ហូឡង់ថាពួកគេនឹងឈប់ផ្សព្វផ្សាយថាប្រទេសគេជាគោលដៅទេសចរណ៍ទៀតហើយ

2019-05-11 09:30:00
សេដ្ឋកិច្ច

2019-05-11 09:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មន្រ្តីទេសចរណ៍ហូឡង់បានបានបញ្ចប់ជាផ្លូវការនូវវិធីសាស្ត្រផ្សព្វផ្សាយគោលដៅទេសចណ៍ របស់ពួកគេដូចដែលភ្ញៀវទេសចរបានកើនឡើងរាប់លាននាក់ជារៀងរាល់ឆ្នាំ ហើយត្រូវបានរាយការណ៍ថាបាន "បំផ្លាញ" តំបន់ទេសចរណ៍ល្បីៗមួយចំនួនរបស់ប្រទេសនេះ។ នេះបើតាម New York Post ចុះផ្សាយកាលពីថ្ងៃសុក្រ។

ចម្ការធូលីបដ៏ល្បីល្បាញបំផុតរបស់ហូឡង់

ហូឡង់ត្រូវបានគេរំពឹងថានឹងទទួលបានភ្ញៀវទេសចរចំនួន ៥០% បន្ថែមទៀតនៅកន្លះទសវត្សក្រោយ ពី ១៨លាន នាក់ក្នុងឆ្នាំ ២០១៨ ដល់ប្រមាណ ២៩លាន នាក់ក្នុងឆ្នាំ ២០៣០។ ប្រភពខាងលើបន្ត។

កាលពីដើមសប្តាហ៍នេះ គណៈកម្មាធិការទេសចរណ៍ និង មហាសន្និបាតប្រទេសហូឡង់បានចេញរបាយការណ៍វិភាគមួយដោយបានលើកឡើងថា ជំនន់នៃភ្ញៀវទេសចរនឹងគំរាមកំហែងដល់ពលរដ្ឋរបស់ប្រទេសនេះដែលមានចំនួនត្រឹម ១៧ លាន នាក់។

ភ្ញៀវទេសចរ "ច្រើនមិនប្រាកដថាល្អទេ"។ ជំនួសឱ្យការផ្សព្វផ្សាយគោលដៅទេសចរណ៍ វាជាពេលវេលាសម្រាប់ការគ្រប់គ្រង និង បែងចែកឲ្យទេសចរបង្វែរគោលដៅទេសចរណ៍ទៅកាន់តំបន់មិនសូវល្បីផ្សេងៗទៀតនៅក្នុងប្រទេស ដូច្នោះ "តំបន់ជាច្រើនផ្សេងទៀត និង ប្រជាជនក្នុងស្រុកនឹងទទួលបានផលពីអ្នកទេសចរ"។ របាយការណ៍ខាងលើបន្ថែម។

តំបន់ទេសចរណ៍ភ្លើងក្រហមនៅទីក្រុងអាំស្ទ័រដាំ (Amsterdam red light tour) ដែលហូឡង់ ល្បីល្បាញខាងរបររកស៊ីផ្លូវភេទស្របច្បាប់។ គេតែងចង់ទៅមើលនារីតាំងក្នុងផ្ទះកញ្ចក់នៅទីនោះ។

ទេសចរប្រមាណ ១ ០០០ក្រុម ត្រូវបានរាយការណ៍ថាបានធ្វើដំណើរនៅតាមវិថី Oudekerksplein ជាតំបន់ទេសចរផ្លូវភេទប្រវត្តិសាស្ត្ររបស់ហូឡង់រៀងរាល់សប្តាហ៍។

ប៉ុន្តែកាលពីខែមីនា ហូឡង់បានចេញបម្រាមទាំងសេវាផ្លូវភេទឥតគិតថ្លៃ និង សេវាផ្លូវភេទបង់ប្រាក់ ក្រោយពីអ្នកទេសចរជាច្រើនត្រូវបានរាយការណ៍ថា "មិនគោរព" ដល់អ្នករកស៊ីផ្លូវភេទ ហើយគោលការណ៍នេះនឹងចូលជាធរមានចាប់ពីថ្ងៃទី ១ ខែមករា ឆ្នាំ ២០២០ តទៅ៕

អាន៖ ទម្លាប់អាក្រក់៨យ៉ាង អាចនឹងបំផ្លាញឡានប្រើលេខអូតូរបស់អ្នកដោយមិនដឹងខ្លួន

អាន៖ បុរសដែលរីករាយបំផុតលើលោក ប្រាប់វិធី៣យ៉ាងធ្វើខ្លួនឲ្យមានសុភមង្គល

ប្រភព៖ New York Post ប្រែសម្រួល៖ សុខ លាងហ៊ត