- 2019-04-19 04:17:02
- ព័ត៌មាន
រឿងរំជួលចិត្តរបស់នារីកេនយ៉ាម្នាក់ កើតកូនមកខុសប្រក្រតីត្រូវប្ដីបោះបង់ចោល
- 2019-04-19 04:17:02
- ចំនួនមតិ 0 | ចំនួនចែករំលែក 0
រឿងរំជួលចិត្តរបស់នារីកេនយ៉ាម្នាក់ កើតកូនមកខុសប្រក្រតីត្រូវប្ដីបោះបង់ចោល
ចន្លោះមិនឃើញ
Catherine ជាឈ្មោះដែលអ្នកនិពន្ធដាក់ឲ្យនារីកេនយ៉ាម្នាក់។ Catherine បានបង្កើតកូនម្នាក់កាលពីឆ្នាំ២០០៩។ ប៉ុន្តែការផ្តល់កំណើតកូនមួយនេះបានបង្កើតជារឿងមួយដែលស្ទើរតែធ្វើឲ្យនាងសម្លាប់ខ្លួន និងកូនដែលទើបកើត។
កូនរបស់Catherine ដែលទើបកើតនោះមានប្រដាប់ភេទដល់ទៅពីរទាំងប្រុស និងស្រី។ ពេលកូននោះកើតមកអ្នកជិតខាងបានឲ្យCatherine នាំកូនទៅកាន់មន្ទីរពេទ្យក្នុងតំបន់ ប៉ុន្តែត្រូវបញ្ជូនបន្តទៅកាន់មន្ទីពេទ្យធំបន្តទៀត។
គ្រូពេទ្យបានចេញលិខិតបញ្ជាក់កំណើតជូនកូនCatherine តែនៅត្រង់ប្រអប់បញ្ជាក់ពីភេទគ្រូពេទ្យបានដាក់ជាសញ្ញាសួរជំនួសពាក្យថាស្រីឬប្រុសទៅវិញ។
កូនកើតមកមានភេទពីរដូចនេះបានធ្វើឲ្យស្វាមីរបស់Catherine បោះបង់នាង និងកូនចោល ដោយលើកឡើងថាត្រកូលរបស់ខ្លួនមិនដែលមានកូនប្រភេទនេះទេ និងចោទCatherine ថាមានកូនជាមួយអ្នកផ្សេង។
Catherine និយាយថា៖ «ខ្ញុំវិលវល់ អស់ហើយ ខ្ញុំមានអារម្មណ៍ឯកោណាស់»។
តាំងពីពេលនោះមកCatherine ត្រូវបន្តរសចិញ្ចឹមកូនតែឯងដោយបានផ្ទះបងស្រីជាជម្រក។ ដោយពិបាកចិត្តពេក មានពេលមួយCatherine បានយកថ្នាំកណ្តុរលាយក្នុងអាហារដើម្បីបញ្ចប់ជីវិតខ្លួន និងកូន ប៉ុន្តែចុងក្រោយនាងសម្រេចចិត្តបោះបង់គំនិតនេះវិញ។
Catherine បានរត់ទៅកាន់ព្រះវិហារ និងបាននិយាយទៅកាន់លោកឱពុកនៅទីទោះពីទុក្ខកង្វល់របស់នាង។ លោកឪពុកបានប្រាប់នាងថានៅលើផែនដីនេះមានមនុស្សច្រើនណាស់កើតមកមានភេទពីរដូចនេះ ព្រះនឹងតាមជួយនាង ហើយនាងនឹងកូនត្រូវតែរស់។
ច្រើនសប្ដាហ៍ក្រោយពេលផ្ដល់កំណើតឲ្យកូន នាងបានត្រឡប់ទៅធ្វើការវិញដើម្បីរកប្រាក់ខ្លះៗចិញ្ចឹមកូន។ អ្វីដែលកាន់តែធ្វើឲ្យនាងខ្វល់ខ្វាយកាន់តែខ្លាំងគឺការណែនាំរបស់គ្រូពេទ្យឲ្យកូននាងទទួលការវះកាត់។
គ្រូពេទ្យប្រាប់ថាកូននាងមានអ័រម៉ូនភេទប្រុសច្រើនជាងភេទស្រី ដូចនេះអ្វីដែលគួរធ្វើគឺវះកាត់បិទភ្ជិតប្រដាប់ភេទស្រី និងរក្សាទុកប្រដាប់ភេទប្រុសវិញ។
ដំបូងឡើងCatherineមានភាពស្ទាក់ស្ទើរចំពោះគំនិតនេះ តែជាងមួយឆ្នាំក្រោយមកនាងក៏បានសម្រេចិត្តតាមគំនិតរបស់គ្រូពេទ្យ។
បញ្ហាមួយទៀតដែលនាងជួបប្រទះគឺថាពេលពេទ្យផ្ដល់សំបុត្រកំណើតមិនបានដាក់ភេទឲ្យកូនរបស់នាងនោះទេ។ ការណ៍នេះនៅប្រទេសកេនយ៉ា កូនរបស់Catherineមិនអាចចុះឈ្មោះចូលរៀន ឬកាន់លិខិតឆ្លងដែនបាននោះទេ។
ជួបបញ្ហានេះCatherineបានរកជំនួយពីខាងក្រៅ។ ទីបំផុតនាងបានជួបមេធាវីម្នាក់ដែលព្រមជួយនាងប្ដឹងទៅតុលាការជាន់ខ្ពស់របស់ប្រទេសកេនយ៉ា ដើម្បីឲ្យទទួលស្គាល់ និងផ្ដល់សំបុត្រកំណើតថ្មីឲ្យកូនរបស់នាង។
នៅទីបំផុតសំណុំរឿងរបស់Catherineបានធ្វើឲ្យមានការផ្លាស់ប្ដូរផ្នត់គំនិតច្រើនចំពោះអ្នកដែលកើតមកមានភេទពីរបែបនេះ។
នៅឆ្នាំ២០១៤ តុលាការជាន់ខ្ពស់របស់កេនយ៉ា បានបង្គាប់ឲ្យរដ្ឋាភិបាលចេញសំបុត្រកំណើតថ្មីមួយដោយមានដាក់ទាំងភេទ ផងឲ្យកូនរបស់Catherine។
មកដល់ពេលនេះកូនរបស់Catherine អាយុជិត១០ឆ្នាំហើយ ជាកូនប្រុស។ ទោះយ៉ាងណាCatherineនៅតែគិតថាតើការសម្រេចចិត្តរបស់នាងនាពេលនោះដែលឲ្យគ្រូពេទ្យវះកាត់ទុកភេទប្រុសឲ្យកូនរបស់នាងជាជម្រើសត្រឹមត្រូវឬយ៉ាងណា។
នាងនិយាយថាកូនរបស់នាងមិនចូលចិត្តលេងជាមួយក្មេងដទៃទេ ហើយនាងក៏មិនធ្លាប់បានសួរកូនដែរថាកូននាងកំណត់ខ្លួនជាស្រី ឬប្រុស។
ផ្អែកតាមបទពិសោធន៍នេះCatherine បានផ្ដាំទៅឪពុកម្ដាយទាំងឡាយដែលមានកូនដូចនាងថា៖ «ទុកឲ្យកូនសម្រេចចិត្តដោយខ្លួនឯងពេលគេពេញវ័យ កុំតាមគ្រូពេទ្យ ព្រោះពេទ្យមិនមែនជាព្រះនោះទេ»៕