រំឭក! ដឹងទីតាំងប្រាំកន្លែងសម្រាប់ជិះរថយន្តក្រុងទៅខេត្តFree ក្នុងឱកាសចូលឆ្នាំខ្មែរនេះ

2019-04-11 02:52:58
សេដ្ឋកិច្ច

2019-04-11 02:52:58
ចំនួនមតិ 0 | ចំនួនចែករំលែក 0

ចន្លោះមិនឃើញ

រាជរដ្ឋាភិបាលក្នុងឱកាសបុណ្យចូលឆ្នាំខ្មែរប្រពៃណីជាតិខាងមុខនេះបានបញ្ចេញរថយន្តក្រុង១២០គ្រឿងសម្រាប់ដឹកជញ្ជូនប្រជាពលរដ្ឋពីភ្នំពេញទៅតាមបណ្ដាខេត្តដោយមិនគិតថ្លៃ។

ការដឹកជញ្ជូននេះនឹងចាប់ផ្ដើមពីថ្ងៃទី១២ ដល់១៨ ខែមេសា ឆ្នាំ២០១៩។ ការចាកចេញពីរាជធានីភ្នំពេញនឹងធ្វើឡើងនៅថ្ងៃទី១២ ខែមេសា ឆ្នាំ២០១៩ វេលាម៉ោង៥ និង៣០នាទីព្រឹកនៅតាមទីតាំងប្រាំកន្លែងផ្សេងៗគ្នា។

ទីតាំងទាំងប្រាំកន្លែងនោះរួមមានអ្នកត្រូវធ្វើដំណើរតាមផ្លូវជាតិលេខ១ និងលេខ២ ត្រូវមកទីតាំងផ្លូវ៦០ម៉ែត្រ មុខក្រុមហ៊ុនរថយន្តមែកស៊ឺដែស។ សម្រាប់អ្នកត្រូវធ្វើដំណើរតាមផ្លូវជាតិលេខ៣ និងលេខ៤ ត្រូវមកចាំនៅទីតាំងផ្សារសិនជូរីផ្លាហ្សា។ ដោយឡែកអ្នកត្រូវធ្វើដំណើរតាមផ្លូវជាតិលេខ៥ ត្រូវមករង់ចាំនៅសួនច្បារឫស្សីកែវ។

សម្រាប់អ្នកធ្វើដំណើរតាមផ្លូវជាតិលេខ៦ ត្រូវមកកាន់ទីតាំងរង្វង់មូលទេពមច្ឆា ជ្រោយចង្វារ និងអ្នកត្រូវធ្វើដំណើរតាមផ្លូវជាតិលេខ៦ រួចបន្តតាមផ្លូវជាតិលេខ៧ និងអ្នកធ្វើដំណើរតាមលេខ៦ រួចបន្តតាមលេខ៨ ត្រូវមកទីតាំងរាជាយស្ម័យយាន ក្បែរសាកលវិទ្យាល័យសុខាភិបាល៕

តារាងពេលវេលា