងជនបទ"។
លោកបានបន្តទៀតថា៖ "ជាមួយសមាជិកភាពនៃធនាគាធនាគារធំជាងគេទី៥នៃព្រះរាជាណាចក្រថៃ Bank of Ayudhya (Krungsri)និងជាបុត្រសម្ព័ន្ធ របស់ MUFG (Mitsubishi UFJ Financial Group) ដែលមានបណ្តាញការិយាល័យជាង ២៣០០កន្លែង ហើយមានវត្តមាននៅជាង៥០ប្រទេសទូទាំងពិភពលោក យើងនឹងបន្តរផ្តល់សេវាកម្មហិរញ្ញវត្ថុកាន់តែប្រសើរ ក្នុងការគាំពារដល់ការរីកចម្រើនដល់ប្រជាជនកម្ពុជា"។
លោកលោក ម៉ិច សុខមេត្រី អនុប្រធានអគ្គនាយក និងជាអគ្គនាយកអភិវឌ្ឍអាជីវកម្មនៃគ្រឹះស្ថានមីក្រូហិរញ្ញវត្ថុហត្ថាកសិករ ដែលមានវត្តមាននៅក្នុងកម្មវិធីនេះដែរ បានមានប្រសាសន៍ថា៖ "កម្មវិធីថ្ងៃនេះបានបញ្ជាក់ពីទស្សនៈវិស័យរួមរវាងហត្ថាកសិករ និងក្រុមហ៊ុនISI ដែលយើងនឹងរួមសហការក្នុងការផ្តល់ផ្ទះ Mekong Homes និងកម្ចីដែលមានភាពងាយស្រួល ក្នុងការលើកកំពស់ជីវភាពរស់នៅរបស់ ប្រជាជនកម្ពុជាទូទាំងប្រទេស តាមរយៈមានលំនៅឋានសមរម្យ ទូទាំងប្រទេស"។
ជាការពិតណាស់ ផ្ទះមេគង្គជា ផ្ទះទំនើប គុណភាពខ្ពស់ តម្លៃសមរម្យ និងសាងសង់ឆាប់រហ័ស ប្រើសុទ្ធតែសម្ភារៈ លំដាប់ថ្នាក់អន្ដរជាតិ និងមានការធានាដល់ទៅ ១០ឆ្នាំ និងសក្ដិសមបំផុតសម្រាប់បងប្អូននៅតាមជនបទ ផ្ទះមេគង្គមានបីម៉ូដែល ផ្ទះតៀមទំហំ ៦ម x ៦ម ផ្ទះខ្ពស់ផុតពីដី ទំហំ ៦ម x ៦ម និងផ្ទះខ្ពស់ផុតពី មានទំហំ ៩ម x ៦ម ហើយអាចសង់ជូនលោកអ្នកនៅទូទាំង ២៥ខេត្តនៃព្រះរាជាណាចក្រកម្ពុជា ដោយជាងជំនាញដែលហ្វឹកហាត់ដោយផ្ទាល់ពីក្រុមហ៊ុន។ សូមបញ្ជាក់ថា ដើម្បីសងផ្ទះមេគង្គបាន លោកអ្នកត្រូវមានដីផ្ទាល់ខ្លួន។ សម្រាប់ព័ត៌មានបន្ថែមទាក់ទងទៅកាន់ទំព័រហ្វេសប៊ុក ផ្ទះមេគង្គ ៕
