តើកន្លែងណាខ្លះនៅប្រទេសជប៉ុនមានអាហារឆ្ងាញ់? ហើយគួរញ៉ាំអ្វីនៅទីនោះ?

2019-06-02 04:20:00
សេដ្ឋកិច្ច

2019-06-02 04:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មោទនភាពមួយក្នុងចំណោមមោទនភាពរបស់ប្រជាជាតិជប៉ុនគឺ ម្ហូបឆ្ងាញ់។ តំបន់នានានៅក្នុងប្រទេសនេះ មានម្ហូបឆ្ងាញ់ប្រចាំតំបន់ ដែលទេសចរបរទេសភាគច្រើនមិនសូវបានដឹង។ នេះបើតាមវេបសាយក្នុងស្រុក Soranews24 ទើបបានចុះផ្សាយ។

ប្រភពខាងលើបានរាយបញ្ជីតំបន់ចំនួន៥ និង ម្ហូបឆ្ងាញ់ប្រចាំទីនោះដូចខាងក្រោម៖

៥ ក្យូតូ

ក្យូតូ ក្រៅពីជាទីក្រុងវប្បធម៌សម្បូរបែបរបស់ជប៉ុន ទីក្រុងនេះក៏ជាប់ទីកន្លែងដែលមានម្ហូបឆ្ងាញ់ប្រចាំតំបន់ផងដែរ។ តូហ៊្វូ (tofu ឬ yudofu) និង សាប៊ូនីស៊ីន (nishin soba) គឺជាមីជាមួយត្រីសារឌីន។

តូហ៊្វូ

៤ នីហ្គាតា (Niigata)

Hegi soba គឺជាមីដែលមានសារាយសមុទ្រក៏ឆ្ងាញ់គ្រប់គ្រាន់ ដើម្បីលើកមុខទីក្រុងមួយនេះដែរ។ ជាងនេះទៅទៀត តំបន់នេះល្បីថាជាកន្លែងដែលដាំដុះស្រូវបានល្អបំផុត។ នីហ្គីតា បានប្រើប្រាស់អង្ករឈ្មោះថា កូស៊ីហ៊ីការិ (Koshihikari) ក៏ជាអាហារមិនធម្មតារបស់អ្នកស្រុកនេះ។

ដោយសារគុណភាពអង្ករល្អនៅទីនោះ នីហ្គាតាក៏ត្រូវបានគេទទួលស្គាល់ថាជាកន្លែងបិទស្រាពីអង្ករល្អបំផុតរបស់ជប៉ុន។

៣ អូសាកា

ឥឡូវក្រឡេកមកមើលអាហារឆ្ងាញ់ដែលប្រជាជនជប៉ុនណែនាំសម្រាប់ទីក្រុងអូសាកា ដោយចាប់ផ្តើមពី អូកូណូមីយ៉ាគិ (okonomiyaki) ជានំផេនខេក ស្រដៀងនឹងអូម៉ាឡែតដែរដែលគេដាក់សាច់ជ្រូកឬគ្រឿងសមុទ្រ មានស្ពៃក្តោបនិងបន្លែផ្សេងៗទៅតាមចំណូលចិត្ត និង មួយទៀតគឺ តាកូយ៉ាគិ (takoyaki) ជាប្រភេទមឹកបំពង។

២ ហ៊្វូគូកា (Fukuoka)

ជាទីក្រុងធំបំផុតនៅលើកោះគីយូស៊ុភាគនិរតី អាហារដែលល្បីបំផុតនៅហ៊្វូគូកាគឺរ៉ាម៉ែន។ រ៉ាម៉ែនគឺជាមីបែបជប៉ុន ហើយភាគច្រើនគេប្រើសាច់ជ្រូក ហើយបើអ្នកជាមនុស្សចូលចិត្តដើរញ៉ាំ mentaiko និង cod roe ហិរក៏ជាអាហារដ៏ពេញនិយមដែរនៅទីនោះ ដែលអាចញ៉ាំជាមួយបាយ។

១ ហុកកៃដូ

ជាដែនកោះមួយរបស់ប្រទេសជប៉ុន គេតែងតែចូលចិត្តអាហារសមុទ្រនៅកោះហុកកៃដូ ហើយទីនោះត្រូវបានគេចាត់ទុកថាជាកន្លែងល្អបំផុតសម្រាប់ក្តាម សាម៉ុង និង គ្រឿងសមុទ្រផ្សេងទៀត។

ហុកកៃដូ ក៏មានអាហារដ៏សម្បូរបែបផ្សេងទៀតដូចជាបាយចំហុយសាច់ជ្រូក (Pork rice bowls) ជាមួយនឹងរ៉ាម៉ែន ពោត ដំឡូង ដែលដាំដុះលើកោះនោះផ្ទាល់ ការ៉េម និង ឈីស ទាំងនេះសុទ្ធសឹងជាអាហារប្រចាំថ្ងៃលេខ១របស់ជនជាតិជប៉ុន៕